Хрестоматия по истории СССР. Том 1

В лето 6415[19]. Иде Олег на грекы, Игоря оставив Киеве; поя же множество варяг, и словен, и чюдь, и кривичи, и мерю, и деревляны, и радимичи, и поляны, и северо, и вятичи, и хорваты и дулебы, и тиверцы, яже суть толковины: си вси звахуться от грек Великая Скуфь. И с сими со всеми поиде Олег на конех и на кораблех, и бе числом кораблей 2 000, и прииде к Царюграду; и греци замкоша Суд² а град затвориша. И выиде Олег на брег, и воевати нача, и много убийство сотвори около града греком, и разбиша многы полаты, и пожгоша церкви; а ихже имаху пленникы, овех посекаху, другиа же мучаху, иныя же растреляху, а другыя в море вметаху, и ина много [зла] творяху Русь греком, еликоже ратнии творять. И повеле Олег воем своим колеса изделати и воставити на колеса корабля, и бывшю покосну ветру, въспяша парусы с поля, и идяше к граду. И видевше греци и убояшася, и реша выславше ко Олгови: «не погубляй града, имем ся³ по дань, якоже хощеши». И устави Олег воя, и вынесоша ему брашно и вино, и не приа его; бе бо устроено со отравою. И убояшася греци, и реша: «несть се Олег, но святый Дмитрей, послан на ны от бога». И заповеда Олегу [дань] даяти на 2 000 корабль, по 12 гривен⁴ на человек, а в корабли по 40 мужь; и яшася греци по се, и почаша греци мира просити, дабы не воевал Грецкые земли. Олег же мало отступив от града, нача мир творити со царьма Грецкима, со Леоном⁵ и Александром, посла к нима в град Карла, Фарлофа, Вельмуда, Рулава и Стемида, глаголя: «имите ми ся по дань». И реша греци: «чего хощеши, дамы ти». И заповеда Олег дати воем на 2 000 корабль по 12 гривен на ключь, и потом даяти уклады на Рускыа грады: первое на Киев, таже на Чернигов, и на Переаславль, и на Полтеск⁶, и на Ростов, и на Любечь и на прочаа городы, по тем бо городом седяху велиции князи, под Олгом суще; «да приходячи Русь слюбное⁶ емлють, елико хотячи, а иже придут гости, да емлють месячину на⁷ месяць, хлеб, и вино, и мясо, и рыбы, и овощь; и да творять им мовь, елико хотять; поидучи же [домовь, в] Русь, да емлють у царя нашего [на путь] брашно, и якори и ужа⁷ и парусы, и елико им надобе». И яшася греци, и реста царя и боярьство все: «аще приидуть Русь бес купли, да не взимають месячины; да запретить князь словом своим приходящим Руси зде, да не творять пакости в селех в стране нашей; при-ходяще Русь да витають у святаго Мамы⁸, и послеть царьство наше, и да испишють имена их, и тогда возмуть месячное свое, — первое от города Киева, и паки ис Чернигова и ис Переаславля, и прочий гради; и да входять в град одними вороты со царевым мужем, без оружья, мужь 50 и да творять куплю, якоже им надобе, не платяче мыта ни в чем же». Царь же Леон со Олександром мир сотвориста со Олгом, имшеся по дань и роте⁹ заходивше межы собою, целовавше [сами] крест, а Олга водивше на роту, и мужи его по Рускому закону кляшася оружьем своим, и Перуном, богом своим, и Волосом, скотьем богом, и утвердиша мир. И рече Олег: «исшийте парусы паволочиты¹⁰ Руси, а словеном кропиньныя»¹¹, и бысть тако; и повеси щит свой в вратех, показуа победу, и поиде от Царяграда. И воспиша [Русь] парусы паволочиты, а словене кропиньны, и раздра а ветр: и реша словени: «имейся своим толстинам, не даны суть словеном пре [паволочиты]». И приде Олег к Киеву, неся злато, и паволоки, и овощи, и вина, и всякое узорочье. И прозваша Олга вещий…

ПОХОД ОЛЕГА НА ЦАРЬГРАД (Перевод)

Пошел Олег на греков, оставив Игоря в Киеве. Он взял с собой множество варягов, и славян, и чудь, и кривичей, и мерю, и древлян, и радимичей, и полян, и северян, и вятичей, и хорватов, и дулебов, и тиверцев, которые являются переводчиками. Все эти племена греки называют «Великая Скифия». Со всеми ними пошел Олег на конях и на кораблях. Число кораблей было 2000, и пришел он к Царьграду.

Греки замкнули Судскую гавань, а город заперли. Вышел Олег на берег и начал воевать, много убил около города греков, разрушил много дворцов и пожег церкви. А которых брал в плен, одних убивал, иных подвергал пыткам, других расстреливал, а других бросал в море и другого много зла учинила Русь грекам, — все, что воины (на войне) делают.

И повелел Олег своим воинам сделать колеса и поставить на колеса корабли. Когда ветер стал попутным, надулись паруса, и (корабли) с поля пошли к городу. Увидали греки, испугались и сказали, послав к Олегу: «Не губи города, согласимся на дань, какую хочешь».