Энциклопедия языческих богов. Мифы древних славян

Глава 92. Ответ о игрищах еллинского бесования. Ещё мнози от неразумия простая чадь православных христиан во градах и в сёлах творят еллинские бесования, различные игры и плясание, против праздника Рождества Христова, великого Иоанна Предтечи и в нощи на самый праздник, весь день и до нощи, мужи, и жёны, и дети, в домах и по улицам обходят всякое тягло и с судом, мы ныне тот приговор помним, что в новых слободах ведает Бог да ты, царь государь, опричь суда; а ныне наместники твои царёвы государевы и властели возле тех новых приходцов и старых слобожан хотят судити, и в том тем слобожаном нашим запустети: а преж сего, государь, твои наместники и волостели наших слобожан не суживали. И ты б, государь, своим наместником и волостелем и впредь наших слобожан не велел судити. А ныне твой царский приговор с нами, что в те новые слободы вышли посацкие люди после отписи, и тех бы людей из новых слобод вывести в город на посад. И о том ведает Бог да ты, государь, как тебе о них Бог известит. И впредь бы митрополитом, и архиепископом, и епископом, и монастырём держати свои слободы по старине о суде и о всяких делах по прежним грамотам; а новых бы слобод не ставити, и дворов многих в старых слободах не прибавливали, разве от отца детям или от тестя зятю, или от брата брат выставливалися и своими дворы жити. А опричным прихожим людям, градским и сельским, в тех старых слободах новых дворов не ставити, а в которых слободах дворы опустеют, ив те дворы называти людей сельских пашенных и не пашенных, по старине, как преж сего было, а отказывати тех людей о сроце Юрьеве дни осеннем, по царёву же указу, по старине же. А с посаду впредь градских людей в слободы не называти и не приимати, разве казаков, нетяглых людей, а из слобод из митропольих, и архиепископлих, и епископлих, и из монастырских, которые крестьяне хотят идти в город на посад, или в села жити, и тем людям идти вольно, о строце же о Юрьеве дни, отказом, по нашему царскому указу.

МИФЫ В ДРЕВНЕРУССКОЙ ЛИТЕРАТУРЕ

ИЗ ВВОДНОЙ ЧАСТИ ЕЛЛИНСКИХ ЛЕТОПИСЦЕВ

(Фрагменты публикуются по списку Еллинского летописца первой редакции, рукописи ГПБ, собр. Погодина, № 1437, XVI в. Текст воспроизводится с упрощением орфографии. Исправления сделаны по списку той же редакции — рукописи ГИМ, Синодальное собр., № 280, обозначенному в примечаниях литерой С.)

От гронографа о гигантех о змиенозех. Бе же от Адама, донележе внидоша сынови божий к дщерем человеческым, лет 2000 и 100 и 2 лета. В та убо лета краду огнену¹ пусти бог с небеси на гиганты, живущаа в Келтикистеи земли, и пожже я; в Иорданьскую реку, шедши, угасе крада; сего же огня мнять еллини сына солнечна суща, егоже светящеся, реша, упадша от колесница на землю. Сию же повесть списа Вудии в сотворении своем; правое же рече о сих Херонискыи Плутарх, яко рече краду, огнену сешедшу на Кельтикиискую землю. Оставшии же от них гиганте, видевше толико от них огнем пожжены, и не покаяшася. И рече бог, разгневався на ня: «Не имам дати живота человеком сим, елма плоть суть, плотьская мыслять», якоже Моисеискых^а пишеть книгах. Мудрый Писандр, творец еллинеск, по летех быв Моисеовех^б, о тех же гигантех в творении своём сказа: «Человекы от земля рождены, имуща ногы змиеви, дрезнувша на некыя божескыя силы, рек, сия различными козньми потреблены от бога». Мудрый же Тимофеи ту же повесть тлекуеть сипе, яко «сего деля творець нарече я человекы на змеиных ногах, елма же зверин ум имуть, || ничтоже блага небеснаго на уме имуще^в, не имуще нозе ходяще на земная злая дела неправедная; того деля божество звёздным простиранием и месячным и сленечным, овем от тресновения огнем повеле погибнути, а другим каменем стати, инем же скорейшими смертными стрелами устреленом быти, яко лущию, а другым множества вод потопленом быти. Тако вси гиганте нарицаемии змиинозе зле потреблени скончаша свои живот». Сервеи же мудрый поведаеть сия: «На широце поле живша^г, имевша рать с некыми, жившими на высоких горах, и везлезоша на горняа, акы змиеве, на руках и чревесы ползающе, и избиени быша от живущих на горах»…