Большой православный молитвослов и Псалтырь

Диакон: Еще молимся о Великом Господине и Отце нашем Святейшем Патриархе Кирилле и о господине нашем преосвященнейшем митрополите (или: архиепископе, или: епископе) (имя) (если в монастыре: и о архимандрите нашем, или: игумене нашем (имя)) и о всем во Христе братстве нашем и о всякой души христианстей, скорбящей же и озлобленней,[42] милости Божия и помощи требующей; о покровении² града сего и живущих в нем (или: веси сея и живущих в ней; или: святыя обители сея и живущих в ней); о мире и состоянии³ всего мира; о благостоянии⁴ святых Божиих Церквей; о спасении и помощи со тщанием⁵ и страхом Божиим⁶ труждающихся и служащих отец и братий наших; о оставльшихся⁷ и во отшествии сущих⁸; о исцелении в немощех лежащих⁹, о успении¹⁰, ослабе¹¹, блаженней памяти и оставлении грехов всех преждеотшедших[43] отец и братий наших, зде² лежащих³ и повсюду, православных; о избавлении⁴ плененных, и о братиях наших во службах сущих, и о всех служащих и служивших во святем храме сем (если в монастыре: во святей обители сей) рцем:

Хор: Господи, помилуй. (50 раз)

Диакон: Еще молимся, о еже сохранитися граду сему (или: веси сей), и святому храму сему (если в монастыре: святей обители сей), и всякому граду и стране от глада⁵, губительства⁶, труса⁷, потопа, огня, меча, нашествия иноплеменников и междоусобныя брани⁸; о еже милостиву и благоуветливу⁹ быти благому и человеколюбивому Богу нашему, отвратити всякий гнев, на ны движимый, и избавити ны от належащаго¹⁰ и праведнаго Своего прещения¹¹, и помиловати ны.

Хор: Господи, помилуй. (Трижды)

Диакон: Еще молимся, и о еже услышати Господу Богу глас моления нас, грешных, и помиловати нас.

Хор: Господи, помилуй. (Трижды)

Иерей: Услыши ны, Боже, Спасителю наш, упование всех концев земли и сущих[44] в мори далече; и милостив, милостив буди, Владыко, о гресех наших и помилуй ны.

Милостив бо и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Иерей: Мир всем.

Хор: И духови твоему.

Диакон: Главы наша Господеви приклоним.

Хор: Тебе, Господи.

Иерей: Владыко Многомилостиве, Господи Иисусе Христе Боже наш, молитвами Всепречистыя Владычицы нашея Богородицы и Приснодевы Марии; силою честнаго и животворящаго Креста; предстательствы честных Небесных Сил безплотных; честнаго славнаго Пророка, Предтечи и Крестителя Иоанна; святых славных и всехвальных апостол; святых славных и добропобедных мучеников, преподобных и богоносных отец наших, иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мирликийскаго, Чудотворца; святых равноапостольных Мефодия и Кирилла, учителей Словенских, святых равноапостольных великаго князя Владимира и великия княгини Ольги, иже во святых отец наших всея России чудотворцев, Михаила, Петра, Алексия, Ионы, Филиппа, Ермогена, Филарета, Иннокентия и Тихона; и святых праведных Богоотец Иоакима и Анны (и святого, которому посвящен храм и святого, память которого празднуется в этот день), и всех святых Твоих благоприятну сотвори молитву нашу, даруй нам оставление прегрешений наших, покрый нас кровом крилу Твоею[45], отжени² от нас всякаго врага и супостата³; умири⁴ нашу жизнь, Господи; помилуй нас и мир Твой, и спаси души наша, яко Благ и Человеколюбец.

Хор: Аминь.

Стихиры на стиховне

Воскресные стихи (запевы) к стихирам на стиховне⁵:[46]

Стих 1: Господь воцарися, в лепоту облечеся.

Стих 2: Ибо утверди вселенную, яже не подвижится.

Стих 3: Дому Твоему подобает святыня, Господи, в долготу дний.

Слава, и ныне: Богородичен.

Молитва праведного Симеона Богоприимца

Ныне отпущаеши⁶[47] раба Твоего, Владыко, по глаголу⁷ Твоему, с миром: яко видеста очи мои спасение Твое, еже еси уготовал пред лицем всех людей, свет во откровение языков,[48] и славу людей Твоих Израиля².

Чтец: Святый Боже, Святый Крепкий, Святый Безсмертный, помилуй нас. (Трижды)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды)

Слава, и ныне:

Отче наш, Иже³ еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный⁴ даждь нам днесь⁵; и остави⁶ нам долги⁷ наша, якоже и мы оставляем должником нашим; и не введи нас во искушение⁸, но избави нас от лукаваго⁹.

Иерей: Яко Твое есть Царство и сила и слава, Отца и Сына и Святаго Духа, ныне и присно и во веки веков.

Хор: Аминь.

Тропарь праздника, трижды.