Знахарь. Тайны женской силы

Господи Иисусе Христе, хотяй всем человеком спастися, услыши молитву мою, молитвами святых апостол Твоих, яко тии молятся за ны, молением их спаси мя, грешнаго, и рабов Божиих (имена), исцели болезни сердца моего, уврачуй струпы души моея, покрый мя и раб Твоих (имена) благодатию Твоего человеколюбия от всякого зла, да Тобою храним, избавлюся от многих сетей лукаваго. Спаси мя и раб Твоих (имена) по милости Твоей, да прославлю пресвятое имя Твое со Отцем и Святым Духом, ныне, и присно, и во веки веков.

* * *

Господи Иисусе Христе, Спасителю наш! Пред иконою Твоею припадающе, всеусердно молим Тя: помилуй и спаси нас, недостойных раб Твоих (имена), от внезапныя смерти и человеческого оклеветания; и от всякаго зла защити и помилуй нас, Господи. Яко Ты еси Бог наш, да не погубиши нас во веки веков.

Молитвы ко Пресвятой Богородице

О Пресвятая Госпоже Владычице Богородице! Воздвигни нас, рабов Божиих (имена), из глубины греховныя и избави нас от внезапныя смерти и от всякаго зла. Подаждь, Госпоже, нам мир и здравие и просвети наш ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна со Отцем и Пресвятым Его Духом.

* * *

Пресвятая Дево, Мати Господа, покажи на мне, убозем, и рабех твоих (имена) древние милости Твоя: низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Милостива мне буди зде и на Страшном Суде. Ты бо еси, Госпоже, слава небесных и упование земных. Аминь.

* * *

О Пресвятая Госпоже, Владычице Богородице! Призри с высоты святыя Твоея на нас, рабех Твоих (имена), и помози нам немощным, утоли скорби наша, настави на путь правый; уврачуй болезненные сердца наша, даруй нам прочее время жития нашего в мире и покаянии проводити; подаждь христианскую кончину и на Страшном Суде Сына

Твоего явися нам милосердая предстательница, да всегда славим Тя со всеми угодившими Богу во веки веков.

* * *

О Пресвятая Госпоже, Владычице Богородице! Приими недостойную молитву нашу и сохрани нас, рабов Божиих (имена), от навета злых человек и от внезапныя смерти и даруй нам прежде конца покаяние. На моление наше умилосердися и радость вместо печали даруй. И избави нас, Госпоже, от всякия беды и напасти, скорби и болезни и от всякаго зла. И сподоби ны, грешныя рабы Твоя, одесную стати во втором пришествии Сына Твоего, Христа Бога нашего, и наследники быти Царствия Небеснаго и жизни вечныя со всеми Святыми в безконечныя веки веков.

* * *

О Царице Богородице, Христа Бога нашего Мати! Услыши ны и избави нас, рабов Божиих (имена), от всякия скорби и печали, огради от всякия напасти и злых клевет и от неправеднаго и лютаго навета вражия. Можеши бо, о Благодатная Мати Божия, не точию от всякаго зла сохранити люди Твоя, но и всяким благодеянием снабдити их и спасти: разве Тебе, иныя Ходатаицы о нас грешных, не имамы к Сыну Твоему, Егоже умоли, Владычице, да спасеннии Тобою, славим Сына Твоего и Бога нашего, купно со Отцем и Святым Духом, ныне и в безконечныя веки.

* * *

О, Пресвятая Дево Матерь Божия Господа Всевышняго, заступница и покровительница всех, к Тебе прибегающих, призри с высоты Небесного величия на нас, притекающих к подножию Твоему; услыши нас, грешных и недостойных раб Твоих. Услышь сию молитву и принеси ее пред Возлюбленным Сыном Твоим. Умоли Его, да озарит Он мрачныя души наша светом Божественныя благодати Своея; да избавит ны от всякия нужды, печали и скорби; да ниспослет нам здравие, душевное спокойствие; да успокоит страждующие наша сердца; да исцелит их раны; вразумит нас на добрые дела; очистит ум наш от помышлений суетных; наставит нас к исполнению заповедей Своих; соединит друг к другу истинною любовью; избавит нас от вечные муки и не лишит нас Небеснаго Своего царствия и вечныя нескончаемыя радости.

О, Преблагословенная Богородице Дево!

Ты, именуемая «Всех скорбящих радость», – утешь и нас, скорбных.

Ты, названная «Утоли моя печали», – утоли наши печали.

Ты, «Неопалимая Купина», – сохрани мир и всех нас от вредных стрел врага.

Ты, именуемая «Взыскание погибших», – не допусти нам погибнуть в бездне грехов наших.

Ты, «Споручница грешных» на страшном судище Сына Твоего поручись за нас, грешных.

Ты, именуемая «Одигитрия», – покрой нас светлою ризою от всякия напасти, внезапныя смерти, защити нас от злой клеветы человеческой.

Ты, «Крестница Дивная», – отверзи нам двери Божия Милосердия и врата светлаго рая.

Ты, «Цвете неувядаемый», обнови наша сердца плодами любви и милосердия.

Ты, именуемая «Покровская Божия Мати», – покрой нас от всякого зла честным твоим омофором.

Ты, именуемая «Казанская Божия Мати», – избави нас от гнетущих скорбей.

Ты, именуемая «Нечаянная радость», – обрадовавшая грешнаго, беззаконнаго человека, прибегшаго к покаянию о помиловании.

Ты, именуемая «Скоропослушница», – скоро услыши моления наша.

Ты, именуемая «Владимирская Божия Мати», – избави страну нашу от нашествия врагов и иноплеменных.

Ты, именуемая «Тихвинская Божия Мати», – избави от напрасныя наглыя смерти, от злых человек.