Новая Хронология Египта — II

4-й Хевронъ сынъ и прочии. Сии такожде якоже деды и отцы ихъ къ церкви израилской добри и благоволителни быша: но оная ко израильтяномъ любовь и благоволителство, послежде по нихъ наставшихъ царехъ иссяче, и въ ненависть превратися. Царствоваша чрезъ летъ 38.

6-й Царь египетский нарицашеся Аменоъ. Сей повеление оное жестокое о убиении и истоплении детей еврейскихъ объявилъ: егоже мучителству по немъ наставший Оръ царь, инным именемъ Бузирисъ нареченный, подражаше чрезъ летъ 38. Отсюду произошли пиитическия басни, о убиении от Бузириса гостей.

Таковоюжъ лютостию отягощали Израиля и прочии Фараоны, чрезъ лета еще къ тому 34, даже до 13-го Фараона, или царя египетскаго, иже Акенхеръ нарицашеся. И егда сей людей израилскихъ лютою угнеталъ работою, и сердце свое ожесточалъ, лета царствия своего 16, в мори чермномъ погруженъ бысть.

Исъ прочиихъ воспоминается о Сусакиме, 33 Фараоне, къ нему же Иеровоамъ убежалъ былъ, егда в превеличайшемъ бедствии жития бяше. Идеже по Соломоновой смерти помощь восприемъ, царства израилскаго болшую часть восприемлетъ во одержание. Сей же Сусакимъ послежде на Иеросалимь бранию воста и вземъ градъ, сокровища церковная и царская съ собою отнесе, такожде и златыя щиты Соломоновы.

Посемъ въ священномъ писании воспоминается Неохай, иже бе царь египетский 44-й, на него же Иосия царь иудейский брань наразсудне воздвиже, и во время самыя рати стрелою уязвленный умре. Сей Неохай Иоахаза сына Иосиина от царства отлучи, и во египет пленником отведе, и брата его Иоакима царемъ постави. На сего пророчестова Иеремия. Монархии желающъ Неохай от Навуходоносора царя вавилонскаго побеждается.

Такожде воспоминается о царе Гаре, иже иннымъ именемъ нарицается Априй, ему же пагубу прорекоша Иеремия и Иезекиилъ прежде некиихъ летъ, донележе от царя по немъ бывшаго именемъ Амасъ бысть удавленъ.

Прочее царие египетстии, толикоежъ число летъ имели, коликое первая монархиа ассирийская, кроме 200 летъ иже въ царстве ассирийскомъ изобиловаху. (То есть, ассирийское царство продолжалось на 200 лет дольше египетского — Авт.)

Последний бо Фараонъ бысть Псамменитъ, иже от 2-го Персидскаго царя Камвиса поимань есть, и тако сей Египетъ владению Персидскому подчинилъ и покорилъ.

Но аще Египтяне послежде неколико кратъ от царей Персидских чрезъ брань и отлучалися, и от власти ихъ отбивалися, обаче паки обуздоваеми и покаряеми бывали, даже до 3-й монархии греческой.