Хрестоматия по истории СССР. Том 1

По благословенью отца нашего Алексия митрополита всея Руси. На семь, брате молодший князь Великий Михайло Олек-сандрович, целуй ко мне крест к брату старейшему князю Великому Дмитрию Ивановичю и к моему брату князю Володимеру Андреевичи), и к нашей вотчине к Великому Новугороду, и за свои дети и за свои братаничи[90]. Имети ти² мене собе братом старейшим, а князя Володимера брата моего братом; а добра ти нам хотети во всемь везде без хитрости; а што ти слыша ото крестьянина или от поганина о нашем добре или о лисе³, а то ти нам поведати в правду, по целованью, без хитрости. А князи Велиции крестьяньстии и Ярославьстии с нами один человек, а их ти не обидети, а имешь их обдети, нам дозря их правды⁴, боронитися с ниме от тобе с одиного; а имут тобе обидети, нам дозря твоие правды, боронитися с тобою от них с одиного. А где ми⁵ буде, брате, пойти на рать, или моему брату Князю Володимеру Ондреевичю, всести ти с нами самому на конь без хитрости; а пошлем Воевод, и тобе и своих Воевод послати. А вотчины ти нашие Москвы и всего Великого Княженья и Новагорода Великого блюсти, а не обидети; а вотчины ти нашие. Москвы и всего Великого Княженья и Новагорода Великого под нами не искати и до живота, и твоим детем и твоим братаничем. А людий ти наших Московьских и всего Великого Княженья и Новагорода Великого и Новоторъжьских блюсти, а не обидети, как и своих. А закладней ти в нашей вотчине в Великом Княженьи не держати, ни грамот не давати. А имут нас сваживати⁶ Татарове, и имут давати тобе нашу вотчину Великое княженье, и тобе ся не имати ни до живота; а имут давати нам твою вотчину Тферь, и нам ся такоже не имати и до живота. А в Кашин ти ся не въступати, и что потягло х Кашину, ведает то вотчичь Князь Василей ⁷; ни выходом⁸ не надобье тобе ко Тфери Кашину тянути, а его ти не обидети, а имешь его обидети, мне его от тобе боронитй. А что еси изъимал Бояр или слуг и людей Кашиньских, да подавал на поруку, с тех ти порука свести, а их отпустити; а кому чего на них искаги, ино тому суду. А жити нам, брате, по сей грамоте: с Татары оже будеть нам мир, по думе; а будеть нам дати выход, по думе же; а будеть не дати, по думе же. А пойдут на нас Татарове или на тебе, битися нам и тобе с одиного всем прогиву их: или мы пойдемь на них, и тобе с нами с одиного пойти на них. А к Ольерду ти и к его братьи, и к его детем и к его братаничем целованье сложити. А пойдут на нас Литва, или на Смоленьского на Князя на Великого, или на кого на нашю братью на Князей, нам ся их боронитй, а тобе с нами всим с одинного: или пойдут на тобе и нам такоже по тобе помогати, и боронитися всим с одиного…

А с Новым ти городом и с Торъжком жити в старине и в миру; а рубежь ти держати с Великим Новым городом и с Торжьком и з пригороды земли и воды по старине, как то было при нашем деде при Великом Князе при Иване, и при нашем Дяди при Великом Князи при Семени, и при моем Отци при Великом Князи при Иване. А закладней ти в Новогороде в Великом и в Торжьку и в пригородах не держати, ни грамот не давати. А хто имет Бояр или слуг Новагорода Великого и Торжку и ис пригородей служити тобе, а что их села или земли и воды, то ведает Великий Новъгород, а ты бояром и слугам не надобе: или потом кто приедет к тобе служити из Новагорода Великого и ис Торжку и ис пригородей, а тым такоже не надобе села их и земли и воды, то ведает Новъгород Великий…