Читаем Чудодейственная сила материнской молитвы полностью

Радуйся, от лестныя сохраняяй клеветы;

радуйся, неправедныя разрушаяй советы.

Радуйся, растерзаяй лжу яко паучину;

радуйся, возношаяй славно истину.

Радуйся, неповинных от уз разрешение;

радуйся, и мертвецев оживление.

Радуйся, проявителю правды;

радуйся, помрачителю неправды.

Радуйся, яко тобою неповиннии избавлени от меча;

радуйся, яко тобою насладишася света.

Радуйся, Николае, великий Чудотворче.

Кондак 7

Хотя богохульное еретическое отгнати злосмрадие, миро воистину благовонное таинственное явился еси, Николае: люди мирейския упасл еси, и весь мир своим благодатным миром исполнил еси. И от нас убо богомерзкое греховное злосмрадие отжени, да благоприятно Богу вопием: Аллилуиа.

Икос 7

Новаго тя Ноя, наставника ковчега спасительнаго разумеем, отче святый Николае, бурю всех лютых разгоняющаго направлением своим, тишину же Божественную приносящаго вопиющим таковая:

Радуйся, обуреваемых тихое пристанище;

радуйся, утопающих известное хранилище.

Радуйся, плавающих посреде пучин добрый кормчий;

радуйся, треволнения морская уставляющий.

Радуйся, превождение сущих в вихрех;

радуйся, согреяние сущих во мразех.

Радуйся, сияние, скорбный мрак разгоняющее;

радуйся, светило, вся концы земли просвещающее.

Радуйся, от бездны греховныя человеки избавляяй;

радуйся, в бездну адскую сатану ввергаяй.

Радуйся, яко тобою дерзновенно бездну милосердия Божия призываем;

радуйся, яко тобою от потопа гнева избавльшеся, мир с Богом обретаем.

Радуйся, Николае, великий Чудотворче.

Кондак 8

Странное чудо является притекающим к тебе, блаженне Николае, священная твоя церковь: в ней бо и малое моление приносяще, велиих недугов приемлем исцеление, аще токмо по Бозе упование на тя возложим, верно вопиюще: Аллилуиа.

Икос 8

Весь еси всем воистину помощник, богоносе Николае, и собрал еси вкупе вся прибегающия к тебе, яко свободитель, питатель и врач скорый всем земным, на похвалу всех подвизая вопити к тебе сице:

Радуйся, всяких исцелений источниче;

радуйся, люте страждущим помощниче.

Радуйся, заре, сияющая в нощи греховной блуждающим;

радуйся, росо неботочная в знои трудов сущим.

Радуйся, подаваяй требующим благостроение;

радуйся, уготовляяй просящим изобилие.

Радуйся, многажды прошение предваряяй;

радуйся, старым сединам силу обновляяй.

Радуйся, многих заблуждений от пути истиннаго обличителю;

радуйся, таин Божиих верный служителю.

Радуйся, яко тобою зависть попираем;

радуйся, яко тобою благонравное житие исправляем.

Радуйся, Николае, великий Чудотворче.

Кондак 9

Всякия утоли болезни, великий наш заступниче Николае: растворяя благодатная врачевания, услаждающая души наша, сердца же веселящая всех, усердно к помощи твоей притекающих, Богу же вопиющих: Аллилуиа.

Икос 9

Ветия суемудренныя нечестивых видим тобою посрамленныя, богомудре отче Николае: Ариа бо хульника, разделяюща Божество, и Савеллиа, смешающа Святую Троицу, препрел, нас же во православии укрепил еси. Сего ради вопием ти сице:

Радуйся, щите, защищаяй благочестие;

радуйся, мечу, посецаяй злочестие.

Радуйся, учителю Божественных велений;

радуйся, губителю богопротивных учений.

Радуйся, лествице, Богом утвержденная, еюже восходим к Небеси;

радуйся, покрове, Богом зданный, имже покрываются мнози.

Радуйся, немудрых умудривый твоими словесы;

радуйся, ленивых подвигнувый твоими нравы.

