Великая Отечественная война советского народа (в контексте Второй мировой войны)

4. Старостам и комендантам доложить об исполнении приказа партизанской бригады по вопросу строительства бань, дизенфекционных камер и проведению профилактических мероприятий по борьбе с сыпным тифом и другими заразными болезнями.

Этот приказ довести до ведома населения.

Комбриг Домбовский К. М.

Комиссар Лин Р. Л.

Нач. штаба Гончаров П. Г.

НАРБ, ф. 4126, оп. 1, д. 4, л. 36.

3. ТЭЛЕГРАМА ПРАДСТАЎНІКОЎ БЕЛАРУСКАЙ ЭМІГРАЦЫІ КАМАНДУЮЧЫМ 1-М УКРАІНСКІМ І БЕЛАРУСКІМІ ФРАНТАМІ ГЕНЕРАЛУ АРМІІ М. Ф. ВАТУЦІНУ І ГЕНЕРАЛУ АРМІІ К. К. РАКАСОЎСКАМУ

Манрэаль. 10 лютага 1944 г. Генералам Ватуціну і Ракасоўскаму. Масква

На масавым мітынгу федэрацыі рускіх канадцаў у Манрэалі, які адбыўся 23 студзеня, мы прынялі пад увагу цяжкасці вашага наступлення на нашу дарагую Заходнюю Беларусь і Украіну і ачышчэнне іх ад гітлераўскай чумы. З дня ўварвання Гітлера ў дарагую нам айчыну мы, рускія канадцы, у Манрэалі сабралі каля 40 000 долараў грошамі і на 10 000 долараў адзення.

Мы захапляемся дасягненнямі гераічнай Чырвонай Арміі, якая пад бліскучым камандаваннем генералаў Ватуціна і Ракасоўскага ўступіла на тэрыторыю Беларусі і Украіны і паспяхова ачышчае яе ад нямецкіх бандытаў.

Мы цвёрда вырашылі падвоіць нашы намаганні ў будучым, каб дапамагчы нашай айчыне.

Смерць нямецкім садыстам! Няхай жыве вызваленне Заходняй Беларусі і Украіны!

Федэрацыя рускіх канадцаў.

1221. Вул. Сэнт-Лаўрэнс, Манрэаль, Квебек.

Канада. Омелан. Аб’яднанае Каралеўства

ЦАМО РФ, ф. 233, оп. 2374, д. 252, л. 124.

4. ПАСТАНОВА ВАЕННАГА САВЕТА 1-ГА БЕЛАРУСКАГА ФРОНТУ «АБ МЕРАХ ДАПАМОГІ З БОКУ ФРОНТУ Ў АДНАЎЛЕННІ НАРОДНАЙ ГАСПАДАРКІ БЕЛАРУСКАЙ РЭСПУБЛІКІ»

25 лютага 1944 г.

Цяпер, у 1944 г., калі кожны дзень вызваляюцца ад нямецкіх захопнікаў усё новыя і новыя разбураныя раёны Беларусі, на ўсю шыр паўстае задача быстрага і ўсебаковага аднаўлення народнай гаспадаркі.

Асабліва важна не ўпусціць вясенні перыяд, калі кожны дадатковы гектар засеянай зямлі павялічвае харчовыя рэсурсы краіны і ўмацоўвае калгасы.

На долю Беларусі выпаў цяжар з самага пачатку вайны трапіць пад прыгнёт германскага фашызму. Здзекі немцаў над беларусамі бяспрыкладныя ў гісторыі. Усё, што стварыў беларускі народ за 25 гадоў савецкай улады, знішчалася, спальвалася і рабавалася нямецкімі варварамі. …

Але ніякая сіла не здолела зламіць волю беларускага народа да аднаўлення свайго свабоднага шчаслівага жыцця, якое бурна расквітнела за гады савецкай улады. Да рашэння задачы па аднаўленню народнай гаспадаркі ў агульным і правядзенню вясенняй сяўбы ў прыватнасці войскі 1-га беларускага фронту не могуць аднесціся абыякава.

Мы маем для гэтага разнастайныя формы і крыніцы. Гэтыя формы і крыніцы ставіць само жыццё. Важна, што кіруючыя генералы, афіцэры, уся маса сержантаў і салдат поўнасцю і правільна разумеюць веліч гэтай задачы і пранікліся разуменнем неабходнасці зрабіць усё магчымае для загойвання глыбокіх ран, якія нанесла вайна народнай гаспадарцы.

У мэтах аказання ўсебаковай дапамогі беларускаму народу па аднаўленню гаспадаркі Ваенны савет 1-га Беларускага фронту.

Пастанаўляе:

1. Па лініі санітарнага ўпраўлення:

а) Выдзеліць 5 эвакашпіталяў для арганізацыі 5 бальніц. Укамплектаваць 5 бальніц і 5 аптэк маёмасцю і хірургічным інструментам;

б) Абсталяваць адзін стацыянарны рэнтгенаўскі кабінет, тры клінічныя лабараторыі, адну сан. гігіенічную лабараторыю, адзін зубаўрачэбны кабінет і адну зубапратэзную лабараторыю.

…

3. Па лініі аўтамабільнага ўпраўлення:

а) Перадаць СНК Беларусі для народнай гаспадаркі 50 грузавых аўтамашын айчынных марак, якія патрабуюць капітальнага рамонту, і адрамантаваць іх звыш плана, а таксама 50 аўтамашын інамарак, якія патрабуюць капітальнага рамонту, акрамя таго, з капітальнага рамонту перадаць 2 «Вілісы»;

…

в) Падрыхтаваць для МТС і калгасаў 100 вадзіцеляў з мясцовага насельніцтва. …

6. Па лініі дарожнага ўпраўлення:

а) Аднавіць разбураных мастоў 300 пагонных метраў. Аднавіць разбураныя будынкі ў 3-х МТС і разбураныя пабудовы ў 5-і калгасах, пабудаваць 10 лазняў;

б) Аказаць тэхнічную дапамогу па рамонту с/г інвентару ў 5-ці калгасах, мед. дапамогу (праз свае медпункты) у 50 населеных пунктах, ветдапамогу калгасам у 100 населеных пунктах;

в) Выдзеліць на вясенне-пасяўныя работы ў калгасах 20 трактараў.

…