Скифская история

В Европе Ромáнию, Фраки́ю, Бóлгарию, Ахáню, Македóнию, Епирус, Албáнию, Акарнáнию, Рáсцыю, Бóсны, Дáцыю, Сéрбы, Карвáты, Волóхи, Молдáвию и часть великую Венгерскаго кралевства, и островы Пелепонес или Аммóрию, Кáндию или Кри́т, Ки́пр и Нигропóнт, Рóдис и прочих неисчетно; к тому Таврику Херсонскую, идеже Крым.

Во Африке Еги́пет, и Ассирию, и Сирию, и Палести́ну, и Вавилонскую страну, и Аравии немало. И аще бо который государь и градов имел толико, могл бы можным имяноватися государем, а сия объявленныя области каяждо имеет в себе много градов крепких и богатых, и пространства немало, и имела пред сим едва не каяждо особнаго владетеля.

Вся убо сия, несогласия ради христианскаго, ныне суть во власти нечестиваго паганина подъемлют тяжкия нужды и неизреченныя бедства, о них же некто древний пиита сице пишет.

«Сие несогласие христиан принесе,
Яко поганых на главы своя вознесе.
Государства бо, стоящия немалый век
Взяша, и днесь у них в неволи всяк человек.
Полнится там плач Иеремии пророка
Егда текут слезы от христианска ока.
Увы! Воплят сербы и болгари в неволе.
Бóсны и далмáти, яко жиды в Вавилоне.
Воздыхают с плачем христианския народы,
Братиа наша в плене, лишася свободы,
От Бога убо за грехи порабощени
Турку и тяжкими нужды отягощени.
Плачут египтяне, грéки же и армяне,
И с ними вéнгрове, карвáты и мултяне.
Островы морския с плачем вод примножают:
Кипр, Крит, Родос, Патм, их же турки окружают.
Епирус, Аммóриа, Албáния с ними,
Алкаир, Византи́я с царствы честными.
Трапезóнт, Бáктриа, Нéксос и Галлатиа,
Аравиа, Понт, купно и Каппадокиа.
Еще Таврицка царства, где из христианства
Исполнися всюду злолютаго поганства.
Вси сии плачут зело, потеряв свободу,
Ибо в своих отечествах купят и воду.
В домех си не имут где главы приклонити,
Ни един час тогда могут без плача быти!
Всех бо сих поганый яко псов удручает,
За малу вину казнит и зле умучает.
К тому от коегождо главы по златому
И днесь рожден должен дати султану злому.
И на куюждо пять лет детей избирают
От всякаго дому, которых потурчают.
Тии уже отца и матерь забывают
И в поганском законе крепко пребывают.
В них лучшую оборону султан имеет,
Против христиан бы в стену ставить смеет.
Они его избирают и пред ним ходят,
Грады емлют, страны под власть его приводят.
Из христиан тамо муж ко всему потребный,
Пашá, сенжáк, чаýш и иной чин хвалебный»

И паки во ином месте той же еще о том же: