Преподобный Николай Чудотворец: Жизнь, чудеса, святыни

Святителю Николаю Чудотворцу молятся о воспитании детей, о мире в семье, об избавлении от нищеты и бедности, об отвращении блудных помыслов или посягательств, о паломниках, моряках, путешествующих, об избавлении от уз или смерти, об укреплении и чистоте православной веры… Всего перечислить невозможно. Нет такой ситуации, в которой Николай Чудотворец не помог бы. Мы предлагаем вашему вниманию Акафист святителю Николаю Чудотворцу и тропари. Акафист в переводе с греческого – «неседальное пение» – то есть песнопения, которые исполняются молящимися стоя. Акафисты состоят из 25 отдельных песнопений – 13 кондаков и 12 икосов. Из них 1-й кондак и все икосы оканчиваются восклицанием «радуйся»…, а 12 кондаков возгласом «Аллилуия». Кондак (в переводе с греческого – «домик») – краткое песнопение в похвалу святого или праздника. Завершается возгласом «Аллилуия». За кондаком следует икос, который раскрывает содержание кондака, заключает более пространное развитие темы, содержащейся в кондаке.

Икос (в переводе с греческого – «дом») – церковное песнопение, содержащее прославление святого или празднуемого события.

Тропарь – это краткое песнопение, в котором раскрывается сущность праздника или прославляется святой. Каждый тропарь составляется в честь определённого праздника. В тропаре кратко выражается сущность праздника или образ жизни святого.

Акафист святителю Николаю, архиепископу Мир Ликийских, чудотворцу

Акафист святителю Николаю Чудотворцу считается произведением Константинопольского патриарха Исидора Бухариса (1341–1349 гг.).

Кондак 1

Возбранный Чудотворче, и изрядный угодниче Христов, миру всему источаяй ногоценное милости миро, и неисчерпаемое чудес море, восхваляю тя любовию, святителю Николае: ты же яко имеяй дерзновение ко Господу, от всяких мя бед свободи, да зову ти; радуйся, Николае, великий Чудотворче.

Икос 1

Ангела образом, земнаго суща естеством, яви тебе всея твари Создатель: благоплодную бо доброту души твоея провидев, преблаженне Николае, научи всех вопити тебе сице; радуйся, от утробы матерния очищенный; радуйся, даже до конца освященный. Радуйся, рождением своим родителей удививый; радуйся, силу душевную абие по рождестве явивый. Радуйся, саде земли обетования; радуйся, цвете Божественнаго саждения. Радуйся, лозо добродетельная винограда Христова; радуйся, древо чудоточное рая Иисусова. Радуйся, крине райскаго прозябения; радуйся, миро Христова благоухания. Радуйся, яко тобою отгонится рыдание; радуйся, яко тобою приносится радование. Радуйся, Николае, великий Чудотворче.

Кондак 2

Видяще твоих мир излияние, Богомудре, просвещаемся душами и телесы, дивнаго тя мироточца живоносна, Николае, разумеюще: чудесы бо, яко водами, благодатию Божиею изливающимися, напаяеши верно вопиющих Богу: Аллилуиа.

Икос 2

Разум неуразуменный вразумляя о Святей Троице, был еси в Никеи со святыми отцы поборник исповедания православныя веры; равна бо Отцу Сына исповедал еси, соприсносущна и сопрестольна, Ариа же безумнаго обличил еси. Сего ради вернии научишася воспевати тебе; радуйся, великий благочестия столпе; радуйся, верных прибежища граде. Радуйся, твердое православия укрепление; радуйся, честное Пресвятыя Троицы носило и похваление. Радуйся, Отцу равночестна Сына проповедавый; радуйся, Ариа возбесившагося от собора святых отгнавый. Радуйся, отче, отцев славныя красото; радуйся, всех Богомудрых премудрая доброто. Радуйся, огненная словеса испущаяй; радуйся, добре стадо свое наставляяй. Радуйся, яко тобою вера утверждается; радуйся, яко тобою ересь низлагается. Радуйся, Николае, великий Чудотворче.

Кондак 3

Силою данною ти свыше, слезу всяку отъял еси от лица люте страждущих, Богоносе отче Николае: алчущим бо явился еси кормитель, в пучине морстей сущим изрядный правитель, недугующим исцеление, и всем всяк помощник показался еси вопиющим Богу: Аллилуиа.

Икос 3

Имеяше воистинну, отче Николае, с небесе песнь тебе воспеваема быти, а не от земли: како бо кто от человек возможет твоея святыни величия проповедати? Но мы, любовию твоею побеждаеми, вопием ти сице; радуйся, образе агнцев и пастырей; радуйся, святое очистилище нравов. Радуйся, добродетелей великих вместилище; радуйся, святыни чистое и честное жилище. Радуйся, светильниче всесветлый и вселюбимый; радуйся, свете златозарный и непорочный. Радуйся, достойный Ангелов собеседниче; радуйся, добрый человеков наставниче. Радуйся, правило веры благочестивыя; радуйся, образе кротости духовныя. Радуйся, яко тобою от страстей телесных избавляемся; радуйся, яко тобою сладостей духовных исполняемся. Радуйся, Николае, великий Чудотворче.

Кондак 4

Буря недоумения смущает ми ум, како достойно есть пети чудеса Твоя, блаженне Николае? Никтоже бо может я исчести, аще бы и многи языки имел, и глаголати восхотел: но мы дивно Богу в тебе прославляющемуся, дерзаем воспевати: Аллилуиа.

Икос 4