Читаем Библия (на цсл. гражданским шрифтом) полностью

32 и узриши державу мою во всех, имиже разблажает израиля, и не будет старца в дому твоем во вся дни:

33 и мужа не истреблю тебе от олтаря моего, во еже оскудети очесем его и истаяти души его: и вси прочии дому твоего падут оружием мужеским:

34 и сие тебе знамение, еже приидет на оба сына твоя сия офни и финееса: в день един умрут оба:

35 и возставлю себе жерца верна, иже вся яже в сердцы моем и яже в души моей сотворит, и созижду ему дом верен, и предидет пред христом моим во вся дни:

36 и будет всяк оставшийся в дому твоем приидет поклонитися ему с цатою сребра и хлебом единым, глаголя: приими мя к единому от священнослужений твоих, еже ясти хлеб.


Глава 3


1 И отрочищь самуил бе служа Господеви пред илием иереем, и глаголгол Господень бе честен в тыя дни, не бе видение посылаемо.

2 И бысть в день он, и илий спаше на месте своем, и очи его начаста тяжце быти, и не можаше зрети:

3 и прежде неже угасе светилник Божий, и самуил спаше в церкви Господни, идеже кивот Божий,

4 и воззва Господь: самуиле, самуиле. И рече: се, аз.

5 И тече ко илию и рече: се, аз, яко звал мя еси. И рече (илий): не звах тебе, возвратися и спи. И возвратися и спа.

6 И приложи Господь и воззва еще: самуиле, самуиле. И воста самуил и иде ко илию вторицею, и рече: се, аз, яко звал мя еси. И рече: не звах тебе, чадо мое, возвратися, спи.

7 Самуил же в то время еще не познаваше Бога, прежде откровения ему гласа Господня.

8 И приложи Господь призвати самуила третицею: и востав, и иде ко илию и рече: се, аз, яко звал мя еси. И разуме илий, яко Господь призывает отрочища, и рече: возвратися и спи, чадо:

9 и будет аще воззовет тя зовый, и речеши: глаголи, Господи, яко слышит раб твой. И иде самуил, и спа на месте своем.

10 И прииде Господь и ста и воззва его якоже первое и второе: самуиле, самуиле. И рече самуил: глаголи (Господи), яко слышит раб твой.

11 И рече Господь к самуилу: се, аз творю глаголголы моя во израили, яко всякому слышащему сия пошумит во обоих ушесех его:

12 в день той воздвигну на илиа вся, елика глаголах на дом его: начну и скончаю:

13 и возвестих ему, яко отмщу аз на доме его до века в неправдах сынов его, о нихже ведяше, яко злословиста Бога сынове его, и не наказа их:

14 и сего ради кляхся дому илиину, яко не очистится неправда дому илиина в кадилах и жертвах его до века.

15 И спа самуил до утра, и утренева заутра, и отверзе двери храма Господня. Самуил же убояся поведати видения илию.

16 И рече илий к самуилу: самуиле чадо. И рече: се, аз.

17 И рече (илий): что глаголгол глаголголанный к тебе? не скрый убо от мене: сия да сотворит тебе Бог и сия да приложит, аще утаиши от мене слово от всех словес глаголголанных к тебе во ушеса твоя.

18 И поведа самуил илию вся словеса, и не утаи от него (ни единаго глаголгола). И рече илий: Господь сам, еже благо пред ним, да сотворит.

19 И возвеличен бысть самуил, и Господь бе с ним, и не паде от всех словес его на земли (ни един глагол).

20 И разумеша вси израилтяне от дана даже и до вирсавии, яко верен самуил Господу во пророцех.

21 И приложи Господь явитися в силоме, яви бо ся Господь самуилу: и уверися самуил пророк быти Господеви во всем израили, от конца до конца земли. Илий же состареся зело, и сынове его ходяще хождаху, и лукав путь их пред Господем.


Глава 4


1 И бысть во дни оны, и собрашася иноплеменницы противу израиля на брань: и изыде израиль во сретение им на брань, и ополчишася во авенезере, и иноплеменницы ополчишася во афеце:

2 и сразишася иноплеменницы на брани со израилтяны, и преклонися брань, и падоша мужие израилевы пред иноплеменники, и убиени быша в брани на селе четыри тысящы мужей.

3 И приидоша людие в полк, и реша старейшины израилевы: почто порази нас Господь днесь пред иноплеменники? возмем кивот Бога нашего от силома, и изыдет посреде нас и спасет ны от руки враг наших.

4 И послаша людие в силом, и взяша оттуду кивот Господа седящаго на херувимех: и (быша) тамо оба сына илиина с кивотом Божиим, офни и финеес.

5 И бысть егда прииде кивот Господень в полк, и возопи весь израиль гласом великим, и возшуме земля.

6 И услышаша иноплеменницы глас вопля и реша: что сей вопль великий в полце еврейсте? И уразумеша, яко кивот Господень прииде в полк.

7 И убояшася иноплеменницы и реша: сии бози приидоша к ним в полк: горе нам, изми ны, господи, днесь: яко не бысть тако вчера и третияго дне:

8 горе нам, кто ны измет от руки богов крепких сих? сии суть бози, побившии египта всякими язвами и в пустыни:

9 укрепитеся и будите в мужы, иноплеменницы, яко да не поработаете евреом, якоже поработаша нам, будите убо в мужы и бийтеся с ними.

10 И бишася с ними: и падоша мужие израилевы пред иноплеменники, и побеже кийждо в селение свое, и бысть язва велика зело: и паде от израиля тридесять тысящ чинов:

11 и кивот Божий взят бысть, и оба сыны илиины умроша, офни и финеес.

12 И тече муж от брани иеминей, и прииде в силом в день он, и ризы своя растерзав, и персть бе на главе его.

Перейти на страницу:

Похожие книги

Заступник земли Русской. Сергий Радонежский и Куликовская битва в русской классике
Заступник земли Русской. Сергий Радонежский и Куликовская битва в русской классике

Имя преподобного Сергия Радонежского неразрывно связано с историей Куликовской битвы. Он наставлял и вдохновлял князя Дмитрия Донского, пастырским словом укреплял его дух и дух всего русского воинства. Пересвет, в единоборстве одолевший Челубея, был благословлен на бой Сергием. И только благодаря усилиям преподобного «великая вера» в правое дело победила «великий страх» перед «силой татарской». Вот почему Сергий стал в глазах народа заступником Руси и одним из самых почитаемых русских святых, не иссякает поток паломников в основанную Сергием обитель — Троице-Сергиеву Лавру, а сам Сергий в русской культуре является символом единства, дающего силу противостоять врагам.В этой книге, выход которой приурочен к 640-летней годовщине победы на Куликовом поле, собраны классические произведения русской прозы, в которых отражена жизнь преподобного Сергия Радонежского и значение его личности для России.

Александр Иванович Куприн , Иван Сергеевич Шмелев , Коллектив авторов , Николай Николаевич Алексеев-Кунгурцев , Светлана Сергеевна Лыжина (сост.)

Православие