Избранные сочинения

СТАРОСТЬ

Лакон нѣкто, сѣдыми власы украшенный,
от юных человѣк бяше вопрошенный,
Вскую браду пространну любезно держаше
и множицею на ню очы обращаше, —
5 Рече: „Того ради ю держу и смотряю,
да видя в ней сѣдины присно поминаю
Ничтоже не достойно тѣх сѣдин творити,
но тщуся, яко лѣпо мужу стару жити“.
Слышите то, старии, старость почитайте,
10 ничто вам неприлично и на ум пущайте,
Наипаче таковых дѣлес не творите,
яже старости вашей нечестна узрите.

ДѢВА

Срам честный лице дѣвы украшает,
егда та ничесоже не лѣпо дерзает.
Знамя же срама того знается оттуду,
аще очес не мещет сюду и онуду,
5 Но смиренно я держит низу низпущенны
постоянно, аки бы к земли пристроенны.
Паки, аще язык си держит за зубами,
а не разширяет ся тщетными словами;
Мало бо подобает дѣвам глаголати,
10 много же к чистым словом уши приклоняти.

ЛАКОМСТВО

Екклисиаст богатство немощь именует,
яко всяк негли богачь выну недугует
Болѣзнию лакомства, — яже всего томит,
держателя си мучит, разслабляет, ломит.
5 Мучатся богатии, во-первых, главою,
ибо выну печални пребывают тою,
Безчисленными мыслми ону удручают,
да выну злато, сребро в ковчег прилагают;
Дручатся промыслами, како я щадити,
10 да бы сохраненнаго ни мало изжити.
Еще и очима си тии болѣзнуют,
иже лакомо злато сокровиществуют;
Не могут бо оныма на нищих взглядати,
воеже бы просящым ничесоже дати, —
15 Яко богачь Лазаря никогда смотряше,
иже пред домом его при вратѣх лежаше.
Недугуют и слухом, не могут слушати,
обыкоша ушеса своя отвращати
От просящих милости; всуе стенание
20 пред ними пущается и воздыхание.
Не слышат гласа сирых и вдовство терпящих,
ни вредами тлѣющих, на гнои лежащих;
Едино речение „на!“ могут слышати,
а еже „дай!“ во уши не любят впущати;
25

Умѣют же добрѣ „дай!“ усты прорицати,а еже „на!“ никогда хотят глаголати.
Оле болѣзни злыя, творящыя глухи
люди, не врежденныя имущыя слухи!
Недужни и гортанем; тому бо хуждшая
30 пищь дают, а за сребро продают лучшая:
Паче ковчеги любят богатством полнити,
нежели чрево свое благо учредити.
Болѣзнуют и сердцем; то бо озябает,
егда в ковчезѣ с хладным златом пребывает;
35 Не в теплых персѣх сердца их суть утвержденна,
но с сокровищем — увы! — многим погребенна.
Недужны имут руки, пребѣдно согбенны,
на даяние нищим зѣло разслабленны.
Томит болѣзнь и ноги, ибо ты не знают
40 во дни, в нощы покоя, но всегда бѣгают
По всѣм путем, еже бы прибыток имѣти.
О, коль много лакомым нужда бѣд терпѣти!

ПОСОБИЕ

1