Православные старцы: Жизнеописание, мудрость, молитвы

О, добрый наш пастырю и наставниче, приснопоминаемый иноков российских первоначалъниче, преподобие и богоносне отче наш Антоние: ты горе на небеси, мы низу на земли, удалении от тебе не только местом, колико греховною нечистотою нашею, обаче памятуя отеческую любовь твою к людем ти сродным, припадаем и молимтися с умилением и верою: помози нам, грешным, покаянием очиститися, и достойными быти помилования и прощения от Господа и Создателя нашего. Умоли Его благость, даровати нам великия и богатыя милости: земли плодоносив, воздуха благорастворение, мир глубок, братолюбие искреннее, благочестие нелицемерное, житейских потреб довольство, и да не во зло обратим благая, даруемая нам от щедродательныя Его десницы, но во славу имени Его святаго и во спасение наше. Сохрани, угодниче Божий, предстателъством твоим святым, в здравии и долгоденствии всех православных христиан и страну Российскую, покоряя под нози их вся враги и супостаты. Соблюди, чудотворче святой, благомощными твоими молитвами обитель твою и всю страну православнороссийскую невредимыми от всякаго зла, и вся люди, жительствующия в обители твоей, и на поклонение в ню приходящыя, осени небесным твоим благословением, и в скорбех, бедах и болезнех утешение, избавление и исцеление им подаждь: да благодарно славим, хвалим и величаем прославляющего тя Господа, чрез тебе дивно благодетельствующаго нам, Безначальнаго Отца, Единороднаго Его Сына, и Единосущнаго Его Духа, Троицу Живоначальную и Нераздельную, и твое святое заступление во веки веков. Аминь.

* * *

Преподобнии и богоноснии отцы наши Антоние и Феодосие и вси преподобнии Печерстии, Светила земная пресветлая, от темных мест пещерных в земли Российской Славно просивши и сию многими светозарными ангелонравнаго вашего жития звездами онебесившии, всю же вселенную высоких добродетелей светлостьми и чудес божественных блистании удививши, и ныне смертным западом плотски на время во гробе зашедшее, душами со Христом, Солнцем правды, суще праведницы, просвещаетеся, яко солнце, во царствии небесным: идеже молитвенныя ваша к Богу свету лучи о отечестве своем простирающее, не забывайте и нас, всегдашния своя молитвенники, в нощи страстей и скорбей пребывающия, свыше благодарными призирати осиянии: яко да, во свете добродетельнаго вашего жития право ходящее, сподобимся зрети свет неприкосновенныя славы Божия, хвалящее его купно с вами в нескончаемыя веки. Аминь.

Молитва всем Святым и Безплотным Небесным Силам