Радуйся, светлосте заповедей Божиих неугасимая;

радуйся, луче оправданий Господних пресветлая.

Радуйся, яко учением твоим сокрушаются еретическия главы,

радуйся, яко тобою вернии сподобляются славы.

Радуйся, Николае, великий Чудотворче.

Кондак 10

Спасти хотя душу, плоть твою духови покорил еси воистину, отче наш Николае: молчаньми бо прежде и бореньми с помыслы, деянию богомыслие приложил еси, богомыслием же разум совершен стяжал еси, имже дерзновенно с Богом и Ангелы беседовал еси, всегда вопиющи: Аллилуиа.

Икос 10

Стена еси похваляющим, преблаженне, чудеса твоя, и всем к заступлению твоему прибегающим, темже и нас, в добродетели убогих, от нищеты, напасти, недугов и нужд различных свобождай, вопиющих ти с любовию таковая:

Радуйся, от убожества вечнаго изымаяй;

радуйся, богатство нетленное подаваяй.

Радуйся, брашно негиблющее алчущим правды;

радуйся, питие неисчерпаемое жаждущим жизни.

Радуйся, от мятежа и брани соблюдаяй;

радуйся, от уз и пленения свобождаяй.

Радуйся, преславный в бедах заступниче;

радуйся, превеликий в напастех защитниче.

Радуйся, многих от погибели исхитивый;

радуйся, безчисленных неврежденно сохранивый.

Радуйся, яко тобою лютыя смерти грешнии избегают;

радуйся, яко тобою жизнь вечную кающиися получают.

Радуйся, Николае, великий Чудотворче.

Кондак 11

Пение Пресвятей Троице паче иных принесл еси, преблаженне Николае, умом, словом и делом: многим бо испытанием правоверная повеления уяснил еси, верою, надеждою и любовию наставляя нас в Троице Единому Богу воспевати: Аллилуиа.

Икос 11

Перейти на страницу:

Похожие книги

Перестройка в Церковь
Перестройка в Церковь

Слово «миссионер» привычно уже относить к католикам или протестантам, американцам или корейцам. Но вот перед нами книга, написанная миссионером Русской Православной Церкви. И это книга не о том, что было в былые века, а о том, как сегодня вести разговор о вере с тем, кто уже готов спрашивать о ней, но еще не готов с ней согласиться. И это книга не о чужих победах или поражениях, а о своих.Ее автор — профессор Московской Духовной Академии, который чаще читает лекции не в ней, а в светских университетах (в год с лекциями он посещает по сто городов мира). Его книги уже перевалили рубеж миллиона экземпляров и переведены на многие языки.Несмотря на то, что автор эту книгу адресует в первую очередь своим студентам (семинаристам), ее сюжеты интересны для самых разных людей. Ведь речь идет о том, как мы слышим или не слышим друг друга. Каждый из нас хотя бы иногда — «миссионер».Так как же сделать свои взгляды понятными для человека, который заведомо их не разделяет? Крупица двухтысячелетнего христианского миссионерского эксперимента отразилась в этой книге.По благословению Архиепископа Костромского и Галичского Александра, Председателя Отдела по делам молодежи Русской Православной Церкви

Андрей Вячеславович Кураев , Андрей Кураев

Религиоведение / Образование и наука
Курс эпохи Водолея
Курс эпохи Водолея

Целью настоящей работы является раскрытие приоритетов внешней концептуальной власти. Эти приоритеты позволяли библейским «пчеловодам» в интересах западной цивилизации устойчиво поддерживать режим нищенского существования в нашей стране, располагающей богатейшим природным и интеллектуальным потенциалом. За этим нет никаких заговоров, за этим стоят не осмысленные народом России схемы внешнего управления по полной функции, подмявшие как нашу государственность, так и процессы становления личности Человека Разумного. Так трудолюбивые пчелы всю жизнь без протестов и агрессий кормят работающих с ними пчеловодов.Пчеловоды «пчеловодам» — рознь. Пора библейских «пчеловодов» в России закончилась.

Виктор Алексеевич Ефимов

Публицистика / Альтернативные науки и научные теории / История / Философия / Религиоведение / Образование и наука