Заговоры и молитвы для привлечения денег

...

Молитву любого вида можно произносить и своими словами, если они идут от сердца. Важно при этом обратить взгляд на образ или мысленно представить себя перед Богом или святыми.

«О великий Христов угодниче, святый человече Божий Алексие, душею на небеси престолу Господню предстояй, на земли же данною тебе свыше благодатию различная совершаяй чудеса! Призри милостивно на предстоящия святей иконе твоей людие (имена) , умиленно молящиеся и просящия от тебе помощи и заступления. Простри молитвенно ко Господу Богу честнии руце твои и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же чтущим тя мирную и христианскую живота кончину и добрый ответ на страшнем суде Христове. Ей, угодниче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да твоими молитвами получивше благодать и милость от Господа, прославим человеколюбие Отца, и Сына, и Святаго Духа, в Троице славимаго и покланяемаго Бога, и твое святое заступление, ныне и присно и во веки веков. Аминь».

Молитва и тропарь преподобному Иосифу Волоцкому

Святой Иосиф Волоцкий – покровитель предпринимательства и хозяйствования в православии. Жизнь святого захватывает XV–XVI века. Им был основан Иосифо-Волоколамский монастырь, который почти сразу стал экономически процветать. Преподобный считал, что церковь должна умножать свои материальные ценности, чтобы использовать их во благо. Приведенная молитва взята из акафиста святому, однако в церковной практике она читается также отдельно от него. Тропарь читают перед иконой, посвященной святому, дополняя его молитвой и кондаком. К Иосифу Волоцкому обращаются с просьбами об улучшении материального положения, о процветании в бизнесе и защите от нужды.

Молитва «О великий наставниче, ревнителю и учителю Православныя веры, святе премудре Иосифе! Приими моление, от нас, грешных, к тебе приносимое, и теплым предстательством умоли в Троице славимаго Бога, да ниспослет Он богатыя Своя милости нам, грешным: да утвердит во Святей Своей Православней Церкви правую веру и благочестие: пастырем ея да подаст святую ревность о спасении словеснаго стада, яко да верующих соблюдут, неверующих же и отпадших от истинныя веры вразумят и обратят. Всем же нам испроси вся благопотребная во временном сем житии и полезная к вечному спасению нашему. Помяни стадо свое, еже собрал еси, не забуди посещати чад своих и, яко чадолюбивый отец, не презри, ниже отрини моления наша, но воздежи руце свои молитвенней ко Господу Богу, да отложит праведный гнев Свой движимый на ны и избавит нас от враг видимых и невидимых, от глада, потопа, меча, смертоносныя язвы, нашествия иноплеменных и междоусобныя брани. Ей, премилосердый заступниче наш, преславный чудотворче, всех нас управи в мире и покаянии скончати живот наш и преселитися со упованием в блаженная недра Авраамова, идеже непрестанно славословится всепетое имя Отца, и Сына, и Святаго Духа. Аминь».

Тропарь

«Яко постников удобрение и отцев красоту, милости подателя, разсуждения светильника, вси вернии, сошедшеся, восхвалим кротости учителя и ересей посрамителя, премудраго Иосифа, российскую звезду, молящася Господу помиловатися душам нашим».

Молитва пред иконой Иосифа Волоцкого

«О преблаженне и приснославне отче наш Иосифе! Ведуще твое велие к Богу дерзновение и к твоему твердому заступлению прибегающе, в сокрушении сердца молим тя: озари нас светом дарованныя тебе благодати и молитвами твоими помози нам бурное море жития сего преити безмятежно и пристанища спасения неблазненно достигнути: порабощени бо суще суетными, и грехолюбиви, и немощни еже от обышедших нас зол возникнути, к кому прибегнем, аще не к тебе, явившему неоскудеваемое богатство милости в земнем житии твоем? Веруем же, яко и по отшествии твоем множайшее стяжал еси дарование милосердовати бедствующим. Тем же убо, припадающе ныне к цельбоносней иконе твоей, умиленно просим тя, святче Божий: сам искушен быв, помози и нам, искушаемым; постом и бдением поправый силу демонскую, и нас от нападений вражиих защити; препитавый гладом погибающих, и нам испроси у Господа изобилие плодов земных и вся яже ко спасению потребная; посрамивый еретическая мудрования, Церковь Святую от ересей и расколов, и смущений молитвами твоими огради: да тожде мудрствуем вси, единем сердцем славяще Святую, Единосущную, Животворящую и Нераздельную Троицу, Отца и Сына и Святаго Духа, во вся веки. Аминь».