Читаем Как уберечь дом от зла полностью

Радуйся, от бед и скорбей избавляяй.

Радуйся, страдания в радость обращаяй.

Радуйся, священномучениче Киприане, скорый помощниче и молитвенниче о душах наших!

Кондак 8

Странное чудо является притекающим к тебе с верою, священномучениче Киприане, ибо данною тебе от Бога благодатию беси изгоняются мучащии человека, больнии же исцеляются, взывающии Богу: Аллилуиа!

Икос 8

Всем сердцем возвысивыйся к Богу, преславне, и всею душею Того возлюбивый, имел еси тщание и желание творити волю Его и, яко пастырь добрый, не отринул еси бедами отягощенных, но предстательствуеши в молитвах пред Богом, даруя нам исцеление и утешение. Сего ради, восхваляюще любовь твою ко Господу, вопием ти сице:

Радуйся, всем сердцем Христа возлюбивый.

Радуйся, вся добродетели стяжавый.

Радуйся, недугующим и разслабленным вспоможение.

Радуйся, в скорбех и печалех утешение.

Радуйся, наветов и искушений, от мира, плоти и диавола находящих, прогонителю.

Радуйся, всех болезней душевных и телесных исцелителю.

Радуйся, священномучениче Киприане, скорый помощниче и молитвенниче о душах наших!

Кондак 9

Все Ангельское воинство возвеселися, отче, видя тя, воина Царя Небеснаго, непоколебима и со дерзновением проповедующа Христа, егда веден был еси на мечное усечение вкупе с Иустиною. Ты же, болезнуя о ней, да не отречется от Христа, узревши тя усекнута, глагола ей: да усекнут прежде тя. И, преклонивше под меч главы своя, воспеша Богу: Аллилуиа!

Икос 9

Витии многовещаннии не возмогут по достоянию страдания ваша за Христа воспети, яко не убоялися есте прещений лютых, но со светлыми лики предстали есте судилищу цареву, воздвизающе всех верных глаголати вам сицевая:

Радуйтеся, веры Христовы непоколебимии исповедницы.

Радуйтеся, Пресвятыя Троицы дерзновеннии проповедницы.

Радуйтеся, за Христа души своя положившии.

Радуйтеся, мучения лютая ни во что же вменившии.

Радуйтеся, яко страдания ваша верными прославляются.

Радуйтеся, яко имена ваша в храмех Божиих величаются.

Радуйся, священномучениче Киприане, скорый помощниче и молитвенниче о душах наших!

Кондак 10

Спасти хотя души всех одержимых нечистыми духи, не престай взывати присно ко Господу, Киприане Богоглагольниче, тебе бо дадеся благодать молитися за ны, да помиловании и очищении, воспоем Богу: Аллилуиа!

Икос 10

Стена тверда и крепкая ограда буди нам, священномучениче Киприане, с теплою верою и любовию к тебе прибегающим, ограждаеми бо от враг видимых и невидимых, избавлени тобою, прославим тя тако:

Радуйся, духа злобы смирением победивый.

Радуйся, огнем молитвы стрелы вражия попаливый.

Радуйся, от врагов видимых и невидимых стено и ограждение.

Радуйся, Православныя Церкве преславное украшение.

Радуйся, оставленных врачи предивное поможение.

Радуйся, прелюбимое скорбящим утешение и увеселение.

Радуйся, священномучениче Киприане, скорый помощниче и молитвенниче о душах наших!

Кондак 11

Пение непрестанное Пресвятей Троице паче иных принесл еси, священномучениче Киприане, Иже милости ради к падшим грешником благоволи недостойным достойным стати и сочислитися святому стаду. Мы же, благодаряще Бога за таковую милость Его к нам, грешным, зовем Ему: Аллилуиа!

Икос 11

Светозарная свеща был еси, Богомудре, в Церкви Христове, просвещая невещественным светом души верных. Молимся ти, просвети и наша грехми омраченная сердца, во еже пети тебе таковая:

Радуйся, Трисиянным Светом озаренный.

