Из истории русской иерархии XVI века

«[Л. 115] Преблагый Господь Спас всего мира, хотя проявити раба Своего преподобнаго сего мночюдесна мужа, яко угодни и дасть ему силу неотъемлему, иже приходящая гробу его верою Христова исповедания кождо своя прошения приимаше исцеляху от различных недуг различия же недуги: слепии прозираху, хромии хождаху, прокажении очищахуся, [Л. 115 об.] расслаблении укрепляхуся и прочая кто что требоваше без срама охождаше и Христа прославляаше, яко сподобших сице благобесценнаго бисера многоцелебнаго телеси святаго Иякова. И прохожда время немало точа целения и слава многа прохождаше о нем. И пришедше мужие места того, возвестиша о нем архиепископу Феодосию Великаго Новограда и Пьскова и положиша пред ним писания чюдес святаго у гроба его чюдодеемая по изъснению [Л. 116] и утвержени рукописанием отець своих пастушества Христова – и какой кто и в которая дни, имены, недугы целения: писмени же не новописана, но в няже дни содевашеся, тако и писаше. Архиепископ же сия приим и посла с истинною твердостию к превеликому многоразумному всего мира Русьскыя благочестия пастырю и учителю и наставнику целомудру и незлобиву, столпу благоверия Пресвященному и всея Ру сии Митрополиту Макарью. [Л. 116 об.] И егда же приим сия духовный муж, теплый в слезах Макарей дивный и видев написания многоразлична Христовою благодатию и неухищренне и поистинне и еще же разжигаем духом ревности Божия наполняшеся слез, трепеташеся теплатою, внимая слово Господне: всяко древо от плода своего познавается[203]: древо зло – и плод его зол есть, древо добро – и плод его добр есть[204]; ниже розга может что сотворити о себе, аще не будет [Л. 117] что на лозе[205] и еще к тому разумевается слово Святаго Евангелия: Аз есмь виноград истинный и Отец Мой делатель есть[206] и Хранитель винограда, всяку лозу о Мне не творящую плода добра изметь ю и всяку творящую плод отребит ю и да множайший плод принесет[207]. Сицевая разумеваше преподобный и стоняше истиньства воспевая Бога и святаго Иякова страшно показуемаго чюдотворца. О мужие Церкви Христовы, [Л. 117 об.] кто и тава учителя не славит и кто не слезит, поминая любовь его к Богу и ко звятым и ко всем человеком, и кто мужеству его и разума тихости не подивится? И како утвержашеся евангельским учением, но с теплотою сердечнаго горения содевается, и несть сия человеческия мудрости, но Божиа смотриния дело. И Преосвященный всея Русии Макарей Митрополит в себе разум имяше от Святаго Духа писани, яко кто служи Богу Христу Господу нашему и есть праведен, [Л. 118] венчанный же от Него – сведительствуется чюдесы подания приходящим к раце мощей преподобнаго телеси точением целения различных недуг, яко и бысть на множество славы чюдес святаго Иякова Боровицкаго многообразна зряшеся, яко древним отцем делы явлением. Да како и се въспомнити может преподобный Макарей яко явление перваго и втораго чюдеси бывает, яко сумнително, по третьем же клятвено же бес похвалы оставити, [Л. 118 об.] а не точию многоразличный целбы являя. По истинне не несумнителна разсужения преподобна мужа Пресвященна старца всея Русии Митрополита, еже Господь рече: Аз есмь веща виноград се же есть корень, вы же лозие[208]. О ком же упрожняет Отец и извержет и погубляет – явно бо разумеется се неплодствие человека не по Бозе живуща, како может чюдеса творити, яко сам погыбе. И да не помянется к тому плодовито еже пръвое убо вера, веры же убо часть бывающе ко[Л. 119]рень и съединившеся Господеви лепо и плод принести, се же глаголется житие имети добродетельно. Аще же убо един высок ответ веры кто имать несохранения же ради, ни соблюдения заповедей, яже во Христа плод приносите – мертва бывает лоз; вера бо без дел мертва есть[209]; всзяк же верен о Христе убо мнеся якоже верует всяка бо веща лоза яже о Мне, аще не принесет плода, вземлет ю Отец и, извержет[210] и, кроме сыновня общения, полагает, [Л. 119 об.] плод же приносящую очищает, зде же навыкай яко любо и зело добродетелен есть, кто от Бога помощи требует, а бесплодно ни в винограде быти может, плодно яже съделает Отец, и не токмо может быти в виногради, но рече Господь: в Мне пребудете, и Аз в вас[211], якоже лоза не может плода приносити о себе, аще не пребудет в винограде, тако и вы, аще во Мне пребудете, Аз есмь лоза, вы же рождие, и иже будет во Мне в нем, и той сотво[Л. 120]рит плод мног, яко без Мене не может творити ничтоже[212]. Сия бо рече Христос, хотя проводити нам еже от Него данная власть и живот, угожающи Ему, к животу действо благодати духовныя невидимо действуют, яко слепии видят, хромии ходят, недужни исцелевахуся. И сия внимаше и ина немала разумевашеся от него да не медленна длъгости наложит, но скоро по совету Богом дарныя (!) ему паству чадо Божественыя благодати [Л. 120 об.] святаго собора Великыя Русии радостно слово посылаше писания к сыну своего смиреньства архиепископу Феодосию Великаго Новаграда и Пскова престол держаше тогда. И яко да и се устроить по достоянию веры святыя почести гроб, в нем же тело святаго Иякова разумевати же и чюдесы являющихся от него, такоже и день мощем его принесения память имяни его на всяк год почитати и всему священному собору песново [Л. 121] схваляти у гроба святаго и съвершати Божественую литиргию (!) и прочее, якоже соборная Церковь прият обычай дръжания, тако да празднуют. И якоже дойде писания слово превеликаго пастыря к сыну его смирения и въскоре повеленная совершишася и уставишася день тъи октября 25 день на память святаго апостола Иякова брата Божия по плоти. Лету же тогда сущу 7053 [1545] в царство благочестиваго царя Ивана Васильевича, государя и [Л. 121 об.] Великаго князя всея Русии. И больма[213] нача место прославлятися чюдес ради точения святаго»[214].