Полный Тропарион. Том I

Звезда́ све́тлая яви́лся еси́... (общий мученику).

Величание

Велича́ем тя,/ старстоте́рпче святы́й Оре́сте,/ и чтим честна́я страда́ния твоя́,/ я́же за Христа́/ претерпе́л еси́.

11/24 Великомученика Мины (304). Преподобного Феодора Студита, исповедника (826). Мучеников Виктора (II), Викентия (304) и мученицы Стефаниды (II). Блаженного Максима, Христа ради юродивого, Московского чудотворца (1434). Преподобного Мартирия Зеленецкого (1603). Мученика Стефана Деча́нского, Сербского (ок. 1336).

Тропарь великомученику Мине, глас 4

Я́ко безпло́тным собесе́дника/ и страстоте́рпцем единовсе́льника,/ соше́дшеся ве́рою, Ми́но, восхваля́ем тя,/ ми́ра ми́рови испроси́/ и душа́м на́шим ве́лия ми́лости.

Кондак, глас тойже

Во́инства исхити́ привре́меннаго,/ и нетле́ннаго показа́ тя Небе́снаго о́бщника,/ страстоте́рпче Ми́но, Христо́с Бог наш,/ и́же му́чеников нетле́нный вене́ц.

Величание

Велича́ем тя,/ страстоте́рпче святы́й Ми́но,/ и чтим честна́я страда́ния твоя́,/ я́же за Христа́/ претерпе́л еси́.

Тропарь преподобному Феодору Студиту, исповеднику, глас 8

Правосла́вия наста́вниче,/ благоче́стия учи́телю... (общий преподобноисповеднику).

Кондак, глас 2

По́стническое и равноа́нгельное житие́ твое́/ страда́льческими уясни́л еси́ по́двиги,/ и а́нгелом совсе́льник, Богоблаже́нне, яви́лся еси́, Фео́доре,/ с ни́ми Христу́ Бо́гу моля́ся/ не преста́й о всех нас.

Величание

Ублажа́ем тя,/ преподо́бне о́тче Фео́доре,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.

Тропарь мученикам Виктору и Викентию и мученице Стефаниде, глас 4

Му́ченицы Твои́, Го́споди... (общий мученикам).

Кондак, глас тойже

И́же сла́ве, Го́споди и всех Соде́телю,/ Ты в ми́ре яви́л еси́ украше́нных доброде́тельми страстоте́рпцы и му́ченики,/ да и́мут непобеди́мую побе́ду.

Величание

Велича́ем вас,/ страстоте́рпцы святи́и Ви́ктор, Вике́нтие и Стефани́до,/ и чтим честна́я страда́ния ва́ша,/ я́же за Христа́/ претерпе́ли есте́.

Тропарь блаженному Максиму, Христа ради юродивому, Московскому чудотворцу, глас 5

Нагото́ю теле́сною и терпе́нием/ обнажи́л еси́ вра́жия кова́рствия,/ облича́я неподо́бное его́ дея́ние,/ зе́льне стра́жда со́лнечный ва́р/ и ну́ждныя вели́кия сту́дени,/ мра́за и огня́ не чул еси́,/ Бо́жиею по́мощию покрыва́ем,/ Макси́ме прему́дре./ О ве́рою творя́щих па́мять твою́ че́стно,/ и усе́рдно притека́ющих к ра́це моще́й твои́х,/ моли́ изба́витися от бед/ и паде́ния избежа́ти.

Кондак, глас 2

Вы́шния красоты́ жела́я,/ ни́жния сла́дости и теле́сная одея́ния в ничто́же вмени́л еси́,/ и нестяжа́ние па́че су́етнаго ми́ра возлюби́л еси́,/ а́нгельское житие́ проходя́,/ сконча́лся еси́, блаже́нне Макси́ме./ С ни́миже Христа́ моли́ непреста́нно о всех нас.

Величание

Ублажа́ем тя,/ святы́й пра́ведный Макси́ме,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.

Тропарь преподобному Мартирию Зеленецкому, Великолукскому, глас 2

От ю́ности, Богоблаже́нне, Христа́ возлюби́в,/ оте́чество оста́вил еси́,/ и всех мирски́х мяте́жей уклони́вся,/ в ти́хое приста́нище пречестны́я оби́тели Богома́терни дости́гл еси,/ отону́дуже уве́дев непрохо́дную пусты́ню,/ крестови́дною заре́ю пока́занную,/ жела́тельне ю обре́л еси́,/ и в ней всели́вся,/ и́ночествующих собра́л еси́,/ и сих уче́ньми свои́ми, я́ко ле́ствицею восхо́дною на Не́бо,/ трудолю́бно тща́лся еси́ возводи́ти к Бо́гу./ Ему́же моли́ся, богому́дре Марти́рие,/ дарова́ти душа́м на́шим ве́лию ми́лость.

Кондак, глас 8

Оте́чества, преподо́бне, и всего́ мирска́го мяте́жа,/ уклони́тися возжеле́л еси́,/ и, в пусты́ню всели́вся,/ та́мо во блаже́ннем безмо́лвии жесто́кое житие́ показа́л еси́,/ и ча́да послуша́ния и смире́ния в нем возрасти́л еси́./ Сего́ ра́ди, дерзнове́ние стяжа́в ко Святе́й Тро́ице,/ е́же моли́тися, Богоблаже́нне, о нас, ча́дех свои́х, и́хже собра́л еси́,/ и о всех правове́рных, да зове́м ти:/ ра́дуйся, о́тче Марти́рие,/ безмо́лвия пусты́ннаго люби́телю.

Величание

Ублажа́ем тя,/ преподо́бне о́тче Марти́рие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.

Тропарь мученику Стефану Дечанскому, Сербскому, глас 4

В терпе́нии добрострада́льных по́двиг твои́х/ многообра́зныя ра́ны претерпе́л еси́,/ и по кончи́не свое́й/ вене́ц от Бо́га с му́ченическими ли́ки восприе́млеши,/ и в земли́ кро́тких досто́йно водворя́ешися, бла́женне,/ о нас Христа́ Бо́га моли́/ дарова́ти душа́м на́шим ве́лию ми́лость.

Ин тропарь, глас тойже

Ца́рство, е́же на земли́ до́бре окормля́я, страда́льче,/ и, багряни́цу нося́, смире́нно стяжа́л еси́ мудрова́ние,/ ни́щих посеща́я и сим хлеб раздробля́я*,/ тем Пребоже́ственная Тро́ица/ Ца́рствия ку́пно и му́ченичества венце́м увязе́* тя.

Кондак, глас 3