Радуйся, к сонму святых сопричтенный.

Радуйся, яко светом невещественным души верных просвещаеши.

Радуйся, яко заблуждших на путь правый наставляеши.

Радуйся, из рова погибели, яко овча, Спасителем изъятый.

Радуйся, бесов посрамление и человеком радование.

Радуйся, священномучениче Киприане, скорый помощниче и молитвенниче о душах наших!

Кондак 12

Благодать дана ти от Бога попирати силу вражию и всякое сатанинское нахождение, победил бо еси враги твоя и мученическим подвигом запечатлел еси веру во Христа. Ныне же, предстоя Престолу Царя славы, молися, Киприане всеблаженне, да избавимся от пленения диавольскаго и воскликнем Богу: Аллилуиа!

Икос 12

Поюще твою верность по Бозе и дивная преславная чудеса, величаем и восхваляем тя, священномучениче Киприане, приял бо еси от Бога таковую благодать. Темже молим тя: егда в час смерти нашея демонская полчища обыдут души наши, яви нам заступление твое, да избавлени тобою, воззовем ти сице:

Радуйся, от находящих вражиих сил скорое защищение.

Радуйся, от всевозможных скорбей и печалей избавление.

Радуйся, Христа до конца возлюбивый.

Радуйся, душу свою за Него положивый.

Радуйся, в крови Агнчей омывыйся.

Радуйся, во дворех Господних вселивыйся.

Радуйся, священномучениче Киприане, скорый помощниче и молитвенниче о душах наших!

Кондак 13

О пречудный и преславный угодниче Божий, священномучениче Киприане, скорый помощниче всем к тебе прибегающим, приими от нас, недостойных, хвалебное пение наше. Ей, молим тя, святителю, от многообразных недугов исцели, от враг видимых и невидимых заступи и вечнаго мучения избавитися нам Господа умоли, да с тобою воспеваем: Аллилуиа, Аллилуиа, Аллилуиа!

Перейти на страницу:

Похожие книги

Преподобный Симеон Новый Богослов и православное предание
Преподобный Симеон Новый Богослов и православное предание

Источник: http://hilarion. ru«Господь да благословит Вас, отец Иларион, и всякого читателя Вашей книги, духовным углублением, по молитвам святого Симеона Нового Богослова»Книга представляет собой перевод докторской диссертации автор, защищенной на Богословском факультете Оксфордского Университета. Учение великого богослова, поэта и мистика XI века рассматривается в контексте всего многообразия Предания Восточной Церкви. Автор исследует отношение преп. Симеона к Священному Писанию и православному богослужению, к студийской монашеской традиции, а агиографической, богословской, аскетической и мистической литературе. Отдельно рассматриваетсяличность и учение Симеона Студита, духовного отца преп. Симеона Нового Богослова.Взаимосвязть сежду личным духовным опытом христианина и Преданием Церкви — такова основная тема книги.В Приложениях содержатся новые переводы творений Симеона Нового Богослова«И почему, — скажет, — никто из великих Отцов не говорил о себе так откровенно и такими словами, как ты говоришь о себе?» — «Ошибаешься, о человек. И апостолы, и Отцы согласны с моими словами»… Но рассмотрите и исследуйте то, что я говорю. И если я не думаю и не говорю так, как [говорили и думали] святые и богоносные Отцы… если не повторяю сказанное Богом в святых Евангелиях… да будет мне анафема от Господа Бога и Иисуса Христа через Духа Святого… вы же не только уши заткните, чтобы не слышать [слова мои], но и убейте меня как нечестивого и безбожного, забросав камнями. Если же я восстанавливаю Господние и апостольские учения, которые некоторыми извращены… тогда не должно ли принять меня… как показывающего совершенное дело любви?Преподобный Симеон Новый Богослов(Са1. 34, 184–274)

Иларион Алфеев , Митрополит Иларион

Религия, религиозная литература / Религия / Эзотерика