Том 4 (XII век, литература эпохи «Слова о полку Игореве»)

...поклепаеть[1158] сего 40-ми резанами. А замъке келе, а двьри келе, а господарь въ не тяже не дее. А продаи клеветьника того. А у сего смьръда възяти епископу ... смьрьди побити клеветьника ...

...Ати буде воина, а на мя почъну, а молитеся Гостятою къ кънязю.

Литва въстала на корелу.

Жизнобуде погублене у Сычевиць новъгородьске смьрде. А за ними и задьниця.

... Несъдицеви полъ пяте резане, а мъне еси въдале дъве куне. Цьто же за мъною твориши за мъною осмь кунъ и гривьна? Поиди же въ городъ — могу[1159] ся съ тобою яти на воду.

Грамота отъ Жизномира къ Микуле. Купилъ еси робу Плъскове, а ныне мя въ томъ яла кънягыни. А ныне ся дружина по мя поручила. А ныне ка посъли къ тому мужеви грамоту: е ли у него роба?[1160] А се ти хочу, коне купивъ[1161] и къняжъ мужъ въсадивъ, та на съводы. А ты атче еси не възалъ кунъ техъ, а не емли ничъто же у него.

Покланяние от Ефрема къ брату моему Исухие. Не распрашавъ розгневася: мене игумене не пустиле. А я прашалъся, нъ посълалъ съ Асафъмь къ посадьнику меду деля. А пришьла есве, оли звонили. А чему ся гневаеши? А я вьсьгда у тебе. А соромъ ми, оже ми лихо мълвляше. И покланяю ти ся, братьче мои, то си хотя мълви. Ты еси мои, а я твои.

Грамота отъ Гюрьгя къ отьчеви и къ матери. Продавъше дворъ, идите же семо — Смольньску ли Кыеву ли: дешеве ти хлебе. Али не идете, а присълите[1162] ми грамотичу, сторови ли есте.

От Нежеке ко Завиду. Чему не восолеши, чето ти есемо водала ковати? Я дала тобе, а Нежяте не дала. Али чимо есемо виновата, а восоли отроко.[1163] А водале ми еси хамече; а чи за то не даси, а восоли ми весть. А не сестра я вамо,[1164] оже тако делаете, не исправить ми ничето же! А во три колотоке вокуе; то ти 4 золотьнике во кольцю тию.[1165]

... вьляшь деяти, а ты чьрьсо силу деяшь. Ажь бы ты добромь[1166] жила братом...[1167] Поживи жь съ Гурьгьмь жь со Лукою. А возывахо тя сьстрою ньвестокою.[1168]

От Братяте къ Нежилу. Поиди, сыну,[1169] домовь — свободне еси. Паки ли не идеши, а послу на тя ябьтьникъ. Я заплатиль 20 гривьнъ, а ты свободнь.

От Местять ко Гавошь и ко Содиль. Попытаита ми коня. А Местята ся вама покланя. Аже ва цьто надобь, а солита ко монь, а грамоту водаита. А у Павла скота попросита. А Мьстя...

От Павъла из Ростова къ Братонежъку. Аже то лодия присълана кыяниня, обести ю кънязу, дати не буде присловъя ни тобе, ни Павълови.

От Говеновое ко Нежьньцю. Дае 6 десято[1170] куно лодиеную. Поведало Говено, ида на судо,[1171] а попъ пьсалъ. А дае Луце. Оли не водаси, то я у конязя, поема отроко, прижь[1172] приедю[1173] — а во боле ти вонидь.

Покланяние ото[1174] Душиль ко Нясть. Шьль ти есьмъ Кучькъву.[1175] Ажь ти хътя жьдати али[1176] ти нь хътя жьдати,[1177] а у Фьдокь, обруць ее водадя, а свое възьму.

От Савы покланянее къ братьи и дружине. Оставили мя были людье; да остать дани исправити было имъ досени, а по первому пути послати и отъбыти проче. И заславъ, Захарья въ вере уроклъ: «Не даите Саве ни одиного песця хотя на нихъ емати. Самъ въ томь». А въ томь ми ся не исправилъ въ борзе, ни къ вамъ, ни ту ти былъ. А въ томь есмь осталъ. По томь пришли смерди, от Аньдрея мужь прияли, и дане отъяли людье. И осьмь высягла, что о Тудоре. Порозумеите, братье, ему, даче что въ то ему състане тягота тамъ и съ дружиною егъ.

А селечяномъ своимъ[1178] кънязь самъ отъ Волоку и отъ Мъсте учястоке водале. Аче ли ти, братье, вины людье на мя не ищуть, а доведока буде, то же нынеца радъ быхъ послале грамоту.

От Сьмъка къ Кулотъке. Оже то еси казале Несъде веверичь тихъ деля, коли то еси приходиле въ Русь[1179] съ Лазъвкъмъ, тъгъдъ възяле у мене Лазъвке Переяславьле.

Отъ Судише къ Нажиру. Се Жядъке пославъ ябетника дова, и пограбила мя въ братни долгь. А я не поруцене Жядку. А възборони ему, оти не после на мя опаса... Еду в...

... три гривьнь нь отопусти.[1180] Или нь вода, а вьди ко старость ко Якуну.

От Якима и от Сьмьюна къ Дъмитру. Въдаи паробъку сему конь полубуивъ[1181] же шизыи и, сътворя добре,[1182] помоги ему поправити — любо и до Коростомля.

От Куземе ко Цереню. Водае паробоку моему 7 на десяте гривено, а не удережи, посоли семо. А со берековеско[1183] соли посоли семо. А ци цето ти товара надобе, а то восолю.

Покланяние от игумение къ Офросение. Присли привитъку и повои. Ци ти многи повои, а присли и до 5-ти повои. А я нугене пецалуюся[1184] цереницами: постригати въ борозе. Тому даи попытаи, есте ли Матфей у манастыри.

Покланяние от Харитание ко Съфии. Ежь то ти есьмь посълала[1185] 3 резане Михальви на повои, да же ти въдаль. Да молю ти ся, госъпоже ка моя, да посълъ[1186] во борожь и рыбиць выдаль ти. И целую тя.

Покланяние[1187] от Пелаге ка Алфимие. Сь святее дьля Варъваре вьверице твое въ городь от Домацка; а у Жирослава суть. А потоснися въ городъ. А святье Варъварь тьлиця сторова ли?