Загадки поля Куликова

«Въ лъто 6890. Того же лета поиде царь Тахтамышъ на великого князя Дмитреа, а Олегь Рязанскый указа ему броды на Оце; то слышавъ князь великiй побежа на Кострому, а царь 1-е Серпуховъ сожже, и поиде къ Москве; людiе сташа вечемъ, митрополита и великую княгиню ограбиша, и одва вонъ изъ града пустиша. И прiиха на Москву князь Остей Литовскый, внукъ Ольердовъ, окрепи люди, затворися въ град(е); а на третiй день оже идетъ ис поля рать Татарскаа, и сташа близъ града, акы 2 перестрела, и рекоша: „есть ли Дмитрей въ граде?“ и изъ града рекоша: „нетъ“. И начаша пiаници ругатися, кажуще имъ срамы своа, мняхуть бо толко силы есть; они же на градъ саблями махаху. И того дни кь вечеру тiи полци отступили; и шедъ взяша Володимеръ и Суздаль, а инiи Переяславль. Месяца августа 20 день царь прiде къ Москве съ бесчисленными вои, и видевше со града убояшася зело; и скоро такы поидоша къ граду, и стрелы пустиша, зрети не дадуще много на градъ, отъ стрелъ падааху; а иншi по лесницамъ на градъ хочеша лезты, и льяхуть на нихъ воду, въ котлехъ на граде варячи, и Татарове въ вечернюю годину отъ града отступiша. Царь же стоа 3 дни, а на 4-й день обльга Остеа; въ полъобеда прiихаша Татарове ко граду, съ ними два князя Нижняго Новагорода, Василей да Семень Дмитрееви дети Костантиновича; Татарове глаголють: „царь своего холопа показнити Дмитреа, ныне убъгль; и царъ вамъ повестуеть: азъ не пришелъ улуса своего истеряти, но соблюсти, а градъ отворите, азъ вась хощу жаловати“ а князи глаголаху: „мы вамъ кресть целуемъ; царь хочетъ жаловати“. Князь Остей выиде изъ града съ многыми дари, а священическiй чинъ со кресты; и въ томъ часе подъ градомъ убиша Остеа, а честныя иконы на земли легоша одраны. И поидоша секучи въ градъ, а инiи по лествицамъ на градъ; а гражане сами градъ зажгоша, и бысть ветрь силенъ, и бе огнь на градъ и мечь; и бысть взятъ градъ августа 26 ден, при часе 8 дню. Си вся учинися грехъ ради нашихъ; и бысть въскоре все прахъ, а въ пленъ поведоша акы скоть. И хотеша ити ко Твери, и посла князъ великiй Михайло Гурленя; они же изымавь биша, и поставиша Гурлена предъ царемъ, и царь повеле грабежъ изыскати, и отпусти его съ жалованемъ къ великому князю Михаилу, съ ярлыкы. И поиде царь отъ Москвы, а князь великiй Дмитрей поиха на Москву, и виде изгыбель нача плачь великъ и горко стогнанiе; а Кыпрiанъ митрополитъ прiихалъ въ Тверь изъ Новагорода Великого, и оттоле в Москву»^{310}.