Русские земли глазами современников и потомков (XII-XIVвв.). Курс лекций

«…И приде [Приор] в пустныю Саввы и сече род чад Измаилов. Сего Измаила Авраам приживе от рабы своея Агары, а Исаака от Сары. Измаил же пребываше с матерью своею [в пустыне]. И расплодишася. И Приор царь изби я, а инии разбегошася и бежа оттоле в пустыню Етрива, и паки расплодишася, и исполниша пустыню ту от племени своего. Бяху мнози аки плузи, нази хожаху и ядяху вельбужияв боку варена и пияху кровь скотию и млеко [кобылиц]. Оттоле прияша землю сынове Израилови: Орив и Зив, и Салмон. И начаша воевати [с другими народами], и доидоша до Ефранта и от Ефранта до Тигра, от Тигра до Саддукия великия, да иже и до Рима. И вземши Рим, царстововаше 7 лет. И начаша строити себе корабли, и начаша яко птица парити по морю. Оттуду же ставше, поидоша на Израиля. И Израильтяне же, слышавши Измаиловичи, все разбегошася в пустыни и горы, и в пропасти земныя. Гедеон же еще на тоце своем веяше пшеницу, и прииде к нему ангел Господень, глаголя: Стражеши ли? Он же рече:…Хощоу скрытися от лица Измаиловичь. И рече ему ангел:…Не скрыися, но стани противоу им и здолееши их ты. <…> И оубив Гедеон, наступив, Орива и Зива, и оугнав Зива и Салмана, и оуби всю силу их. И оста их 8 племен. И тех разгнав в ту же пустыню и Етрива, откоуду же пришли суть. Суть тамо ныне расплодишася. И выити им еще единою на последних летех 7 тясящи, и попленити им вся земля… Рече Господь Бог Израилю: любя ввожу тя в землю обетованную. Но грех ради ваших, видите, яко не любя вас, сыном Измаиловым дах вас над вами силу: да приимут землю христианьскую грех же ради беззакония их, тако им творити. <…> И будут Измаиловичи яко прутове [саранча] мнози. И беседовати начнут высоце на Бога до времени, оуставнаго им и до царства, и до числа лет, и до 7-ми месяцев. Владети начнут до исхода северскаго и до запода. И будут вси властию их человеци… И возвеселит сердце [измаильтян] оубивающих их. Толми без милости [измаильтяне] будут просити: имут дани оу сирот и оу вдовиц и оу черньцев, и всякого страх стужает оубогих. Ругатися начнут ходящим по закону Божию. И будут оужасти и в скорби живущии на земли. И осквернится вся земля кровию, и оудержит земля плод свои. Послание бо суть на опустение земли скверни, бо суть скверну целуют. И кождо изыдут ис пустыни, оружия своя калят в чрева [женщин], и младенцы имуть разбивати, истергати из рук матерних. А со своими женами начнут блуд творити во святых местех, рекше в цырквах. А пеленами святых икон кони покрывати. Кони же и скоти начнут в цырквах затворяти… Будут бо сынове Измаиловичи злы зело. И престанет служба Божия в цырквах святых и пение, дондеже скончается число царство их, им же предаша всю землю. Скончается печаль в человецех, и будут глади и смерти, и изможжают человеци: рассыплются по всеи земли, яко персть. И ина казнь от Богу будет праведным и верным»…<…>

«…От Измаильтян же печали тои бывши. И яко честь приимут вси человеци. Не имети начнут спасения Божия и избавления его от рук Измаильтян. И отверзет Бог горы западныя, яко заключи Александр Македонскии. Сеи бе Александр шед на восток и оуби Дария Медянина, царя Перскаго. И оттоле шед оуби царя Пора Индеиска и поплени многи земли, грады и поиде, воюя, до земля, и еже нарицается»

«…иде же видя нечитстыя человеки, иже есть Афетовы внуци. И видя Александр нечистоту их, и чюдися. Ядяху во всяко животно жупеличен твари. Гнусно бо есть, и скаредно комары, мыши, кошки и змеи, и мертвых плоти, и скоты нечистыя, изворги женския, и дети своя мертвыя, и всяку тварь, животных, гад. И се все видеве, Александр бывающая в них скверны и нечистота их, и оубояся, глаголя: И егда когда доидут сии места святаго и земли святыя и осквернят ю от скверн своих яди. И нача молитися Богоу зело. И повеле собирати вся мужи, и жены и дети их. И погони их. А сам поиде во след их дондеже вниидоша мимо скверн. И не бе лзе внити к ним, ниж паки излести от них. Тогда же Александр помолися Богу со страхом великим. И повеле Господь Бог горам Северским оступитися об них. Повелением Божием оступишася об них горы и не ступишася 12 лакот. Александр же закова железными враты несоступившееся место, и замазаша суньклитом. И егда ж хотят разсещи секирами своими врата, то не будет им лзе, или огнем хотят жеци, то ни тем лзе будет. Вещь бо есть такова: соуньклитом замазано, то ни железо его иметь, ни огонь жжет, но ту абие оугаснет. В последния же дни на скончание мира Гог и Магог выидета на землю Израилтескую и еже суть цари язычестии, яже запечата царь Александр об ону страну севера. И по Михаилови царствие за беззаконие людии тех отвезет Бог горы западные. И выскочиста из них Гог, Магог и Оунога, и Анег, а инех 20 царей подвижатся по земли. И от лица их смятутся человеци и начнут бегати, и крытися в горах и пещерах, и во гробех измирати от страха их. И не будет кому погребая их телес грешных. И шедши бо человеци от Севера, ясти начнут плоть человеческую и кровь пити аки воду. И вся ясти начнут нечистаи грусная: змия и скорпия, и иныя гады, и звери всякие, и мертвечину всякоу. И заклати имут младенцы и пекуще ясти. И истлят землю и осквернят ю. И не будет терпящего на ней. Прорекут вси люди в 3 лета, да иж и до Иерусалима. И полеть Господь Бог архистратига своего Михаила, и посечёт их нощию на оудоле Асафатове»[111]