Хрестоматия по истории СССР. Том 1

В лето 6645, настанущо в 7 марта^6, индикта лета 15⁷, бежя Констянтин посадник к Всеволоду, и инех добрых мужь неколико; и въдаша посадницати Якуну Мирославицю Новегороде. В то же лето придет князь Мьстиславиць Всеволод Пльскову, хотя сести опять на столе своем Новегороде, позван отаи новгородьскыми и пльсковьскыми мужи, приятели⁸ его: «пойди, княже, хотять тебе опять». И яко услышано бысть се, яко Всеволод Пльскове с братом Святопълком, и мятежь бысть велик Новегороде, не въсхотеша людье Всеволода; и побегоша друзии к Всеволоду Пльскову, и възяша на разграбление домы их, Къснятин, Нежятин и инех много, и еще же ищюще то, кто Всеволоду приятель бояр, тъ имаша на них не с полуторы тысяце гривен, и даша купцем крутитися⁹ на войну, нъ сягоша и невиноватых. Потом же Святослав Олговиць съвъкупи всю землю Новгородьскую, и брата своего приведе Глебка, куряны¹⁰ с половьци, идоша на Пльсков¹¹ прогонить Всеволода; и не покоришася пльсковицы им, ни выгнаша князя от себе, въ бяхуть ся устерегли, засекли осекы¹² все. И съдумавше князь и людье на пути, вспятишася на Дубровьне, и еще рекше: «не проливаим кръви с своею братьею негли Бог управить свои промыслом».

ВОЗМУЩЕНИЕ ПРОТИВ ПОСАДНИКА ДМИТРА

II. Новгородьци же пришьдъше Новугороду¹³ створиша вече на посадника Дмитра и на братью его: яко ти повелеша на нов-городьцих сребро имати, а по волости куны брати, по купцем виру дикую и повозы возите, и все зло. Идоша на дворы их грабежьм. А Мирошкин¹⁴ двор и Дмитров зажьгоша, и житие¹⁵ их поймаша, а села их распродаша и челядь, а скровища их изъискаша и поймаша без числа, а избытък розделиша по зубу, по 3 гривне по всему городу и на щит; аще кто потаи похватил, а того един бог ведает, и от того мнози разбогатеша; а что на дъщьках^|6, а то князю рставиша…

ВОЗМУЩЕНИЕ ПРОТИВ ТЫСЯЦКОГО ВЯЧЕСЛАВА

III. Възмятеся всь город[78] и поидоша с веца в оружии на тысячьского Вяцеслава, и разграбиша двор его, и брата его Богуслава, и Андреичев владыцня стольника, и Давыдков Софийскаго, и Судимиров; а на Душильця на Липьньскаго старосту тамо послаша грабить, а самого хотеша повесити, нъ ускоци к Ярославу², а жену его яша, рекуче: яко ти на зло князя водять. И бысть мятежь в городе велик…

Тъгда отяша тысячьское у Вячеслава и даша Борису Негочевичю, а к князю послаша к Ярославу на том: поеди к нам, забожницье³ отложи, судье по волости не слати; на всей воли нашей и на вьсех грамотах Ярославлих ты нашь князь, или ты собе, а мы собе. Той же зиме побеже Федор Даниловиць с тиуном⁴ Якимом, поимъше с собою 2 княжичя Федора и Александра⁵ сыропустыня недели в уторник, в ночь. Тъгда же новгородци реша: дажь что зло съдумав на святую Софию, а побегл, а мы их не гонили, нъ братью, свою есме казнили, а князю есме зла не створили никотораго же; да оно им бог и крест честьныи; а мы собе князя промыслим; и целоваша святую богородицю, яко быти всем одинаковым, и послаша по Михаила⁶ в Цернигов Хота Стаминировиця, Гаврилу на Лубяници⁷.

В лето 6737⁸. Приде князь Михаил из Чернигова в Новъгород, по велице дни Фомине недели исходяче, и ради быша новгородци своему хотению, и целова крест на всей воли новгородьстеи и на всех грамотах Ярославлих; и вда смьрдом на 5 лет дании не платити, кто сбежал на чюжю землю, а сим повеле къто еде живеть, како уставили передний князи тако платите дань. А на Ярославлих любъвницех⁹ поимаша новгородци кун много и на Городищанех¹⁰, а дворов их не грабяче, и даша на великыи мост¹¹…

ИЗГНАНИЕ КНЯЗЯ ЯРОСЛАВА

IV. Того же лета¹² бысть мятеж в Новегороде, начала изгоните князя Ярослава¹³ из города, и съзвониша вече на Ярославли дворе, и убиша Иванка, а инии вбегоша в Николу святын; а заутра побегоша к князю на Городище тысячьскыи Ратибор, Таврило Кыянинов и инии приятели его, и взяша домы их на разграбление и хоромы разнесоша. А к князю послашя на Городище, исписавше на грамоту всю вину его: чему если отъял Волхов гоголными ловци, а поле отъял еси заячими ловци? чему взял еси Олексин двор Морткинича? чему поймал еси серебро на Микифоре Манускиничи, и на Романе Болдыжевичи, и на Варфоломеи? а иное чему выводишь от нас иноземца, который у нас живут? а того много вины его; а ныне, княже, не можем терпети твоего насилия, поеди от нас, а мы собе князя промыслим. Князь же приела на вече Святъслава и Андрея Воротиславича с поклоном: того всего лишюся, а крест целую на всей воли вашей. Новгородци же отвечаша: княже, поеди проче, не хотим тебе; али идем всь Новъгород прогонить тебе. Князь же поиде из города по неволи…