Хрестоматия по истории СССР. Том 1

Князь велики же Юрьи Всеволодичь слышев то… и оставив себе место в Володимери со владыкою князя Всеволода и Мстислава ¹⁰ и воеводу своего Петра Ослядюковичя, а сам иде за Волгу за братаничи¹¹ своими: с Василком Констянтиновичем, и со Всеволодом Констянтиновичем, и с Володимером Констянтиновичем¹² и сташа стана на Сити¹³ жда к себе братью свою князя Ярослава Всеволодичя и князя Святослава Всеволодичя¹⁴ со воинствы их, а сам начя собирати воинство, а воеводьство приказа Жирославу Михаиловичю. А татарове в то время приидоша к Володимерю месяца февраля в 3 день, во вторник прежде мясопускъяныя недели¹⁵, на память святого Симеона богоприимца; володимерци же со князи своими и с воеводою Петром Ослядюковичем затворишася во граде. Татарове же приидоша к Златым воротом, водяще с собою княжичя Володимера, сына великого князя Юрья Всеволодичя, и начаша вопрошати, глаголюще сице: «Есть ли во граде князь велики Юрьи?» Володимерци же начаша стреляти на них. Они же реша: «Не стреляйте», и приидоша близъко вратом показаша имя княжичя их князя Володимера, сына Юрьева, глаголюще: «Знаете ли сего княжича вашего?» Бе бо уныл лицем, и изнемогл бедою от нужа. Всеволод же и Мстислав стояша на Золотых воротех и познаста брата своего Володимера. О умиле-ное брата видение и слез достойно! Всеволод же и Мстислав з бояры своими и все гражане плакахуся, зряще Володимера. Татарове же отступивше от Златых врат, и объехаша весь град разсмотряще, и сташа станы на Зремяны пред Златыми враты и около всего града, и бе многое множество их… Татарове же станы своя урядивше¹⁶ около Володимеря и шедъше взяша град Суздаль… Сведоша же множество полона в станы своя, и приидоша к Володимерю в суботу мясопускъную, и начаша лесы рядити и порокы¹⁷ ставити от утра и до вечера, а на ночь огородиша тыном около всего города. Воутрии же видеша князи, и владыка Митрофан, и воевода Петр Ослядюковичь, и вси боаре и людие, яко уже граду их взяту быти, и возплакашася плачем велиим… Татарове же заутра в неделю мясопускъную, месяца февраля в 8 день, на первом часу дни, на память святого мученика Феодора Страти-лата, приступиша ко граду со все страны, и начяша бити пороки по граду и внутри града, и сыпашася камение велие издалеча божиим попущением, яко дождь внутрь града, и множество бе людей мертвых во граде, и бысть страх и трепет велий на всех, и выбиша стену у Златых врат, такоже и от Лыбеди у Орининых врат, и у Медяных такоже и от Клязмы у Воложьских врат, и прочее весь град разбиша, и внутрь камением насыпаша, и тако вънидоша по примету во град от Златых врат, такоже, и от Лыбеди и во Оринины врата и в Медяныя, такоже и от Клязмы в Во-ложьскиа, и прочее отовсюду весь град разбивше внидоша в онь яко демони, и взяша новый град до обеда, и весь огню предаша, и ту убиша князя Всеволода з братом и множество боар и людей, а прочий князи и вси людие бежаша в средний град. А владыка Митрофан и великая княгини с сыны и з дочерми своими, и с снохгми, и со внучяты, и з боары, и з боарынями и со многими людми бежаша в церковь… и затвориша врата церкви, и взыдоша в церковь на полати, и затворишася. Татарове же и тот град взяша, и взыскаша князей и княгини, и уведеша, яко в церкви суть…

Татарове же выбиша двери церковныа, и елици¹⁸ беша в церкви и противишася, избиша их. И начяша пытати их о князех и о княгинях, и уведеша, яко на полатех суть, и начяша лстиво глаголати к ним, да снидут вси с полат; они же не послушаша их. Татарове же много древня наволочиша в церковь около церкви зажгоша, они же с молитвою и с благодарением душа своя предаша господеви огнем сжегъшеся и мученическому лику причтошася; а святую церковь разграбиша и чюдную икону самыя богоматери од-раша. И поидоша оттоле на великого князя Юрья, а друзии идоша к Ростову, инии же к Ярославлю, и взяша и, а инии поидоша на Волгу и на Городец, и ти поплениша все по Волзе и до Галичя Мерьскаго, а инии поидоша к Переаславлю, и тот град взяша, а люди изъсекоша. И оттоле всю ту страну и городы мнози поплениша: Юрьев, Дмитров, Волок, Тферь, ту тоже и сын Ярославль убиша, и до Торжъку несть места, идеже не воеваша. А на Ростовской и Суздальской земли взяша городов 14, опроче слобод и погостов, в един месяць февраль.

И уже исходящу февралю месяцу приде вестник к великому князю Юрью Всеволодичю, и к брату его Святославу Всеволодичю, и к братаничем их к Василку Констянтиновичю, и ко Всеволоду Констянтиновичю и к Володимеру Констянтиновичю, яко град Владимер взят бысть, и епископ, и великая княгини, и князи, и вси людие сожжени быша, а инии избиени, и «старейшаго сына твоего Всеволода и з братьею вне града убиша, а к тебе идут»… И жда брата своего Ярослава, и не бе его, и повеле воеводе своему и окрепляти люди и готовитися на брань, и после мужа храбра Дорофея Семеновичи и с ним три тысящи мужей пытати татар. Он же мало отшед и паки возвратися, глаголя сице: «Господине княже! уже обошлись нас татарове».