Исцеление иконами

К тебе, яко скорому и избранному спасения нашего ходатаю, богоизбранному воеводе, оружием креста враги победившему, великомучениче Никито, вседушно прибегаем: не отвратися от нашея нищеты, молению нашему внемли, и от бед нас и обитель сию сохрани. Простри руку твою, скорую помощь подающую. Управи ум наш от пагубоносных разсеяний, и сердца наша оскверненная очисти, освяти и горе имети утверди. От враг видимых и невидимых нас сохрани, да над страстьми победители явимся, творяще святыню во страсе Господни, и всякое уныние поправше, радоватися о Господе начнем; и тако твоими ходатайствы, во смирении и простоте сердца, сподобимся до последнего издыхания боголепно Отца и Сына и Святаго Духа воспевати и твоя боговенчанныя подвиги и чудеса прославляти во веки веков. Аминь.

Молитва святой равноапостольной Марии Магдалине

О святая мироносице и всехвальная равноапостольная Христова ученице Магдалино Марие! К тебе, яко верней и мощной о нас к Богу ходатаице, грешнии и недостойнии ныне усердно прибегаем и в сокрушении сердец наших молимся. Ты в житии своем страшныя козни бесовския испытала еси, по благодатию Христовою явно тех свободилася еси; и нас молитвами твоими от сети бесовския избави, да непрестанно во всем житий нашем делом, словом, мыслию и тайными помышлениями сердец наших верно послужим единому Святому Владыце Богу, яко же тому обещалися ес мы. Ты паче всех благ земных сладчайшаго Господа Иисуса возлюбила еси и Тому грез житие добре последовала еси, Божественными ученми Его и благодатию не токмо свою душу питающи, но и множество людей от тьмы языческия ко Христа чудному свету приводящи; то ведуще просим тя: испроси нам у Христа Бога благодать просвещающую и освящающую, да ею осеняеми преуспеваем в вере и благочестии, неленостно тщимся служити ближним в их нуждах духовных и телесных, памятующи пример твоего человеколюбия. Ты, святая Марие, бодренно благодатию Божиею протекла еси житие на земли и мирно отошла еси ко обителя небесныя. Моли Христа Спаса, да молитвами твоими сподобит нас непреткновенно совершит странствие наше в сей юдоли плача и в мире и покаянии скончати живот наш, да тако и в святости на земли поживше, вечныя блаженныя жизни на небеси сподобимся и тамо с тобою и всеми святыми вкупе вечну восхвалим Троицу Нераздельную, воспоим Едино Божество, Отца и Сына и Духа Всесвятаго, во веки веков. Аминь.

Молитва мученице Софии