Песчанская икона Божией Матери

Радуйся, христианских обителей и всех святынь Хранительнице.

Радуйся, о Отечестве нашем пред Богом Молитвеннице.

Радуйся, Отечества нашего небеснаго Зиждительнице.

Радуйся, во времена нашествия иноверных наша Свободительнице.

Радуйся, во время глада наша Кормительнице.

Радуйся, во время бедствий нас не оставляющая.

Радуйся, Владычице мира, иконою Твоею Песчанскою сердца наша утешающая.

Кондак 13

О Всепетая Мати, приими от нас благодарное пение сие, Тебе возносимое. Буди нам в жизни сей Ходатаица пред Богом о Жизни Вечной, да выну благодарно восхваляем Тя и Богу поем: Аллилуиа.

(Этот кондак читается трижды, затем икос 1-й и кондак 1-й)

Молитва и тропарь ко Пресвятой Богородице пред Ея иконою «Песчанская»

Молитва

О премилостивая и премилосердная Мати Божия, Покровительнице державы нашея, купно же и о всем мире Молитвеннице, приими сердца нашего воздыхания, и услыши коленопреклоненныя молитвы, во умилении душ наших Тебе возсылаемыя, якоже издревле приимала еси молитвы любящих душ зде, пред иконою Твоею возносимыя. Помози нам в побеждении прелестей и соблазнов мира сего, не попусти нам отверженным быти вечнаго Небеснаго блаженства. Ты Едина наша радость и утешение в жизни сей временней, Ты наша надежда и в Жизни Вечней. Веруем, яко Ты Своею Матернею любовию и снисхождением удостоиши нас вожделеннаго Царствия Сына Твоего. Тебе убо просим: не отступай от нас, Всеблагая, защищай от всех козней вражиих, не попусти нам чрез грехи наша лишитися милосердия Божия, изжени из нас леность в молитве и посещении храма Божия. Избави нас от малодушия, уныния, вражды, гнева, подозрения, зависти, клеветы, ненависти и гордости бесовския. Вразуми поправших заповеди Церкве Христовы. Сродником нашим даруй мир и любовь, да согласно поживут родители и дети. Да будет в стране нашей правда Божия, да сохранятся в народе нашем благочестивии обычаи. Вознеси, о Всеблагая, усердныя молитвы пред Богом о всего мира умирении, да не погибнет род людский в пламени опустошения всемирнаго, да познают вси народи Отца Своего Небеснаго и Тя, Матерь Божию, Заступницу рода христианскаго. Приведи вся народы к истинному покаянию и жизни греховныя исправлению, да не осудимся в день Страшнаго Суда Божия, но да сподобит нас Господь вечныя радости в Небесных селениих, Емуже подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Тропарь, глас 4

О Пречудная, Преблагословенная Мати Христа Бога нашего, светом небесным от иконы Твоея люди страны Российския присно озаряющая, Ты бо еси преизобильная река Благодати Божественныя. Сего ради к Сыну Твоему молитвами Твоими от всяких бед нас защити, покровом милости Твоея огради и в Горний Иерусалим, Царствие Небесное, возведи.

Кондак, глас 8

Взбранной Воеводе и покровительнице страны Российския, многая чудеса от иконы Твоея предивныя приемше, похвальная воспеваем Ти, Царице Богородице; Ты же, яко имущи благодать от всяких нас бед свобождати, спаси души наша, да зовем Ти: радуйся, Владычице мира, иконою Твоею Песчанскою сердца наша утешающая.

Использованная литература

Печатные источники

Акафист Песчанской Божией Матери // Акафисты русским святым. – СПб., 1995.

Александров С., свящ. Пред иконой Песчанской Божией Матери // Пастырь и паства. – 1916. – № 9.

Григоревич В., свящ. Паломничество крестным ходом от нескольких приходов 1-го благочиннического округа Волчанского уезда к мощам Святителя Иоасафа Белгородского // Вера и разум. – 1914. – № 13.

Епишев Н. На путях обретения святыни // Санкт-Петербургские епархиальные ведомости. – 1994. – Вып. 13.

Жевахов Н.Д. Святитель Иоасаф. – Петроград, 1916.

Новицкий В., свящ. Песчанская чудотворная икона в слободе Замостье // Пастырь и паства. – 1917. – № 2. – С. 76-78.

Образ мой – источник благодати. Песчанская икона Божией Матери в судьбе России // Собеседник православных христиан : сборник. – СПб., 1997.

Отчет о деятельности Харьковского епарх. Братства Озерянской иконы Божией Матери // Вера и разум. – 1915. – № 16.

Рапорт на имя Его Высокопреосвященства Изюмского уезда, слободы Песок, Вознесенской церкви настоятеля-священника Александра Яковлева // Вера и разум. – 1914. – № 13.

Рапорт Харьковского Епархиального миссионера, протоиерея Константина Селивановского // Вера и разум. – 1914. – № 13.

Саблина Н.П. От всех предел земли нашея : вступительная статья // Акафисты русским святым. – СПб., 1995.

Самойлович И.И. Справочная книга для Харьковской епархии. – Харьков, 1908.

Святитель Иоасаф Белгородский и судьбы нашей Родины // Собеседник православных христиан. – СПб., 1994.

Сказание о Песчанской чудотворной иконе Богоматери, находящейся в Вознесенском храме слободы Песок, близ г. Изюма Харьковской губернии. – Изюм, 1893.

Филарет (Гумилевский Д. Г., архиеп.). Историко-статистическое описание Харьковской епархии. – Москва, 1859.