Две Библии – два пути [Авторская редакция]

И воздвигшеся сынове Израилевы от Рамессы, ополчишася в Сокхофе(1): и воздвигшеся от Сокхофа, ополчишася в Вуфане(2), иже есть часть некая пустыни: и воздвигошася от Вуфана, и ополчишася во устии Ирофа, иже есть прямо Веельсепфону, и ополчишася прямо Магдолу(3): и воздвигошася прямо Ирофу, и приидоша среди моря в пустыню: и идоша путем три дни в пустыни тии, и ополчишася в горькостех(4). И воздвигошася от горькостей и приидоша в Елим(5): и в Елиме (быша) дванадесять источники вод, и седмьдесятъ стеблий финиковъ. И ополчишася у воды тамо. И воздвигошася от Елима и ополчишася у моря Чермнаго(6): и воздвигошася от моря Чермнаго и ополчишася въ пустыни Синъ(7): и воздвигошася от пустыни Синъ и ополчишася въ Рафаке(8): и воздвигошася от Рафака и ополчишася въ Елусе(9): и воздвигошася от Елуса и ополчишася въ Рафидине(10): и не бысть тамо воды людем пити. И воздвигошася от Рафидина и ополчишася в пустыни Сина(11): и воздвигошася от пустыни Сина и ополчишася въ гробехъ похотения(12): и воздвигошася от гробехъ похотения и ополчишася во Асирофе(13): и воздвигошася от Асирофа и ополчишася въ Рафаме(14): и воздвигошася от Рафама и ополчишася въ Ремнон-Фаресе(15): и воздвигошася от Ремнон-Фареса и ополчишася въ Лемвоне (16): и воздвигошася от Лемвона и ополчишася въ Рессане (17): и воздвигошася от Рессана и оплчишася въ Макеллафе(18): и воздвигошася от Макеллафа и ополчишася въ Арсафафе(19): и воздвигошася от Арсафафа горы и ополчишася въ Харадафе(20): и воздвигошася от Харадафа и ополчишася въ Макидофе(21): и воздвигошася от Макидофа и ополчишася въ Катаафе(22): и воздвигошася от Катаафа и ополчишася во Фарафе(23): и воздвигошася от Фарафы и ополчишася въ Мафекке(24): и воздвигошася от Мафекка и ополчишася во Аселмоне(25): и воздвигошася от Аселмона и ополчишася въ Масуруфе(26): и воздвигошася от Масуруфа и ополчишася въ Ванаккане(27): и воздвигошася от Ванаккана и ополчишася въ горе Гаддад(28): и воздвигошася от горы Гаддадъ и оплчишася въ Етевафе(29): и воздвигошася от Етевафа и ополчишася во Евроне(30): и воздвигошася от Еврона и ополчишася въ Гесионъ-Гавере(31): и воздвигошася от Гесион-Гавера и ополчишася в пустыни Синъ(32): и воздвигошася от пустыни Синъ и ополчишася в пустыни Фарани, яже есть Кадисъ(33): и воздвигошася от Кадиса и ополчишася въ горе Оръ(34) близ земли Едомли. И взыде Ааронъ жрецъ на гору Оръ повелением Господним, и умре тамо въ четыредесятое лето изшествия сынов Израилевыхъ из земли Египетския, месяца пятого в первый день месяца. И Ааронъ бяше ста двадесяти трехъ летъ, егда умре въ горе Оръ. И услыша Хананей царь Арадский, и сей живяше въ земли Ханаани, егда вхождаху сынове Израилевы. И воздвигошася от горы Оръ и ополчишася въ Селмоне(35): и воздвигошася от Селмона и ополчишася въ Финоне(36): и воздвигошася от Финона и ополчишася во Овофе(37): и воздвигошася от Овофа и оплчишася въ Гаи(38), объ ону страну пределъ Моавлихъ: и воздвигошася от Гаи и ополчишася въ Девон-Гаде(39): и воздвигошася от Девон-Гада и ополчишася въ Гелмонъ–Девлафаиме(40): и воздвигошася от Гелмонъ-Девлафаима и ополчишася в горахъ Аваримлихъ прямо Нававу(41): и воздвигошася от горъ Аваримлихъ и ополчишася на западе Моавли(42), у Иордана при Иерихоне: и воздвигошася от запада Моавля и ополчишася у Иордана(43), между Есимофомъ, до Велсаттима на запады Моава.