Иоанн III Великий. Первый Российский государь. Летопись жизни. Часть III

Жити мне с ним в любви по сеи грамоте. А быти мне с ним везде заодин. И добра мне ему хотети и его землям везде, где бы ни было. А ему мне добра хотети и нашим землям везде, где бы ни было. А хто будет мне друг, то и ему друг. А хто мне недруг, то и ему недруг. А хто будет ему друг, то и мне друг. А хто будет ему недруг, то и мне недруг. А быти ти, брату, на всякого моего недруга со мною везде заодин, и на тотар. А мне на всякого твоего недруга быти с тобою везде заодин, и на татар. А поидут ли, брате, тотарове на наши украиные места, и князем нашим, и воеводам вашим, украиным нашим людем, сослався, и боронитися им с одного. А где тобе, моему брату, будет моя помочь надобе на всякого твоего недруга, и на татар, и тобе ко мне послати, и мне тобе помочь дати. А так же коли твоя помочь мне будет надобе, и мне к тобе послати, и тобе, моему брату, мне помочь дати на всякого моего недруга и на татар. <…>