100 молитв на быструю помощь. Главные молитвы на деньги и материальное благополучие

Святии славнии и всехвальнии Апостоли, начальнейшаго Архиерея исповедания нашего, Иисуса Христа, избраннии ученицы и строителие таин Его: Петре и Павле, Иакове и Иоанне, Андрее и Матфее, Филиппе и Варфоломее, Фомо и Иакове, Иудо и Симоне, молите Христа Бога, да от шуияго мира сего пребывания деснаго во царствии Своем сподобит предстояния, из сына противления сотворит мя сына спасения, да и аз совлекуся ветхаго человека и облекуся в новаго, созданнаго по Бозе в правде, преподобии и истине, и мя, в правду грех ради ненавидима, возлюбит и обитель во мне, недостойнем рабе Своем, достойну Себе сотворит, да в правоте веры путем тем ходя, доиду ко Отцу небесному в наследие вечнаго достоинства и тамо, юже зде верою созерцаю, яснее во славе узрю и прославлю Святую Троицу в безконечныя веки. Аминь.

Молитва вторая

Владыко всемогущий, Господи Боже наш, избравый возлюбленныя Своя ученики и Апостолы на проповедь спасения всему миру, давый им власть отпущати грехи, приими ходатайства их о роде человеческом, егоже и судити с ними имаши: тех самых, яко другов Твоих, нам зело честных, дерзаем недостойнии в предстательство к Тебе, многопоспешествующее ко спасению душ наших, приводити, моляще их усердно.

Святии первоверховнии Апостоли Петре и Павле, Евангелисти Христовы Иоанне Богослове и Матфее, первозванный (учениче) Андрее, водружением Креста Россию благословивый, Апостоли святии Иакове, брате Господень, со другим Иаковом, Филиппе, Варфоломее, Фомо, Симоне, Иудо и Матфие! Вси святии богоизбрании Апостоли, изряднейшии угодницы Христовы, безбожия искоренителие и веры истинныя насадители, помозите нам мощным вашим пред Господом ходатайством, избавитися от всякаго зла и вражия лести, твердо сохраняти преданную вам веру православную, в нейже вашим предстательством ни ранами, не прещением, ни мором, ни коим гневом от Создателя своего умалени будем, но мирное зде поживем житие и да сподобимся видети благая на земли живых, славяще Отца и Сына и Святаго Духа, единаго в Троице славимаго и покланяемего Бога, ныне и присно и во веки веков. Аминь.

Молитва третья

О святии апостоли Христовы: Петре и Андрее, Иакове и Иоанне, Филиппе и Варфоломее, Фомо и Матфее, Иакове и Иудо, Симоне и Матфие! Услышите наши молитвы и воздыхания, сердцем сокрушенным ныне приносимые, и помозите нам, рабам Божиим (имена), вашим всемощным пред Господем ходатайством, избавитися от всякаго зла и вражия лести, твердо же преданную вами веру православную сохраняти, в ней же вашим предстательством ни ранами, ни прещением, ни мором, ни коим гневом от Создателя нашего умалени будем, но мирное зде поживем житие и сподобимся видети благая на земли живых, славяще Отца и Сына и Святаго Духа, Единаго в Троице славимаго и покланяемаго Бога, ныне и присно и во веки веков.

Тропарь

Апостолов первопрестольницы и вселенныя учителие, Владыку всех молите, мир вселенней даровати и душам нашим велию милость.

Для получения помощи в любой нужде

Молитва святой блаженной Ксении Петербургской

День памяти 24 января/6 февраля

После смерти молодого супруга благочестивая Ксения, жившая в Петербурге в начале XVIII века, полностью отреклась от земной жизни, раздала нищим все свое имущество и избрала для себя путь юродства. Целыми днями бродила кроткая женщина, надевшая костюм умершего мужа, по улицам города, снося поношения и раздавая поданную ей милостыню беднякам. Ночами же блаженная удалялась в поле и долгие часы проводила на коленях в молитве.

Еще при ее жизни Господь отметил святую своей Благодатью – у Ксении открылся дар прозрения будущего и молитвенной помощи другим людям. Ее прикосновение исцеляло больных, а на дом, который посетила юродивая, снисходила благодать – в семье воцарялись мир и любовь, согласие и достаток. Бесплодные женщины, подойдя к блаженной, обретали возможность родить дитя, а девицы от ее благословения быстро выходили замуж.

Часовня Ксении Петербургской находится на Смоленском кладбище в Санкт-Петербурге.

К святой Ксении Петербургской обращаются с молитвенными просьбами о жизни в достатке, о помощи в поисках работы, избавлении от нужды, бедности и долгов, о счастливом устройстве семьи и в любой житейской нужде.

Святая блаженная Ксения Петербургская

Молитва первая