105 чудотворных икон и молитвы к ним. Исцеление, защита, помощь и утешение. Чудо творящие святыни

Да тако очишении зде Твоего покрова достойни будем и с горящим светильники добродетелей в Страну Небесную прейдем невозбранно, идеже сподобимся поклонитися Тебе, Пречистая Госпоже, славяще избравшую и возвеличившую Тя Пресвятую Троицу, Отца и Сына, и Святаго Духа во веки веков. Аминь

Молитва вторая

Приидите, людие Российстии, преславно и православно ублажим Преблагословенную и Пречистую Марию Деву, в Баре граде благодать Свою издревле выну явившую, православныя люди Подольския земли от агарян и сарацын свободившую, православную веру в пленении латинстем сохранившую. К кому убо прибегнем, аще не к Тебе, Владычице! Кому принесем слезы и воздыхания, аще не к Тебе, Пресвятая Богородице!

Не имамы бо иныя помощи, не имамы иныя надежды, разве Тебе, Небесная Царице, Дево Пречистая, Лествице к Небеси, святое Вместилище Слова Божия, прибежище верным и избавление, достоянию Твоему помощь и защищение, скорбящим Подательнице вечнаго радования, иноков богомудрых возведение к горнему Царствию. Ты бо, яко имущая державу непобедимую, злую дерзость латинскую отмстила еси, иезуитское и униатское неправоверие в веру православную обратила еси, верою имя Твое всехвальное призвавших отцев наших спасла еси и покрыла их святым омофором.

Не отврати и ныне Рабы Твоя тщи. Тя бо едину надежду имамы; избави люди Твоя присно и град и обитель, юже избрала еси Себе местом проявления благодати Твоея, и Подольскую землю и вся православныя христианы от искушений, от пагубных, душевредных учений, от неверия, развращения и погибели вечныя, и от всякаго лютаго обстояния, и наветов врагов Церкви Твоея православныя, и до ныне тайно и неустанно сеющих скверныя плевелы на доброй, от века православной ниве Подольской; аще бо не Ты предстояла молящи, кто бы избавил веру отцев наших от толиких бед, кто бы и нас сохранил до ныне свободны? Мы же преблагому Твоему заступлению о нас радующеся, избавльшеся от злых, благодарственно да восписуем Ти и да зовем Ти: Радуйся, Невесто Неневестная.

Икона Божией Матери «Максимовская»

Россия, Владимиро-Суздальский музей-заповедник

Максимовская икона Божией Матери написана в 1299 году по видению святителю Максиму, митрополиту Владимирскому. На ней изображена Божия Матерь во весь рост с Предвечным Младенцем и митрополит Максим, стоящий на коленях и принимающий из Ее рук святительский омофор.