400 чудотворных молитв для исцеления души и тела, защиты от бед, помощи в несчастье и утешения в печали. Молитвы стена нерушимая

Собор святых Ангел и Архангел, со всеми Небесными Силами, поет Тя и глаголет: Свят, Свят, Свят Господь Саваоф, исполнь небо и земля славы Твоея.

Осанна в вышних, благословен Грядый во Имя Господне, осанна в вышних. Спаси мя, Иже еси в вышних Царю, спаси мя и освяти, Источниче освящения; от Тебе бо вся тварь укрепляема есть, Тебе безчисленнии вои Трисвятую песнь поют. Тебе и аз недостойный, Седящему во свете неприступнем, Егоже ужасаются всяческая, молюся: ум мой просвети, сердце очисти и устне отверзи, яко да достойно возмогу пети Тебе: Свят, Свят, Свят еси Господи, всегда, ныне и присно, и в безконечныя веки веков. Аминь.

Молитвы святителя Иоанна Златоуста перед выходом из дома

Молитва первая

Отрицаюсь тебе, сатана, гордыни твоея и служения тебе, и сочетаюсь Тебе, Христе, во имя Отца, и Сына, и Святаго Духа. Аминь.

Молитва вторая

Огради мя, Господи, силою Честнаго и Животворящаго Твоего Креста, и сохрани мя от всякаго зла. Господи, направи ко благу путь мой, Господи, благослови все мои вхождения и исхождения. (После этого осенить себя Крестным знамением, т. е. перекреститься.)

Молитвы о хозяйстве, урожае, погоде

Молитва во время засухи (молитва Каллиста, Патриарха Константинопольского)

Владыко Господи Боже наш, послушавый Илию Фесвитянина ревности ради к Тебе, и во время посылаемому земли дождю удержатися повелевуй, таже паки молитвою его дождь плодоносный ей даровавый: Сам, Владыко всех, от самаго Твоего благоутробия умаляем, дождь волен даждь наследию Твоему, и согрешенная нами презрев, дожди Твоя низпосли на требующая и просящая места: возвесели лице земли, нищих ради людей Твоих, и младенцев и скотов, и иных всех, зане к тебе чают, еже дати пищу им во благо время. Ты бо еси Бог наш, Бог еже миловати и сиасати, и Тебе славу возсылаем, Отцу и Сыну, и Святому Духу, ныне и присно, и во веки веков. Аминь.

Молитва во время непрерывных дождей

Владыко Господи Боже наш, древле ревнителя Илии, пророка Твоего, мольбу послушавый, и еже на время дождь удержати изволивый: и ныне человеколюбивый Творче, и милостивый Господи, призри и на нас, смиренных и недостойных рабов Твоих, смиренныя мольбы, и яко щедр презри наша прегрешения, и умолен быв от самаго Твоего человеколюбия, подаждь ведро достоянию Твоему, и солнце просвети на требующыя и просящыя от Тебе милости: возвесели лице земли, нищих ради людей Твоих, младенец же и скот и иных всех животных, ихже насыщаеши Твоим благоволением, и даеши пищу им во благо время. Ей, Господи Боже наш, не отрини вотще мольбу нашу, ниже посрами нас отчаяния нашего, но пощади нас по милости Твоей, и посети щедротами Твоими, исчезают бо всуе дние напш, и оскудевает в болезни живот наш. Не погуби убо нас беззаконий ради наших, имиже негодование и ярость Твою на себе привлекохом: но сотвори с нами по тихости Твоей, и по множеству милости Твоея. Се бо душею сокрушенною, и духом смиренным пред Тобою припадаем, и яко раби непотребнии, паче же болыпия казни достойни в покаянии умиленно Тебе вопием: согрешихом и беззаконнивахом и прегрешихом во всем, и заповеди Твоя преступающе, и сего ради вся, яже наводиши на ны, истинною и судом наводиши: но не до конца тлению, гладу же и погибели предаждь нас, ниже да потопит нас буря водная: но во гневе милости помяни, и туне щедрот Твоих ради умилостивися, и Твое создание и дело рук Твоих, яко благ, помилуй, и от всякаго зла скоро избави. Твое бо ести еже миловати и спасати нас, Боже наш, и Тебе славу возсылаем, Отцу и Сыну, и Святому Духу, и ныне и присно и во веки веков. Аминь.

Молитва о прекращении грозы

Опять от Тебя, Господа Человеколюбца Владыки, научение, опять моления рабов недостойных, знающих, что как бы ни велико (было) множество грехов, но (столько же) их превышает непамятозлобное Твое милосердие! Потому и молимся Тебе: отврати от нас сильный гнев Твой, чтобы не во век гневаться Тебе на нас, но по милости Твоей оживить нас щедротами Твоими. Господи Боже наш, посылающий гром и прекращающий молнию и все делающий к сохранению Твоих творений! Призри по Твоему человеколюбию и избавь нас от всякой скорби, гнева и нужды и настоящего устрашения, ибо возгрел Ты, Господи, с неба и молнию умножил, и устрашил нас. Милостивый Господи! К Тебе прибегаем, прекрати гнев Твой и низпошли богатыя милости Твои на нас и помилуй рабов Твоих, как Благий и Человеколюбец да не попалит нас огонь гнева Твоего и да не губит нас сила молнии и грома Твоего, но по свойственному Тебе милосердию гнев Твой утиши и в воздухе тишину водвори и рассеки солнечными лучами окружающий мрак и спокойными сделай облака. Ибо Ты – Бог Милостивый, Щедрый и Человеколюбивый и Тебе славословие приносим Отцу и Сыну и Святому Духу, ныне и присно и во веки веков. Аминь.