ГРАМОТЫ ВЕЛИКИХЪ КНЯЗЕЙ ЛИТОВСКИХЪ съ 1390 по 1569 годъ собранныя и изданныя подъ редакціею Владиміра Антоновича и Константина Козловскаго.

Bil nam czolem ziemianin nasz Czerkaski, Hry'nko Wa'skiewicz, i powiedzial przed nami: ize pojal zone za siebie ziemianina Zwinogrodzkiego, Fedka Wa'skiewicza, a tego Fedka Tatarowie ubili, i na kture sieliszcza mial on oyczyzne, wysluge, te sie jemu sieliszcza dostaly po tej zonie jego, na imie — Mihlijewo a Onlowicze y Li'nczynce: bo ten Fedko s ta zona dzieci sobie nie mial, ani bliskich jego nikogo w tych sieliszczach nie bylo, i wszystkie mu te sieliszcza slawnej pamieci Alexander kr'ol potwierdzil listem swym na wieczno's'c. S tego on listu kopia przed nami ukazywal i bil nam czolem, abychmy jemu na to dali nasz list i potwierdziliby'smy to iemu naszym listem, kiedy on bedzie to u siebie mie'c list brata naszego I. K. M.; i my jemu laske nasza uczynili i na to'smy mu dali ten nasz list i potwierdzili to tym naszym listem wiecznie jemu, iego zonie i ich dzieciom, niechaj on te sieliszcza dzierzy ze wszystkim s tym, co ku nim zdawna przysluchalo, podlug tego listu brata naszego I. K. M., a nam sluzbe ziemska sluzy. Pisa'n we Lwowie, septembra 25 dnia, indykta 13.

Сообщено B. Антоновичемъ.

24.

Грамота Сигизмунда I, князьямъ Вишневецкимъ, на мЂстечко Перемиль въ Луцкомъ повЂтЂ. 1511 года, іюня 15 д.

Жикгимонтъ третий, Божою милостью король Польскій, великий /45/ князь Литовскій, Русскій, Прускій, Жомойтскій, Мазовецкій, Ифлянскій, а Шведскій, Кготскій, Вандальскій дедичный король.

Ознаймуемъ симъ листомъ нашымъ, ижъ, за прозбою земенина нашого земли Волынское, урожоного Михайла Хрынницкого, казали есмо ему з метрыкъ канъцеляреи нашое видымусъ дати — прывилею продъка и деда нашого, светобливое памети короля его милости Жикгимонта перъшого, потверъженья Федору а Ивану Михайловичомъ Вишъневецкимъ на именье Перемилъ, в повете Луцкомъ лежачое; который привилей слово отъ слова (так се в собе) маеть: »Жикгимонтъ, Божою милостью король Польскій, великий князь Литовскій, Русскій, Прускій, Жомойтскій, Мазовецкій и иныхъ. Чынимъ знаменито симъ нашымъ (листом, хто на него) посмотрыть, або чтучи его услышыть, нынешнимъ (и на потом будучимъ), кому будетъ потреба того ведати. Били намъ чоломъ, (князь Федоръ а) князь Иванъ Михайловичи Вишъневецкие о томъ, што есмо дали имъ местечъко въ Луцкомъ повете, наймя — Перемиль, за ихъ службу, по тому, якъ тое местечко отъ насъ деръжалъ в деръжаньи и князь Федоръ Четвертеньский; и были намъ чоломъ, абыхмо то имъ потверъдили прывильемъ нашымъ на вечность Ино мы, обачывъшы ихъ службу намъ веръную, и николи не омешкалую, яко слугъ нашыхъ добрыхъ, хотячы ихъ к намъ заховаты охотнейшыхъ и поспешнейшыхъ ку службе нашой, на ихъ чоломъбитье есмо вчынили, и з ласки нашое тое местечъко Перемиль даемъ и дали есмо имъ, и потверъжаемъ то симъ нашымъ листомъ вечно и непорушно имъ самымъ, и ихъ жонамъ, и ихъ детемъ, и ихъ справедливымъ на потомъ будучымъ ихъ щадкомъ: зъ торъгомъ, и зъ ярмаркомъ, и з мыты старыми грошовыми и соляными, и с промытою, и с правомъ Майдеборскимъ, котороежъ право тое местечъко съ стародавна маеть з войтовствомъ Перемыльскимъ, и зо въсими людьми и платы местскими, и с корчмами, и капъщызнами, и цынъшы, и доходы, и въжытки, и з городищомъ, и зъ землями церъковными, которые земли прыслухають здавна къ костелу нашого рымского закону; и на тыхъ земляхъ костелъ мають збудовати, и каплана своее руки талъ мети, и з манастыромъ закону греческого, и з землями манастырскими...... манастырскими тежъ, оны игумена отъ своее руки мети, и фольварки, и з землями местскими, пашными и бортными, и зъ пасеками, и з огороды, и з хмельники, и з селищы, и з даньми грошовыми и медовыми, и з дубровами, з боры, з лесы, з гаи, з форосты, з дубинами, з березинами, з лозами, з /46/ сеножатми, з болоты, з луги и з луками, и з пастовъники, и з озеры, и озерыщы, з реками и речъками, з крыницами, и з потоки, и з зеремяны, и з бобровыми гоны, з ставы и ставищы, и з млыны, и ихъ вымелъками, и з сажовками, и з рыбники, з ловы, з ловищы зверынными, и пташьими и рыбными, и зо всими пожытки и въжытки того местечъка, зо всимъ с тымъ, якъ тое местечъко на насъ деръжано было тыхъ часовъ; и, какъ ся в границахъ своихъ маеть, вольны оны то — отдати и продати, заменити и даровати, и городъ тамъ збудовати и место садити, и тежъ на сыромъ корени люди садити, и которымъ кольвекъ именемъ, то именовати и розшырыти, и прыбавити, и къ своему лепьшому и въжыточному оберънути, какъ сами на лепей розумеючы; а на твердость того и печать нашу казали есмо прывесити к сему нашому листу. Писанъ у Берестьи, лета Божего нароженья тысеча пять сотъ одынадцатого, месеца июня петнадъцатого дня, индыкта чотырнадцатого.

Подписъ руки его королевъское милости. При тому были . . . . . . . . . Миколай Миколаевичъ Радивилъ, а гетманъ . . . . . . . Маршалокъ волынское земли князь . . . . . . . . . . . . . . . . . . Боговитиновичъ маръшалокъ, а писаръ . . . . . . . видымусъ з метрыкъ, подъ печатю великого . . . . . . . . . . Хвынпицкому выданъ есть. Писанъ у Варшаве, лета Божего нароженя тисеч . . . . . . . . . . . . месеца іюня петнадцатого дня.