Православный календарь. Праздники, посты, именины. Календарь почитания икон Богородицы. Православные основы и молитвы

Пророка Твоего Аввакума память, Господи, празднующе,/ тем Тя молим:// спаси души наша.

Тропарь святому Стефану Урошу V, царю Сербскому, глас 3

Юношески процвел еси/ во отечествии твоем, добротою  украшен,/  и  неправедную  и  безвременную смерть подъял еси,/ Уроше всечестне;/ царскаго корене плод сладок,/ аще и не во время созрев,/ в Господню житницу вселился еси/ и жалость велию сродству твоему оставил еси./ Молися о нас, творящих святую память твою.

Тропарь преподобному Афанасию, затворнику Печерскому, в Дальних пещерах, глас 7

По  имени  своему  за  труды  велия/  и  всегдашнее  зде умерщвление  плоти  в  затворе/  безсмертную  ныне  на Небеси/ жизнь наследовавый,/ молим тя прилежно:/ молися о нас,/ яко да и мы тояжде сподобимся получити.

16 декабря (3 декабря ст. ст.)

Прор. Софонии (635—605 до Р.Х.). Прп. Саввы Сторожевского (Звенигородского) (1406). Сщмч. Андрея пресвитера (1920). Сщмч. Николая пресвитера (1937). Св. Георгия исп. (1960).

Прп. Феодула Константинопольского (ок. 440). Прп. Иоанна молчальника, бывшего еп. Колонийского (558). Сщмч. Феодора, архиеп. Александрийского (606).

Прп.: Гал., 213 зач., V, 22—VI, 2. Мф., 10 зач,, IV, 25—V, 12

Тропарь преподобному Савве, глас 8

Пустыни явился еси доброе прозябение, преподобне,/ от юности бо изволил еси чистое житие,/ духовному твоему учителю последуя,/ и того учением ум к Небесным вперив,/ и стаду твоему премудр наставник показался еси,/ тем и Христос яко пресветла тя светильника чудесы обогати.// Савво, отче наш, моли спастися душам нашим.

Кондак пророка Софонии, глас 4

Явился еси светозарен Божественным Духом,/ пророче  Софоние,/  Божие  явление  возгласив:/  радуйся зело, дщи Сионя Иерусалимова, проповеждь:// се Царь Твой грядет, спасаяй.

17 декабря (4 декабря ст. ст.)

Вмц. Варвары и мц. Иулиании (ок. 306). Прп. Иоанна Дамаскина (776).

Сщмчч. Алексия, Иоанна, Александра и Николая пресвитеров, Василия диакона и с ним 10-ти мучеников (1918). Сщмч.

Димитрия пресвитера, прмц. Анастасии, мцц. Екатерины и Киры. Прп. Иоанна, еп. Поливотского (VIII). Свт. Геннадия, архиеп. Новгородского (1504).

Вмц.: Утр. – Мф., 104 зач., XXV, 1—13. Лит. – Га л., 208 зач., III, 23—29. Мк., 21 зач., V, 24—34.

Тропарь великомученице Варваре, глас 4

Агнице всеблаженная Варваре,/ Божественне озарившися Светом Святыя Троицы Трисолнечным/ и в купели  утвердившися,/  в  побеждение  лести  отеческия/ веру исповедала еси Христову./ Тем, всечестная, свыше благодать тебе дарова Бог/ исцеляти недуги и болезни вся./ Егоже моли, великомученице,/ да спасет души, наша.

Кондак великомученицы Варвары, глас 4

В  Троице  благочестно  певаемому/  последовавши Богу,  страстотерпице,/  идольская  притупила  еси чтилища,/ посреде же подвига страдальчествующи, Варваро,/ мучителей прещения не устрашилася еси, мужемудренная,/ велегласно поющи присно:// Троицу чту, Едино Божество.