Хрестоматия по истории СССР. Том1.

В летописи сохранилось несколько рассказов о Невском и Ледовом побоищах. Эти рассказы были заимствованы из жития (биографии) Александра Невского, написанного уже в XIII в. одним из его приближенных. В наиболее полном виде рассказ о побоищах помещен в «Симеоновской летописи», напечатанной в «Полном собрании русских летописей», т. XVIII, стр. 61–65.

НЕВСКАЯ БИТВА

Слышав король чясти Римскиа[73] от полунощныа страны таковое мужество великаго князя Александра Ярославичя, и помысли в себе победита его, или руками яти, и Великий Новъгород попленити, и вся грады их, и люди Словенскиа к собе в работу² сътворити, и рече: «Иду и попленю землю всю Александрову». И събра силу велику, местери и бискупи ³ свои, и свея, и мур-мани, и сумь, и емь⁴, и наполни корабли многы зело полков своих, и подвижеся в силе велице, пыхая духом ратным, и прии-де в реку Неву и ста усть Ижеры; шатаася безумием своим, хотя въсприати Ладогу⁵, прочее же реку, и Новъгород, и всю область Новогородцкую… Прииде бо весть тогда, яко свей и идуть к Ладозе, а в то же время приела король послы разгордевся к великому князю Александру Ярославичю в Новъгород, а рка⁶ так: «аще можеши противити ми ся, то се еемь зде уже и пленю землю твою». Великий же князь Александр Ярославичь, слышав словеса их, и разгореся сердцем, и вниде в церковь святыа Софея, и паде на колену пред олтарем, и нача молитися богу с слезами…

И пойде на них в ярости мужьства вой своих не со многою дружиною, не бе бо когда съждати многых вой с силою великою, но уповая на святую Троицу. Отець же его, великий князь Ярослав Всеволодич⁷ не бе ведел таковаго въстаниа на сына своего Александра, ни оному бысть когда послати вести к отцу, уже бо приближишася ратнии. Тем же и мнози Новгородци не съвокупишася, понеже ускори великий князь Александр пойти противу ратных, и прииде на ня⁸ в неделю⁹…

И бысть сечя велика над римляны, изби множество много бесчисленое римлян и самому королю възложи печять на лице острым своим мечем.

О ШТИ ¹⁰ МУЖЕХ ХРАБРЫХ

Здесь же явишася в полку великаго князя Александра 6 мужей храбрых, иже с ним крепко мужествоваху. Первый Гавриило Олексичь. Сии бо наеха на шнеку¹¹ и виде королевичя, мчяща под рукы. и вьзъехав по дсце¹² до самого корабля, по ней же схожаху, и втекоша в корабль перед ним, и пакы обратившеся свергоша его с доскы и с конем в море. Божиим же заступлением оттуду изыде неврежен, и пакы наехав бися крепко с самим воеводою посреде полку их, и ту убьен бысть воевода их Спиридон, и бискуп их убьен бысть ту же. Вторыи же Новогородець, именем Збыслав Якунович. Сии же наеждая многажды, бьяшется единем топором, не имеа страха в сердци, и неколко от рукы его паде и подивишася силе его и храбрости. Третий же Яков Полочянин, бе ловчий у князя. Сии наехав на полк с мечем и мужьствовав крепко, и похвали его великий князь. Четвертый же Новогородець, именем Миша. Сии же пешь с дружиною своею натече и погуби римлян 3 корабли. Пятый же от молодых его некто, именем Сава. Сии же наехав великий шатер златоверхыи, подсече столп ему; шатер же падеся, и полци Александрови, видевше падение шатра того, вьзрадовашася. Шестыи же от слуг его, именем Ратмир. Сии бися пешь и оступиша его мнози римляне; он же от многых ран паде и тако скончася. Сии же вся слышах от господина своего великаго князя Александра и от иных, иже в то время обретошася в той сечи…

Остаток же их побеже посрамлени, а трупиа мертвых своих великих воевод наметаша три корабли и потопишася с ними на мори, а прочим ископаша ямы и вметаша их в ня безчислено; а инии мнози язвени быша и той нощи побегоша. Новогородцев же ту паде: Костянтин Луготиничь, Юрята Пинящиничь, Намест Дрочило, Нездилов сын Кожевничь, а всех 20 мужей паде и с ладожаны. Великий же князь Александр Ярославичь възвратяся с великою победою и прииде в Новъгород…

О НЕМЦЕХ И ПСКОВИЧЕХ