Том 5 (XIII век, литература трагического века)

Тогда глагола ему внукъ его Борисъ, князь ростовский, с плачемъ многимъ: «Господине отче, поклонися!» Тако же и бояре глаголаху: «Вси за тя приимемъ опитемью[238] со всею властию своею». Тогда глагола имъ Михаилъ: «Не хощю токмо именемь христьянъ зватися, а дела поганых творити». Егда же глаголаше к нимъ Михаилъ, Феодоръ глаголаше в собе: «Еда како ослабееть Михаилъ молениемь сихъ, помянувъ женьскую любовь и детей ласкание, и послушаеть сихъ». Тогда, помянувъ Феодоръ слово отца своего, и рече: «Михаиле, помниши ли слово отца наю, иже учаше насъ от святаго Еуангелиа? Рече Господь: “Иже хощеть душю свою спасти, погубить ю, а иже погубить душу свою мене ради, то спасеть ю”. И паки рече: “Кая полза человеку, аще и всего мира царство прииметь, а душю свою погубить? И что дасть человекъ измену на души своей? Иже постыдиться мене и словесъ моихъ в роде семь исповесть мя пред человеки, исповемь и и азъ пред Отцемь моимь, иже есть на небесехъ. Аще ли кто отвержеться мене пред человеки, отвергуся и азъ его пред Отцемь моимь небеснымъ”».

Се же глаголющю Феодору къ Михаилови, они же начаша прилежно молити и, глаголюще да послушаеть ихъ. Михаилъ же глаголаше к ним: «Не слушаю васъ, ни души своея погублю». Тогда Михаилъ соима коць свой и верже к нимъ, глаголя: «Приимете славу света сего, ея же вы хощете!» Слышав же се Елдега, яко сии не увещаша его, тогда еха о цесареви и поведа ему, еже рече Михаилъ.

Бяше же на месте томь множство христьянъ и поганыхъ, и слышала, еже отвеща Михаилъ ко цесареви. Тогда Михаилъ и Феодоръ почаста пети собе, и по отпетии взяста причастие, еже има далъ бе отець ею. И се глаголаху предстоящеи: «Михаиле, се убийци едутъ от цесаря убиватъ ваю, поклонитася и жива будета!» Михаилъ же и Феодоръ, яко единеми усты, отвещаста: «Не кланяевеся, а васъ не слушаеве славы ради света сего». И почаста пети: «Мученици твои, Господи, не отвергошася тобе, и паки страдавше тобе ради, Христе» и прочая.

Тогда убийци приехаша, скочиша с конь и, яша Михаила и растягоша за руце, почаша бити руками по сердцю. По семь повергоша его ниць на землю и бияхуть и´ пятами. Сему же надолзе бывшю. Некто, бывъ преже христьянъ и последи же отвержеся веры христьянския и бысть поганъ законопреступник, именемъ Доманъ, сий, отреза главу святому мученику Михаилу и отверже ю проч. Потомъ глаголаша Феодорови: «Ты поклонися богомь нашимъ и приимеши все княжение князя своего». И глагола имъ Феодоръ: «Княжения не хочю, а богомь вашимъ не кланяюся, но хощю пострадати за Христа, яко же и князь мой!» Тогда начаша Феодора мучити, яко же и преже Михаила, после же честную его главу урезаша.

И тако, благодаряще Бога, пострадаша и предаша святеи свои души в руце Божии, новосвятая мученика. Святеи же телеси ею повержене бысте псомъ на снедь. На многи же дни лежащимъ, Божиею благодатию сблюдене бысте неврежене.

Человеколюбець же Господь милосердый Богъ нашь, прославляя святыя своя угодники, пострадавшая за нь и за православную веру, столпъ огненъ от земля до небесе явися над телесема ею, сияющь пресветлыми лучами на утвержение христьяномъ, а на обличение темъ, иже оставиша Бога и покланяются твари, и на устрашение поганым. Святеи же и честнеи телеси ею некими христьяны богобоязнивыми схранене бысте.

Бысть же убиение ею в лето 6753, месяца септября, въ 20 день. Ею же молитвами достойнии будемъ вси обрести милость и отпущение греховъ от Господа Исуса Христа в нынешний векъ и в будущий, славяще вкупе Отца и Сына и Святаго Духа, ныне и присно и в веки векомъ. Аминь.

ПЕРЕВОД

СЛОВО О НОВОСВЯТЫХ МУЧЕНИКАХ, МИХАИЛЕ, КНЯЗЕ РУССКОМ, И ФЕОДОРЕ, ПЕРВОМ ВОЕВОДЕ В КНЯЖЕСТВЕ ЕГО. СЛОЖЕНО ВКРАТЦЕ НА ПОХВАЛУ ЭТИМ СВЯТЫМ ОТЦОМ АНДРЕЕМ

В год 6746 (1238), по гневу Божиему за умножение грехов наших, было нашествие поганых татар на землю христианскую. Тогда одни затворились в городах своих, другие убежали в дальние земли, а иные спрятались в пещерах и расселинах земных. Михаил же бежал в Венгрию. Те, кто затворился в городах, каялись в своих грехах и со слезами молились Богу, и были они погаными безжалостно перебиты, из тех же, кто скрывался в горах, и в пещерах, и в расселинах, и в лесах, мало кто уцелел. И этих через некоторое время татары расселили по городам, переписали их всех и начали с них дань брать.

Услышав об этом, те, кто разбежался по чужим землям, возвратились снова в земли свои, кто остался в живых, князья и иные люди. И начали татары насильно призывать их, говоря: «Не годится жить на земле хана и Батыя, не поклонившись им». И многие приезжали на поклон к хану и Батыю.