100 молитв на быструю помощь. Самые сильные молитвы на исцеление

Преподобный Роман жил в V в. в окрестностях Антиохии. Святой вел жизнь праведную и благочестивую, в посте и молитве, и был награжден Господом даром чудотворений, целительства и прозорливости. По его молитвам особую помощь получали супруги, страдавшие от бесплодия.

Роман был строгим постником, под власяницей носил тяжелые вериги. Много лет прожил святой в затворе, не разжигая огня.

Молитва

О священная главо, преподобне отче, преблаженне авво Романе, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих. Mоли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу и не презри нас, верою и любовию чтущих тя: поминай нас недостойных у Престола Вседержителева и не престай молитися о нас ко Христу Богу, ибо дана тебе бысть благодать за ны молитися.

Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со Безплотными лики, с Небесными Силами, у Престола Вседержителева предстояши, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Преподобномученице Евдокие

Мученице Евдокие молятся для избавления от бесплодия.

День памяти 1/14 марта

Святая Евдокия жила во II в. в Финикии и вела греховную жизнь язычницы. Однако после встречи со старцем Германом Евдокия раскаялась в своих грехах, приняла Святое Крещение, раздала свое богатство неимущим и удалилась в святую обитель.

Во времена правления жестокого гонителя христиан правителя Викентия святая Евдокия приняла мученическую кончину.

Молитва

О всехвальная Христова преподобномученице Евдокие! Ты теплою любовию своею ко Христу Богу попрала еси козни вражия и обрела еси бесценный бисер Христа и достигла еси Царства Небеснаго, сего ради к тебе припадаю и умиленною душею и сокрушенным сердцем вопию ти, страстотерпице, аз недостойный: призри с высоты небесныя на мя, боримаго греховными искушеньми, виждь вопль мой: многими грехми и бедами на всяк день враг запинает мя, ища моея погибели. Славная и всехвальная ученице и исповеднице Христова Евдокие! Умоли возлюбившаго тя Христа Бога, да подаст ми оставление многих прегрешений, да укрепит мя благодатию Своею трезвенно и бодренно шествовати путем святых заповедей Его и вселитися во святыя блаженныя небесныя обители, идеже ты со всеми святыми выну радостно славословиши Единосущную Троицу: Отца и Сына и Всесвятаго Духа. Аминь.

Молитва супругов о даровании детей

Услыши нас, Милосердный и Всемогущий Боже, да молением нашим ниспослана будет благодать Твоя. Будь милостив, Господи, к молитве нашей, вспомни Закон Твой об умножении рода человеческаго и буди милостивым Покровителем, да Твоею помощию сохранится Тобою же установленное. Ты властною силою Твоею из ничего все сотворил и положил начало всего в мире существующего – сотворил и человека по образу Своему и высокою тайною освятил союз супружества и предуказание тайны единения Христа с Церковью. Призри, Милосердный, на рабов Твоих сих (имена), союзом супружеским соединенных и умоляющих о Твоей помощи, да будет на них милость Твоя, да будут плодовиты и да увидят они сына сынов своих даже до третьяго и четвертаго рода и до желаемой старости доживут и войдут в Царство Небесное через Господа нашего Иисуса Христа, Которому всякая слава, честь и поклонение подобает со Святым Духом вовеки.