100 молитв на быструю помощь. Главные молитвы на деньги и материальное благополучие

Преблагословенная Владычице, Приснодево Богородице, Бога Слова паче всякаго слова на спасение наше рождшая, и благодать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери человеколюбиваго Владыки, удиви на нас пребогатыя милости Твоя и прошения наша, приносимая Тебе, Скоропослушнице, ускори исполнити все, еже на пользу во утешение и спасение коемуждо устрояющи. Посети, Преблагая, рабы Твоя благодатию Твоей, подаждь недугующим цельбу и совершенное здравие, обуреваемым тишину, плененным свободу, и различными образы страждущих утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий; и душевного расслабления, обуревания страстей и грехопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Ему же подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.

Тропарь, глас 4

Богородице притецем, сущий в бедах, и святей иконе Ея ныне припадем, с верою зовуще из глубины души: скоро наше услыши моление, Дево, яко Скоро послушница нарекшаяся. Тебе бо рабы Твои в нуждах готовую Помощницу имамы.

Кондак, глас 8

В море житейстем обуреваемии, треволнению подпадаем страстей и искушений. Подаждь убо нам, Госпоже, руку помощи, якоже Петрови Сын Твой, и ускори от бед избавити ны, да зовем Ти: радуйся, Всеблагая Скоропослушнице.

Для успехов во всех делах, связанных с финансами

Молитва перед иконой Божией Матери «Всех скорбящих Радость» (с грошиками)

Слава чудотворной иконы «Всех скорбящих Радость» в России родилась в XVII веке после исцеления по молитвам перед ней родной сестры Патриарха Иоакима Евфимии.. В начале XVIII века список с этого образа был привезен в Санкт-Петербург.

В 1888 г. над Петербургом разразилась страшная гроза, во время которой молния ударила в часовню, в которой находился образ «Всех скорбящих Радость». Однако икона не только не пострадала, а будучи раньше старой и закопченной, чудесным образом обновилась.

Произошло и еще одно чудо – 12 медных грошиков, лежавших на тарелочке для пожертвований, во время удара молнии отскочили и прилепились к образу Богородицы. По молитвам у иконы начали происходить различные чудеса и исцеления, и некоторое время спустя на месте часовни была выстроена церковь.

Храм этот был разрушен в начале XX века, но в наши дни он восстановлен, и чудотворная икона снова вернулась на свое место – в церковь на проспекте Обуховской обороны Санкт-Петербурга.

Икона Божией Матери «Всех скорбящих Радость» (с грошиками)

Молитва первая

Боголюбивая Царице, неискусомужняя Дево, Богородице Марие, моли за ны Тебе возлюбившаго и рождшагося от Тебе Сына Твоего, Христа Бога нашего: подати нам оставление прегрешений, мирови мир, земле плодов изобилие, пастырем святыню и всему человечу роду спасение. Грады наша и страны российская от нахождения иноплеменных заступи, и от междоусобныя брани сохрани. О Мати боголюбивая Дево! О Царице всепетая! Ризою Своею покрый нас от всякаго зла, от видимых и невидимых враг защити и спаси души наша. Аминь.

Молитва вторая

О Пресвятая Владычице Богородице, Преблагословенная Мати Христа Бога Спасителя нашего, всех скорбящих радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте, и всем беспомощным всегда готовая помоще и верное прибежище!

Тебе, о Всемилостивая, дадеся от Всевышняго благодать во еже всех заступати и избавляти от скорби и болезней, зане Сама лютыя скорби и болезни претерпела еси, взирающи на вольное страдание Сына Твоего возлюбленнаго и Того на кресте распинаема зрящи, егда оружие Симеоном предреченное сердце Твое пройде.

Тем же убо, о Мати чадолюбивая, вонми гласу моления нашего, утеши нас в скорби сущих, яко верная радости Ходатаица; предстоящи престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити.

Сего ради с верою сердечною и любовию от души припадаем к Тебе яко Царице и Владычице и псаломски вопити Тебе дерзаем; слыша, дщи, и виждь, и приклони ухо Твое, услыши моление наше, и избави нас от обстоящих бед и скорбей; Ты бо прошения всех верных, яко скорбящих радость, исполнявши, и душам их мир и утешение подавши.