200 православных исцеляющих икон

О, святый и праведный Симеоне, чистою душею твоею в небесных обителех в лице святых водворяяйся, на земли же телом твоим нетленно почиваяй! По данной ти благодати Господа молитися о нас милостивно призри на нас, многогрешных, аще и недостойне, обаче с верою и упованием ко святым и цельбоносным мощем твоим притекающих, и испроси нам от Бога прощение согрешений наших, в няже впадаем множицею во вся дни жития нашего и якоже прежде овым убо от очныя зельныя болезни нимало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси; сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, и ныне и присно и во веки веков. Аминь.

Тропарь, глас 4-й

Днесь радуется славная страна Сибирь, обретши святыя твоя мощи внутрь себе. Архиереи, священницы и воеводы и весь сонм людский, духовне веселящеся, вопием ти: о богомудре Симеоне, избави нас, иже к тебе прибегающих, от всех бед, просяще подати всем по коегождо прошению и избавитися стране сей и граду от огненнаго запаления и поганскаго нашествия, и междоусобныя брани, и от всякаго зла; тем же и мы вси чтем честных и многоцелебных мощей твоих обретение, новый целебниче, и вопием: слава Давшему тобою всем исцеление.

Иконы праведного Артемия Веркольского

Праведный Артемий жил в XVI в. в небольшом селении Веркола Двинского края. В возрасте 12 лет благочестивого и кроткого отрока, работавшего на своем наделе в поле, внезапно убила молния. Односельчане посчитали такую смерть гневом Божьим и побоялись хоронить его на освященной земле. Вместо этого тело убитого отнесли в лес и прикрыли ветками.

Про погибшего отрока совершенно забыли, когда вдруг через 32 года его мощи были обнаружены нетленными. Блаженного Артемия похоронили, и с тех пор и иконы, и береста с места, где лежало тело, стали являть чудеса исцеления от лихорадок, заболеваний легких, туберкулеза и других тяжелых болезней.

На иконах праведного Артемия изображают молодым юношей на фоне пашни, который в молитве обращается к Христу, помещенному на верхнем поле иконы.

Молитва первая

Святый угодниче Божий, Артемие праведный, хранителю присный святыя обители, твоим именем украшенныя, и всего севернаго края Российския страны близкий защитниче! Призри милостивно на усердную молитву нас, грешных, и твоим благомощным предстательством испроси нам у Господа прощение согрешений наших, преспеяние в вере и благочестии и ограждение от козней диавольских. Моли Господа, да хранит во здравии и непременяемем благополучии благочестивый народ наш, да подаст державе нашей мир, тишину и нелицемерное послушание, да сподобит всех нас получити по христианстей кончине Небесное Царствие, идеже вси праведнии купно с тобою присно славят Отца и Сына и Святаго Духа. Аминь.

Молитва вторая

О, великий угодниче Божий, святый праведный Артемие, покровителю святыя обители, твоим именем красующияся, сильный ходатаю о нас ко Господу, великий благодетелю и живущих зде иноков твоея обители и всех с верою и любовию притекающих к раце чудотворных мощей твоих! Призри милостивно на убогую молитву нас, грешных и непотребных рабов, и твоим всемощным предстательством испроси нам у Господа прощение грехов, преспеяние в вере и благочестии и ограждение от козней супостата, ищущаго нас погубити. Даруй братству твоея обители, от старших до последних, смирение и кротость, любовь и послушание вседушное, служение и житие благоговейное, святое и во всем верное и благодушное исполнение иноческаго общежития, да, работающе Господеви непостыдно и духом горяще в непрестанней молитве за благотворителей наших живых и усопших, явимся верными рабами Господа, да церковь православная всея России, яко вертоград благонасажденный, цветет и плодотворит богато плодами веры и благочестия! Моли Господа, да хранит во здравии, душевнем спасении и благопоспешении во всем православный народ наш. Моли Господа о милости и благодатных щедротах Святейшему Патриарху нашему (имярек) и Святейшему Синоду нашему. Моли Господа, да ходатайством и заступлением преблагословенныя Владычицы нашея Богородицы все мы и зде мирное и богоугодное житие поживем и по мирней христианстей кончине сподобимся в преславнем царствии милости Царя неба и земли, Отца и Сына и Святаго Духа, славяще Его ныне и присно и во веки веков. Аминь.

Молитва третья