Злодеяния нечистой силы

О преподобие и богоносне отче наш Макарие! Тепле веруем, яко ты, Престолу Пресвятыя Троицы предстоя, велие имаши дерзновение в молитвах ко Всемилостивому Господу Богу, иже тебе, вернаго раба и угодника Своего, всегда послушает. Сего ради со умилением смиренно припадаем к тебе, святче Божий, и молимся усердно: не премолчи за нас ко Господу Богу, в Троице покланяемому и славимому, молитися, да милостивно на ны призрев, не попустит нам во гресех наших погибнути, но да подаст исправление злому и окаянному нашему житию, от грядущих грехопадений восхищая и да простит нам вся, елико согрепшхом мыслию, словом и делом, от рождения нашего до сего часа.

Веси бо, отче наш Макарие, немощь естества нашего, и тяжесть и скорбь времен настоящих: моли убо непрестанно Господа Бога, да николиже неизреченное Его милосердие нас отсавит, но да хранит нас от мирских искушений, от диавольских сетей и от плотских похотей, да приимем с тобою от Господа Бога вся потребная к жизни временней, от бед и напастей ослабу и терпение, доброе до конца жития нашего. Испроси нам у Господа Бога в мире и покаянии скончати жизнь нашу и невозбранно прейти от земли на небо, от мытарств же и бесов воздушных и вечныя муки избавитися, и сподобитися Царствия небеснаго с тобою и совсеми святыми, угодившими Господу Богу и Спасителю нашему с тобою Христу, Ему же подобает всякая слава, честь и поклонение, со Безначальным Его Отцем и с Пресвятым и Благим и животворящим Его Духом, ныне и присно и во веки веков. Аминь.

Молитва преподобному Иосифу Волоцкому от нашествия иноверых

О, преблаженне и преславне отче наш Иосифе! Ведуще твое великое к Богу дерзновение и ко твоему твредому заступлению прибегающе, в сокрушении сердца молим тя озари нас светом дарованныя тебе благодати и молитвами твоими помози нам бурное море жития сего безмятежно прейти и пристанища.