Исцеление иконами

О святая всеблаженная мати Ксение! Под кровом Всевышнего жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси и под сенью Всемогущего покоишися. Святая Церковь, яко благоуханный цвет, прославит тя. Предстоящее на месте твоего погребения, пред образом твоим святым, яко живой ти, сущей с нами, молимся ти: прими прошения наша и принеси мя ко Престолу Милосердаго Отца Небеснаго, яко дерзновение к нему имущая, испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом Святаго Крещения одарити и печатью дара Духа Святаго запечатлити, отроки и отроковицы в вере, честности, богобоязненности воспитати и успехи в учении им даровати; болящие и недугующие исцели, семейным любовь и согласие ниспосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час Причащения Святых Христовых Таин умоли. Ты наша надежда и упование, скорое услышание и избавление. Тебе благодарение воссылаем и с тобою славим Отца и Сына и Святаго Духа ныне и присно и во веки веков. Аминь.

Молитва святой мученице Княгине Людмиле Чешской