Хрестоматия по истории СССР. Том 1

1. Убьеть мужь мужа, то мьстить брату брата, или сынови отца, любо отцю сына, или братучаду[35], любо сестрину сынови²; аще³ не будеть кто мьстя, то 40 гривен⁴ за голову⁵.Аще будеть Русин⁶, любо гридин⁷, любо купчина, любо ябетник⁸, любо мечник⁹, аще изъгои¹⁰ будеть, любо Словении¹¹, то 40 гривен положите за нь¹².

2. Или будеть кровав или синь надъражен, то не искати ему видока¹³ человеку тому; аще не будеть на нем знамениа¹⁴ никотораго же, толи¹⁵ приидеть видок; аще ли не можеть, ту тому конець. Оже ли себе не можеть мьстити то взяти ему за обиду 3 гривне, а летцю¹⁶ мъзда¹⁷.

3. Аще ли кто кого ударить батогом¹⁸, любо жердью, любо пястью¹⁹ или чашею, или рогом²⁰, или тылеснию²¹, то 12 гривне; аще сего не постигнуть, то платити ему, то ту конець.

4. Аще утнеть²² мечем, а не вынем²³ его, любо рукоятью, то 12 гривне за обиду.

5. Оже ли утнеть руку, и отпадеть рука, любо усохнеть, то 40 гривен… аще будет нога цела, или начнеть храмати, тогда чада смирять.

6. Аще ли персть²⁴ утнеть который любо, 3 гривны за обиду.

7. А во усе 12 гривне; а в бороде 12 гривне.

8. Оже ли кто вынезь мечь, не тнеть²⁵, то тьи гривну положить.

9. Аще ли ринеть²⁶ мужь мужа, любо от себе, любо к собе 3 гривне, а видока два вывелеть; или будеть Варяр²⁷ или Колбяг²⁸, то на роту.

10. Аще ли челядин²⁹ съкрыется³⁰, либо у Варяга, либо у Кольбяга, а его за три дни не выведуть, а познають и в третий день, то изымати ему свои челядин, а 3 гривне за обиду.

ПРАВДА УСТАВЛЕНА РУССКОЙ ЗЕМЛИ, ЕГДА[36] СЯ СЪВОКОУПИЛ², ИЗЯСЛАВ, ВСЕВОЛОД, СВЯТОСЛАВ³, КОСНЯЧКО, ПЕРЕНЕГ, МИКЫФОР КЫЯНИН, ЧЮДИН, МИКУЛА⁴

18. Аще убьють огнищанина⁵, в обиду, то платити за нь 80 гривен убиици, а людем не надобе⁶; а в подъездном⁷ княжи 80 гривен.

19. А иже убьють огнищанина в разбои, или убийца на ищуть⁸, то вирное⁹ платити в ней же вири¹⁰ голова начнеть лежати.

20. Аже убьють огнищанина у клети[37] или у коня или у говяда², или у коровье татьбы³, то убити в пса место⁴; а то же покон⁵ и тивуницу⁶.

21. А в княжи тивуне⁷ 80 гривен; а конюх старый у стада⁸ 80 гривен, яко уставил Изяслав в своем конюсе⁹, его же убиле Дорогобудьци¹⁰.

22. А в сельском старосте княжи и в ратаинем¹¹ 12 гривне. А в рядовници¹² княже 5 гривен.

23. А в смерде¹³ и в хопе¹⁴ 5 гривен.

24. Аще роба кормилица любо кормиличиць^15, 12.

25. А за княжь конь, иже той с пятном¹⁶, 3 гривне; а за смердеи 2 гривне.

26. За кобылу 60 резан^17, а за вол гривну, а за корову 40 резан, а за третьяк¹⁸ 15 кун¹⁹, а за лоныцину²⁰ полъгривне, а за теля²¹ 5 резан, за яря²² ногата, за боран ногата²³.

30. А в княже борти ²⁴ 3 гривне любо пожгуть, любо изудруть²⁵.

31. Или смерд умучать, а без княжа слова, за обиду 3 гривны.

32. А в гнищанине²⁶ и в тивунице и в мечници 12 гривъне.

33. А иже межу переореть любо перетес²⁷, то за обиду 12 гривне.

42. А се поклон вирный: вирнику²⁸ взяти 7 ведор солоду на неделю, тъже овен²⁹, любо полоть³⁰, или две ногате; а в среду резану, в [три] же сыры, в пятницу такоже; а хлеба по кольку мо-гуть ясти³¹ и пшена, а кур по двое на день; коне 4 поставити и сути им на рот колько могуть зобати³², а вирнику 60 гривен и 10 резан и 12 веверици³³; а переде гривна. Или ся пригоди³⁴ в говение³⁵ рыбами, то взяти за рыбы 7 резан. Тъ всех кун³⁶ 15 кун на неделю; а борошна³⁷ колько могуть изъясти, до недели же виру зберуть вирницы. То ти урок Ярославль³⁸…

43. А се урок³⁹ мостьников⁴⁰: аще помостивше мост взяти от дела[38] ногата, а от городници² ногата; аще же будеть ветхаго³ моста потвердити⁴ неколико доек, или 3, или 4, или 5, то тое же.

«РУССКАЯ ПРАВДА»

(Пространная редакция по Троицкому списку XIV века)

«Русская Правда», в пространной редакции сохранилась более чем в 100 списках. Пространная Правда значительно обширнее Краткой и разделена заголовками на отдельные главы. По своему происхождению Пространная Правда является памятником компилятивным, составленным на основании ряда источников, в том числе и Краткой Правды. Пространная Правда в известном нам виде возникла в конце XII — начале XIII века, но на основании более ранних источников, в том числе устава Владимира Мономаха. В нашем издании Правда издается по книге Г. Е. Кочина, «Памятники истории Киевского государства IX–XII вв.», Л. 1936, стр. 111–129.