Полное собрание проповедей и поучений

Не устоять мне на Страшном Судилище Твоем, Спасителю, когда, как огнь, возгорится ярость Твоя на нераскаянных грешников, но в уповании на милость и крестные Твои страдания не престану взывать к Тебе, Господи: очисти меня от всяких беззаконий моих! Обрати меня, Спасителю, на путь заповедей Твоих и утверди в них сердце мое, удержи ноги мои от распутий греховных, ниспосли благодать слезами смыти с души моей греховные скверны и приведи в забвение грехи мои. Даруй мне благодать отныне уклонятися от зла, обуздать страсти, отвергнуть греховные навыки, делать добро, быть всегда осторожным в жизни, осмотрительным во всех моих делах, плакать и сетовать о моем окаянстве до конца моей жизни. Ты, Господи, поражаешь и исцеляешь, умерщвляешь и оживляешь; оживотвори и меня Твоею милостию, даруй мне блаженство тех, коим прощены греси, чьи прегрешения покрыты Твоим милосердием! Да превозношу благодать Твою во веки!

Радуйся, Святейшая всех Святых, Матерь жизни вечныя, радование сил небесных, веселие праведных, отрада кающихся! Утверди меня Твоими молитвами в покаянии и утешь радо-стию вечного спасения, да величаю Тебя во веки!

Вопль грешной души ко Господу

Всеблагий Человеколюбче Господи, сшедший с небесе ради спасения нас грешных, услыши меня в час сей, молящегося Твоей благости, воздвигни из глубины греховныя, избави от окаянного нечувствия, прежде даже до конца не погибну, спаси мя!

Помышляя страшный час смертный, трепещет и мятется оскверненная делы лютыми душа моя! Чем оправдаться, не ведает, аще не единым милосердием Твоим. Помилуй мя, Боже, помилуй мя!

Все житие мое блудно и страшно иждих, беззакония моя превзыдоша главу мою и яко бремя тяжкое отяготеша на мне; како предстану страшному и праведному судилищу Твоему, Господи? Осквернен беззаконными деяньми; како воззрю на сонмы чистейших ангелов и всех святых? Помилуй мя, Боже, помилуй мя!

Созданный по образу и по подобию Божию, кому уподобихся, окаянный, оскверних брачную одежду души, омрачих ум и все мое естество растлих помышлениями; помилуй мя, Боже, помилуй мя!

Вижду на всяк день и час - ближние мои, друзья и сродницы, един по единому поемлются горькою смертию и отводятся в страну далекую, да восприимут кийждо по делам своим, аз же, окаянный, не подражая Давиду и иным покаявшимся, аки жестокий камень нечувствен пребываю; помилуй мя, Боже, помилуй мя!

Аще ли когда нечто по благости Твоей благое сотворю, то, подражая фарисею, возношуся и услаждаюся самохвалением, и тако вся моя благая до конца погубляю и обретаюсь наг от всякого добра, имый беззакония неисчетны: помилуй мя, Боже, помилуй мя!

Аще и на всяк час, аки скверная блудница, утопаю в делах студных и безместных, прилагая грехи ко грехам, но не страшуся Твоего страха, не боюся огня геенскаго и тьмы кромешныя и червя неусыпающаго; увы мне, жив сый, но аки мертв душою обретаюся; помилуй мя, Боже, помилуй мя!

От крайнего безумия моего за маловременную и скоропреходящую сладость греха погубляю душу бессмертную, погубляю сокровище, дражайшее всего мира, погубляю красоту, созданную по образу и по подобию Божию! О, нерассудный, окаянный, сокрушайся, болезнуй, плачь и с рыданием взывай: помилуй мя, Боже, помилуй мя!

Подражала ты, грехолюбивая душа моя, Каину братоубийце и иному Ламеху злочестивому, погубила дар Божий, осквернила всеми беззакониями, и несть таковых, яже не соделала; превзошла от века грешники и что, спрошу, уготовила себе, аще не вечное рыдание и безутешное; помилуй мя, Боже, помилуй мя!

При дверях суд твой, душе, воспряни, потщися, приими во ум твой судилище страшное, на немже обличатся вся срамная, содеянная тобою; молись тепле, принеси покаяние с болезнею сердечною, плачь, вопий, умоляй Судию, припадай к стопам Его с болезненным рыданием, исторгай слезы очистительныя, аще не умилосердится Человеколюбец Господь, и горце взывай с многим сердечным стенанием: помилуй мя, Боже, помилуй мя!

Имый попечение о душе своей да прочитывай сие на каждую среду и пяток, а усерднейший и на каждый день, особенно в Великий пост.

Грех ненависти

Вопрос:

Кий грех тяжкий есть, кроме ереси?

Ответ:

Якоже всех добродетелей и всех благих вышняя есть любовь, тако и всех грехов тяжкий есть еже ненавидети брата; ненавидяй бо брата своего человекоубийца есть, якоже рече апостол: ненавидяй брата своего пребываяй в смерти; ненавидяй брата своего Самого Бога ненавидит; ненавидяй брата своего во тьме есть и во тьме ходит, и не весть камо идет, зане тьма ослепи очи того.

Видиши ли, колику злу виновна ненависть, любовь же покрывает множество грехов; ненависть неудобоврачна и неурочна есть, грех к смерти непокаянный. Темже мужетлители, и волхвы, и вражбиты, и чаровницы, и ненавидяй брата своего, в лютое место яко убийцы осуждаются.

Покаянная молитва