ГРАМОТЫ ВЕЛИКИХЪ КНЯЗЕЙ ЛИТОВСКИХЪ съ 1390 по 1569 годъ собранныя и изданныя подъ редакціею Владиміра Антоновича и Константина Козловскаго.

Книга гродская летичевская, 1714 г. № 5253, стр. 177 на обор.

5.

Грамота великаго князя Свидригайла шляхетнымъ Чоботамъ на имЂніе Рычековъ. 1445 года, марта 3 дня.

Милостію Божіею, мы, князь великій Свидригайло Олькгирдовичъ вызнаваемъ то тымъ нашимъ лыстомъ каждому доброму, комужъ буде его потребизна, нынЂшнимъ и потомъ будущимъ, или его услышитъ кто чтучи (sic): ижъ приказаньемъ кроля Владислава полского и вгорского, сыновца нашего милого, дали есьмо вЂчную очизну въ Огороженой въ Великой, къ королевскому двору, шляхетнымъ Чоботомъ, а также и зъ кролевскимъ приказаньемъ дали есьмо имъ Рычекговъ, за ихъ вЂч-/10/ную очизну, отмЂну шляхетному Феодору Жукови половину Рычекгова, и также шляхетному Ходорови и зъ братомъ его Игнаткомъ другую половину Рычекгова, и то есьмо дали на вЂки вЂчныи и дЂтемъ ихъ, ихъ ближнимъ, по ихъ животЂ, зо всЂмъ правомь и зо всЂми пожитки: зъ поли, и зъ ролями, и зъ луками, и зъ лесы, и зъ лозами, и зъ реками, и зъ потоки, и зъ криницами, и зъ ставы, и зъ млыны, и зъ тыхъ млыновъ вымолотки, зъ ловищи звЂриними, и зъ пташми, и зъ вЂчными границами, штожъ и зъ вЂка къ тому Рычекгову прислухаетъ, то и нынЂ имаетъ слухати. Вольни продати, или за даръ дати, на свое лепшое обернути, а зъ того намъ имаетъ служити, и нашимъ намЂстникомъ двома стрельцами на заволаную войну, якъ останнии земяне служатъ, а на лепшее свЂдоцтво казали есмо печать нашу привесити къ сему нашему листу на потвержденіе; а при томъ были наша вЂрная рада: панъ Немиричъ, староста Луцкій, князь Михайло Чорторійскій, маршалко нашъ, панъ Семашко, панъ Бернатъ маршалко, а иныхъ много добрыхъ при томъ было. Данъ въ Луцку, месеца марта 3 день, подъ леты Христова Рожества 1445 лето.

Приказъ пана Федька канцлерее.

(Athenaeum, 1842 года, т. II, стр. 27).

6.

Духовное завЂщаніе князя Андрея Владиміровича, написанное имъ въ Кіево-печерской лаврЂ, по которому имЂнія его: Словенскъ, Могильное, Коменце, Логожескъ, Лемницы и Полонное, въ случаЂ смерти, переходятъ женЂ и дЂтямъ его. 1446 года, іюня 16,

Во имя Отца и Сына и Святого Духа, се азъ рабъ Божій, князь Андрей Владиміровичъ, пріездилъ есмъ въ Кіевъ, зъ своею женою и зъ своими дЂтками и были есмо въ дому пречистыя и поклонилися есмы пресвятому образу ея и преподобнымъ отцемъ Антонію и Феодосію и прочимъ преподобнымъ и богоноснымъ отцамъ печерскимъ, и благословилися есмы у отца нашего, архимандрита Николы, и у всЂхъ святыхъ старцевъ, и поклонихомся отца своего гробу, князя Владиміра Олгердовича, и дЂдъ своихъ гробомъ въ печере; и размыслихъ на своемъ /11/ серци коло тыхъ гробовъ; а вси тыи жили на семъ свЂтЂ, а пошли вси къ Богу, и помыслилъ есмь помале — и намъ тамо пойти, где отци и братя наша, и подумалъ есмъ зъ своею княгинею и зъ отцемъ своимъ Николою, архимандритомъ печерскимъ, и зь святыми старцы, и зъ своими бояры, и отписалъ есмъ своей женЂ, княгини Маріи, и своимъ дЂтемь, и ее дЂтемъ свою отчину, и свою выслугу, иже есмъ выслужилъ на своихъ господарехъ своею верною службою, на великомъ князи ВитовтЂ, и на великомъ князи ЖикгимунтЂ, и на своемь господарЂ, великомъ князи Казиміре, имЂніе первое; а имярекъ: Словенскъ, Могильное, Каменне, Логожескъ, и Лемницы (sic), Полоное а также што есмь подавалъ именя бояромъ своимъ. А кто всхочетъ женЂ моей и дЂтемъ моимъ служить, и они служатъ зъ тыхъ именій женЂ моей и дЂтемъ моимъ; а хто не всхочетъ женЂ моей и дЂтемъ моимъ служить, и азъ тые именя далъ женЂ своей и дЂтемъ своимъ, а вся тая именя поручи.лъ и далъ есмь женЂ своей, княгинЂ Маріи, и сыну своему, князю Глебови, и дочцЂ своей, княжнЂ Овдотьи; а при томъ былъ отець нашь Никола, архимандрить печерскій, уставникъ, Іона Филозофъ, Клучникъ Давидъ, келаръ Герасимъ, и иныхъ у господи нашее старцевъ много, и наши бояре, и наши маршалки, князь Глебъ Дмитріевичъ, бояринъ нашъ Александръ Самотечинъ, Иванко Давидовичъ, и иные бояре наши и слуги при томъ были; а кто се слово наше порушитъ, а иметъ въ тые именя вступатися, разсудится зъ мною предъ Богомъ, и буде ему клятва отъ Бога Отца и Сына, Святого Духа и одъ пречистыя Владычици нашея Богородицы и присно-дЂвы Маріи, одъ всЂхъ святыхъ ангелъ, и одъ пророкь, и апостолъ, и одъ четырехъ евангелистъ, и одь святыхъ отецъ, иже на седми зборехъ бывшихъ, и одъ всЂхъ мученикъ, и преподобныхъ и богоносныхъ отецъ Антонія и Феодосія печерскихъ, иже есмь то вернЂ выслужиль оть своихъ господарей. A писана въ КіевЂ, въ обители царстЂй, въ печерскомъ монастыри, по святыя Богородицы и преподобныхъ отецъ Антонія и Феодосія, въ лето 6954, іюня 16, на память священномученика Тихона, а писалъ старецъ Пахнутій, Лихачевъ братъ.

Athenaeum, 1842 г. т. II, стр. 32 наоб.