Великий князь Владимир Мономах

«Царское место», шатровый деревянный престол перед иконостасом Успенского собора Московского Кремля, был установлен в 1551 году для первого русского царя Ивана Грозного. Его украшают великолепные рельефы, иллюстрирующие историю передачи царских регалий византийским императором Константином Мономахом русскому князю Владимиру Всеволодовичу Мономаху, из-за чего «Царское место» называют ещё «Мономаховым троном». На фризе и дверцах трона вырезан текст, основная часть которого представляет собой особый вариант так называемого «Поставления великих князей русских» — памятника, входящего в цикл сочинений о «Мономаховых дарах». Начальная же часть надписи не находит соответствия в памятниках «Мономахова цикла», но представляет собой мозаику из библейских цитат.

***

Надпись на фризе:

Рече Господь: «Азъ избрах тя царя, взях тя за десницу твою и устрои тебе обладати людми моими во вся дни живота твоего. Аще ходиши по заповедем Моим и твориши волю Мою, дам тебе сердце смыслено и мудрость и будеши, яко не бы(сть) тако ни един в царех преже тебе и по тебе не будет, и аще твориши суд и правду посреди земля, и слышиши воздыхание и слезы сущих в скорбех, и милость и управление твориши имъ, вскоре умножю лет живота твоего, и дамъ тобе одоление на враги, и дам тобе на земли на умножение плодовъ земных, и возставлю семя твое, и устрою царство ваше и престол вашь до века, и буду вам во отца, и вы будете Ми в сыны. К сим же, еже и не просиши у Мене, дам ти славу и богатство, и покорят ти языци. Аще приидет неправда ваша, накажу вас, милости Моея не отиму от васъ».

Надпись на левой дверце:

В лето 6496[692], а от великаго и блаженнаго князя Володимира четвертое колено правнука его, князь великии Владимиръ Всеволодичь Манамахъ, той убо царь и Манамах прозвася от таковыа вины. Егда на великомъ княжении седе в Киеве, съвет творяше съ князьми своими, и боляры, и велможами, глаголя: «Егда азъ есмъ юнеишии прежде мене державствовавшихъ и хоругви правящыхъ скипетра великиа Росия, яко же великии князь Олегъ ходилъ и взялъ съ Цариграда велию дань на вся воя своя, и здравъ възвратися восвоаси, и потомъ князь великии Всеславъ Игоревичь[693] ходилъ и взялъ на Констянтине граде тяжчаишую дань, а мы есмы Божиею милостию настолницы прародителеи своих и отца моего великого князя Всеволода Ярославича и наследницы тоя же чести от Бога сподоблени. Ныне убо съвета ищу о(т) васъ, моеа полаты князей, и боляръ, и воеводъ, и всего над вами христолюбиваго воиньства. Да превознесется имя Святыя и Живоначялныя Троицы вашеа храбрости могутствомъ Божиею волею с нашимъ повелениемъ». Отвещаста же великому князю Владимиру Всеволодичю князи, и боляре, и воеводы его, решя: «Сердце царево в руце Божии, яко же писано есть, а мы есмы в твоеи воли, господаря нашего по Бозе». Великии князь Владимиръ собирает воеводы благоискусныа и многоразумныа и поставляет чиноначялникы над различными воиньствы — тысущникы, и сотникы, и пятдесятникы над различными борениа, и съвокупи многиа тысущя воиньства, и отпусти их Фракию Царяграда области, и пленишя ихъ доволно, и возвратишася съ многымъ богатствомъ во мнозе здравии во свояси.

Надпись на правой дверце:

Тогда во Цариграде благочестивыи царь Констянтинъ Манамахъ, и в то время брань имеа с персы и с латыною, и съставляет съвет мудрый царьскии, и отряжаеть послы своя к великому князю Владимиру Всеволодичю в Киевъ: Неофита митрополита от Асиа ефескаго и с нимъ два епископа, мелетиньска и митулиньска, и стратига антиохиискаго, игумена[694] иерусалимъскаго Иеустафиа, и инехъ своих благородных. И от своеа выя приемлет животворящии крестъ от самого Животворящаго Древа, на нем же распятся Владыка Христос, снемлет же от главы своеа венецъ царьскии и поставляет его на блюде злате, и повелевает же принести крабиицу сердоликову, из нея же Августиа, кесарь римъскии, веселяшеся, и ожерелие, сиречь святыа бармы, иже на плещу своею ношаше, и чепь от злата аравиииска исковану, и ины многы дары царьскиа. Предаде их Неофиту митрополиту со епископы и своим благородным рядником и посла ихъ къ великому князю Владимиру Всеволодичу вь Киевъ, моля его и глаголя: «Приими от нас, о боголюбивыи благоверный княже, сиа честныа дарове, от начятка вечных лет твоего благородна и поколениа царьскии жребии на славу и честь и на венчяние твоего волнаго и самодержавнаго царствиа, имъже начнут тя молити нашы послове, и мы от твоего благородиа просим мира и любве, да церкви Божиа без мятежа будет, а все православие в покои пребудет под сущею властию нашего царствиа и твоего волнаго самодержаства великиа Росиа, да нарицаешися отселе боговенчанны царь, венчан сим царьскым венцем рукою святеишаго митрополита Киръ Неофита и со епископы». И от того времени князь Владимир Всеволодичь наречеся Манамах и царь великиа Росиа и пребысть с царем Констянтином прочее время в миру и любви. И оттоле и доныне тем венцем царьским венчаются велицыи князи Владимерстии.