Большой православный молитвослов и Псалтырь

Работайте Господеви со страхом⁴ и радуйтеся Ему с трепетом. Аллилуиа, аллилуиа, аллилуиа.

Блажени вси надеющиися Нань⁵. Аллилуиа, аллилуиа, аллилуиа.

Воскресни, Господи, спаси мя, Боже мой. Аллилуиа, аллилуиа, аллилуиа.

Господне есть спасение, и на людех Твоих благословение Твое. Аллилуиа, аллилуиа, аллилуиа.

Слава Отцу и Сыну и Святому Духу. Аллилуиа, аллилуиа, аллилуиа.

И ныне и присно и во веки веков. Аминь. Аллилуиа, аллилуиа, аллилуиа.

Аллилуиа, аллилуиа, аллилуиа, слава Тебе, Боже. (Трижды)

Ектения малая

Диакон: Паки и паки[20] миром Господу помолимся.

Хор: Господи, помилуй.

Заступи², спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга и весь живот наш Христу Богу предадим.

Хор: Тебе, Господи.

Иерей: Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно и во веки веков.

Хор: Аминь.

Господи, воззвах

1-й лик:[21] Господи, воззвах[22] к Тебе, услыши мя; услыши мя, Господи. Господи, воззвах к Тебе, услыши мя; вонми гласу моления моего, внегда[23] воззвати ми к Тебе. Услыши мя, Господи.

2-й лик: Да исправится молитва моя, яко кадило пред Тобою, воздеяние руку моею,[24] жертва вечерняя. Услыши мя, Господи.

Положи, Господи… (Пс. 140, 141)

На 10 стихов (стихир):[25] Изведи из темницы душу мою[26], исповедатися имени Твоему.

Мене ждут праведницы, дондеже воздаси мне.[27]

На 8: Из глубины воззвах к Тебе, Господи; Господи, услыши глас мой.

Да будут уши Твои внемлюще² гласу моления моего³.

На 6: Аще беззакония назриши⁴, Господи, Господи, кто постоит? Яко у Тебе очищение есть.

Имене ради Твоего потерпех⁵ Тя, Господи, потерпе душа моя в слово Твое, упова⁶ душа моя на Господа.

На 4: От стражи утренния до нощи⁷, от стражи утренния да уповает⁸ Израиль⁹ на Господа.

Яко у Господа милость, и многое у Него избавление, и Той избавит Израиля от всех беззаконий его.

Хвалите Господа, вси языцы¹⁰, похвалите Его, вси людие.

Яко утвердися милость Его на нас, и истина Господня пребывает во век.[28]

Слава Отцу и Сыну и Святому Духу.

И ныне и присно и во веки веков. Аминь.

Догматик или стихира[29]

Вход с кадилом

Диакон: Благослови, владыко, святый вход.

Иерей (благословляя): Благословен вход святых Твоих, всегда, ныне и присно и во веки веков.

Диакон: Премудрость, прости.[30]

Свете тихий

Хор: Свете тихий святыя славы Безсмертнаго Отца Небеснаго, Святаго Блаженнаго, Иисусе Христе! Пришедше на запад солнца,[31] видевше⁵ свет вечерний, поем Отца Сына и Святаго Духа Бога. Достоин еси во вся времена пет быти гласы преподобными,[32] Сыне Божий, живот даяй²; темже³ мир Тя славит⁴.

Диакон: Вонмем.⁵

Иерей: Мир всем.

Диакон: Премудрость. Прокимен, глас…

Прокимны дневные (вечерни) со стихами⁶ [33]

В субботу, глас 5:

Господь воцарися⁷,[34] в лепоту облечеся⁸.

Хор повторяет: Господь воцарися, в лепоту облечеся.

Стих 1: Облечеся Господь в силу и препоясася⁹.

Хор: Господь воцарися, в лепоту облечеся. (На каждый стих)

Стих 2: Ибо утверди вселенную, яже не подвижится.

Стих 3: Дому Твоему подобает святыня, Господи, в долготу дний¹⁰.

Диакон: Господь воцарися.

Хор: В лепоту облечеся.

В воскресенье, глас 8:

Се ныне благословите Господа, вси раби Господни.

Стих: Стоящии во храме Господни, во дворех дому Бога нашего.

В понедельник, глас 4:

Господь услышит мя, внегда воззвати ми[35] к Нему.

Стих: Внегда призвати ми, услыша мя Бог правды моея.

Во вторник, глас 1:

Милость Твоя, Господи, поженет мя² вся дни живота моего.

Стих: Господь пасет мя³, и ничтоже мя лишит⁴; на месте злачне^5, тамо⁶ всели⁷ мя.

В среду, глас 5:

Боже, во имя Твое спаси мя и в силе Твоей суди ми.

Стих: Боже, услыши молитву мою, внуши глаголы уст моих.

В четверг, глас 6:

Помощь моя от Господа, сотворшаго[36] небо и землю.

Стих: Возведох² очи мои в горы, отнюдуже³ приидет помощь моя.

В пятницу, глас 7:

Боже, Заступник мой еси Ты, и милость Твоя предварит мя⁴.

Стих: Изми⁵ мя от враг моих, Боже, и от востающих на мя избави мя.

Следуют паремии, если есть.

Ектения сугубая

Диакон: Рцем вси⁶ от всея души, и от всего помышления нашего рцем.

Хор: Господи, помилуй.

Диакон: Господи Вседержителю, Боже отец наших, молим Ти ся, услыши и помилуй.

Хор: Господи, помилуй.

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй; Господи, помилуй; Господи, помилуй (на каждое последующее прошение).

Диакон: Еще молимся о Великом Господине и Отце нашем Святейшем Патриархе Кирилле, и о господине нашем преосвященнейшем митрополите (или: архиепископе, или: епископе) (имя), и всей во Христе братии нашей.