Терновый венец болезни. Опыт преодоления рака

Благодатный целебный источник св. Пантелеймона находится в Автономной Республике Крым, г. Старый Крым.

Св. Пантелеймон всегда был покровителем врачей и больных. Поэтому славословие великомученику Пантелеймону и всем святым будет логичным завершением книги.

Кано́н свято́му великому́ченику и цели́телю Пантелеи́мону. Творе́ние Феофа́ново. Гла́с 2-и́.

Пе́снь 1.

Ирмо́с: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный гре́х потреби́ло е́сть, препросла́вленный Госпо́дь, сла́вно бо просла́вися.

Припев:Святы́й великому́чениче и целе́бниче Пантелеи́моне, моли́ Бо́га о на́с.

Присту́пль усе́рдно ко Христу́, пре́жде сконча́ния, е́же о Христе́, мертвеца́ пе́рвее воздвигл еси́. Ны́не же мя, пребога́те, умерщвле́на грехо́вным угрызе́нием, твои́ми моли́твами, Пантелеи́моне, оживотвори́.

Святы́й великому́чениче и целе́бниче Пантелеи́моне, моли́ Бо́га о на́с.

Возсия́, я́коже звезда́, нося в ю́ности ста́ростный[43] и Богому́дрый ра́зум, добро́тою же те́ла благоле́пие души́ стяжа́в, препросла́вленному Сло́ву яви́лся еси́ прекра́сен.

Святы́й великому́чениче и целе́бниче Пантелеи́моне, моли́ Бо́га о на́с.

Умертви́вся ми́ру и во Христе́, блаже́нне, оде́явся ба́нею Креще́ния, был еси́ богоно́сен орга́н и прия́телище де́йства[44] Ду́ху, всем угожда́я, всех уврачу́я неду́ги.

Сла́ва: Прему́дрость сестру́ себе́ притвори́в[45] и прича́стник жи́зни ведо́м, от нея́ почти́лся еси́ и венце́м дарова́ний украси́лся еси, Боже́ственныя зари́, блаже́нне, облиста́я све́тлостию.

И ны́не, Богоро́дичен: Благослове́ньми, Пресвята́я Чи́стая, естество́, уда́лено преслуша́нием бы́вшее от Зижди́теля, Христа́ ро́ждши, венча́ла еси́ и тле́ния свободи́ла еси́. Те́мже, ра́дующеся, вси ве́рнии, Тя ублажа́ем.

Катава́сия: Моли́ Бо́га о нас, святы́й великому́чениче и целе́бниче Пантелеи́моне, я́ко мы усе́рдно к тебе́ прибега́ем, ско́рому помо́щнику и моли́твеннику о душа́х на́ших.

Пе́снь 3

Ирмо́с: Процвела́ е́сть пусты́ня я́ко кри́н Го́споди, язы́ческая неплодя́щая це́рковь, прише́ствием Твои́м, в не́йже утверди́ся мое́ се́рдце.

Святы́й великому́чениче и целе́бниче Пантелеи́моне, моли́ Бо́га о на́с.

Словеса́ Ду́ха услы́шав, был еси́ я́ко земля́ до́брая и благопло́дная, прие́мый се́мя многоце́нно и роди́выи́, треблаже́нне, спасе́ние душа́м.

Святы́й великому́чениче и целе́бниче Пантелеи́моне, моли́ Бо́га о на́с.

Умертви́л еси́ мудрова́ние змии́на угрызе́ния и ду́шу оживи́л еси́, богодохнове́нно возроди́вся и Царю́ всех предстоя́.

Святы́й великому́чениче и целе́бниче Пантелеи́моне, моли́ Бо́га о на́с.

Посрами́л еси́ безбо́жное мучи́телей повеле́ние и ко Христу́ прите́кл еси́, вме́сто всех Сего́ стяжа́в, и был еси́, Богому́дре, вели́кий купе́ц.

Сла́ва: Ма́тере твоея́ благоче́стие возлю́бль, сла́вне, о́тчее же возненави́дел еси́ безбо́жие многомяте́жное, я́ко име́я ра́зум, лу́чшее избра́л еси́.

И ны́не, Богоро́дичен: Нося́й Боже́ственным манове́нием всю тварь, Госпо́дь на руку́ но́сится Твое́ю, Де́во. Его́же ны́не моли́ изба́вити от бед пою́щия Тя.

Моли́ Бо́га о нас, святы́й великому́чениче и целе́бниче Пантелеи́моне, я́ко мы усе́рдно к тебе́ прибега́ем, ско́рому помо́щнику и моли́твеннику о душа́х наших.

Го́споди, поми́луй (трижды).

Седа́лен, гла́с 4.

До́бляго страда́льца благоче́стия Христо́ва восхва́лим све́тло Пантелеи́мона, ве́рнии, псалмы́ и пе́ньми и пе́сньми духо́вными, и́мже мучи́тельство неви́димаго врага́ си́лою Боже́ственною попра́ся, и неду́гов исцеле́ние бога́тно от Го́спода дарова́ся, творя́щим ве́рно Боже́ственный и честны́й пра́здник его́.

Сла́ва, гла́с то́йже: Ермола́я му́драго, му́чениче, слове́с послу́шал еси́ и оста́вил еси́ а́бие худо́жество земно́е, я́ко ме́рзко, я́ко не кре́пко, я́ко губи́тельно, име́я Христо́вы стра́сти, уче́ния жи́зни в се́рдцы твое́м, неисце́льно стра́ждущим здра́вие, Пантелеи́моне, да́руя. Те́мже моли́ся о творя́щих любо́вию па́мять твою́.

И ны́не, Богоро́дичен: Треволне́нии страстны́ми, безсо́вестный а́з обурева́емь, Чи́стая, призыва́ю Тя́ те́пле: да не пре́зриши мене́, окая́ннаго, поги́бнути, бе́здну милосе́рдия ро́ждши, ра́зве бо Тебе́ наде́жды не и́мам, да не враго́м у́бо обра́дование и сме́х, наде́явся на Тя́, явлю́ся, и́бо мо́жеши, ели́ко хо́щеши, я́ко Ма́ти су́щи все́х Бо́га.

Пе́снь 4