Редкие молитвы

Спаси мя, Спасе мой, по Твоей благости, а не по моим делом! Ты хощеши мя спасти, Ты веси, коим образом мя спасти: спаси убо мене, яко хощеши, яко можеши, яко веси: имиже веси судьбами спаси мя! Аз на Тя, Господа моего, надеюся, и Твоей воле Святой себе вручаю: твори со мною еже хощеши! Аще хощеши мя имети во свете: буди благословен. Аще мя хощеши имети во тьме: буди паки благословен. Аще отверзеши ми двери милосердия Твоего: добро убо и благо. Аще затвориши ми двери милосердия Твоего: благословен еси, затворивый ми в правду. Аще не погубиши мя со беззакониями моими, слава безмерному милосердию Твоему. Аще погубиши мя со беззакониями моими, слава праведному суду Твоему: якоже хощеши, устрой о мне вещь!

* * *

Господи! Все желание и воздыхание мое да будет в Тебе. Все желание мое и рачение мое в Тебе едином да будет, Спасителю мой! Все изволение мое и помышление мое в Тебе да углубится, и вся кости моя да рекут: «Господи, Господи! Кто подобен Тебе, кто сравнится силе, благодати и премудрости Твоей? Вся бо премудре, и праведне, и благоутробне о нас устроил еси».

* * *

Да ничтоже мя отторгнет, да ничтоже мя отлучит от Божественныя Твоея любве, о Боже мой! Да ничтоже пресечет, ни огнь, ни меч, ни глад, ни гонение, ни глубина, ни высота, ни настоящая, ни будущая, точию едино сие да пребудет в душе моей выну. Ничтоже ино да возжелаю в веце сем, Господи, но день и нощь да взыщу Тебя – Господа моего: и да обрет, вечное сокровище прииму, и богатство стяжу, и всех благ сподоблюся.

Молитва святителя Саввы Сербского

Перед иконой святителя Саввы молятся при самых различных болезнях и недугах, просят об обретении или укреплении веры, о мире и благодати для себя и своих близких.

Господи Иисусе Христе, Спаситель наш, наставник заблудшим, Отче истинного света, единородное Слово Отчее, водитель старых, утверждение молодым, приведи мою младенческую слабость в волю истинного Твоего разумения, да предвосхитив, выдвинусь на сем пути, на котором и Господин мой, сей мой охранитель, спешит идти.

Ибо Ты ведаешь, ведатель сердец, Господи Иисусе Христе, что весь сей свет не полюбит душа моя, ни то, что в нем.