О спиритах, колдунах, ведунах. Спиритизм — мерзость перед Господом

Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Вторая молитва ко Пресвятой Богородице

К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, надеждо христиан и прибежище нам грешным? Кто паче Тебе в напастех защитит? Услыши убо стенание мое, и приклони ухо Твое ко мне, Владычице Мати Бога моего, и не презри мене, требующую Твоея помощи, и не отрини мене грешную. Вразуми и научи мя, Царице Небесная; не отступи от мене рабы Твоея, Владычице, за роптание мое, но буди мне Мати и заступница. Вручаю себя милостивому покрову Твоему: приведи мя грешную к тихой и безмятежней жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляем?

О Владыче Царице Небесная! Ты мне упование и прибежище, покров и заступление и помощь. Царице моя преблагая и скорая Заступнице! Покрый Твоим ходатайством моя прегрешения, защити мене от враг видимых и невидимых; умягчи сердца злых человек, возстающих на мя.

О, Мати Господа моего Творца! Ты еси корень девства и неувядаемый цвет чистоты.

О, Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избавлюся от всякия беды и напасти, о пренепорочная и преславная Божия Мати Марие. Темже со упованием глаголю и вопию: радуйся, благодатная, радуйся, обрадованная; радуйся, преблагословенная, Господь с Тобою. Аминь.

Третья молитва ко Пресвятой Богородице

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний и предприятий, и от всех действ злых свободи мя. Яко благословенна еси от всех родов, и славится пречестное имя Твое во веки веков. Аминь.

Молитва к Ангелу Хранителю

Святый Ангеле, предстояй окаянней моей души и страстней моей жизни, не остави меня грешнаго, ниже отступи от меня за невоздержание мое.

Не даждь места лукавому демону обладали мною, насильством смертнаго сего телесе; укрепи бедствующую и худую мою руку и настави мя на путь спасения.

Ей, святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего, и аще что согреших в прешедшую нощь сию, покрый мя в настоящий день, и сохрани мя от всякаго искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь.

Первая молитва преподобного Ефрема Сирина, чтомая об избавлении от пленения диавольского, о пощажении на Страшном Суде

О Судия, Которого суд праведен и Которому ведомо все сокровенное, не осуди меня на праведном суде Твоем, когда обнаружены будут все тайны!

Грешница слезами, какие принесла Тебе, уничтожила рукописание долгов своих. Вот и я приношу в дар Тебе слезы. Приими их и от меня, Господи, как принял от нее.

Лукавый обманул меня своими ласкательствами и пленил ум мой своими обольщениями. Отжени его, Господи наш, от меня, бедного, исхить из руки его, чтобы не растерзал меня.

Суди меня, Господи, и рассуди тяжбу мою с немилосердым врагом. Он поставил меня целью для стрел своих. По щедротам Твоим да пронзят его самого стрелы сии.

Будь помощником мне, бедному, Господи; потому что нет у меня иного помощника; и не попусти врагу посмеяться надо мною побежденным, как посмеялся он над нашею праматерью.

Горе мне, если все тайны мои будут открыты и подвергнуты испытанию там, где не уважится никакое оправдание. Содрогается дух мой, Господи; ибо слышу, что нечестивых огнь искусит, а я — сено и солома. И если Ты, Господи, воззришь на вины мои, то я погиб.

Благость Твоя, Господи, которая некогда вознесла Тебя на крест для искупления рода нашего, — она у Тебя да предварит меня, бедного, чтобы сподобиться мне оставления грехов моих.

Ты, Иисусе, искупивший всех Своею кровию и смертию Своею связавший креп кого, сними с меня путы лукавого, сокруши оковы и узы его.