Киево-Печерский патерик

Мати же его много искавъши въ град своемь и въ окрьстьнихъ градхъ и яко не обрете его, плакаашеся по немь лют, биющи въ пьрси своя яко и по мрьтвмь. И заповдано же бысть по всей стран той, аще къде видвъше такого отрока, да пришьдъше възвстите матери его и велику мьзду приимуть о възвещении его. И се пришьдъше от Кыева и повдаша ей, яко преже сихъ 4 лт видхомы и въ нашемь град ходяща и хотяща острщися въ единомь от манастыревъ. И то слышавъши она и не облнивъшися и тамо ити. И нимало же помьдьливъши, ни дълготы же пути убоявъшися въ прежереченый градъ иде на възискание сына своего. Иже и пришедъши въ градъ тъ, и обьходи вься манастыря, ищющи его. Послди же повдаша ей, яко въ пещер есть у преподобнааго Антония. Она же и тамо иде, да и тамо обрящеть. И се начатъ старьца льстию вызывати, глаголющи, яко да речете преподобьнууму, да изидеть. «Се бо многъ путь гънавъши приидохъ, хотящи бесдовати къ тебе и поклонитися святыни твоей, и да благословлена буду и азъ от тебе». И възвщено бысть старьцю о ней, и се изиде къ ней. Его же видвъши и поклонися ему. Таче сдъшема има, начатъ жена простирати к нему бесду многу, послди же обави вину, еяже ради прииде. И глаголаше же: «Молю ти ся, отьче, повжь ми, аще сде есть сынъ мой. Много же си жалю его ради, не вдущи, аще убо живъ есть». Старьць же сый простъ умъмь и, не разумвъ льсти ея, глагола ей, яко «сде есть сынъ твой, и не жалиси его ради, се бо живъ есть». То же она къ нему: «То чьто, отьче, оже не вижю его? Многъ бо путь шьствовавъши, придохъ въ сий градъ, тъкмо же да вижю си сына своего. Ти тако възвращюся въ градъ свой». Старьць же к ней отъвща: «То аще хощеши видти и да идеши нын въ домъ, и азъ, шедъ, увщаю и, не бо рачить видти кого. Ти въ утрй дьнь пришедъши, видиши и». То же слышавъши, она отъиде, чающи въ приидущий дьнь видти и. Преподобьный же Антоний, въшедъ въ пещеру, възвсти вся си блаженууму Феодосию, иже и слышавъ, съжалиси зло, яко неможе утаитися ея. Въ другый же дьнь прииде пакы жена, старьць же много увщавааше блаженааго изити и видти матерь свою. Онъ же не въсхот. Тъгда же старьць, ишьдъ, глагола ей, яко «много молихы и, да изидеть къ тебе, и не рачить». Она же к тому уже не съ съмрениемь начатъ глаголати къ старьцю, съ гнвъмь великъмь въпияаше о нуже старьца сего, яко имый сына моего и съкрывый въ пещер, не рачить ми его явити. «Изведи ми, старьче, сына моего, да си его вижю. И не трьплю бо жива быти, аще не вижю его! Яви ми сына моего, да не зъл умьру, се бо сама ся погублю предъ двьрьми печеры сея, аще ми не покажеши его». Тъгда Антоний, въ скърби велиц бывъ и въшедъ въ пещеру, моляаше блаженааго Антоний, да изидеть къ ней. Онъ же не хотя ослушатися старьца и изиде къ ней. Она же видвъши сына своего въ таковй скьрби суща, б бо уже лице его измнилося отъ многааго его труда и въздьржания, и, охопивъшися емь, плакашеся горко. И одъва мало утшивъшися, сде и начатъ увщавати Христова слугу, глаголющи: «Поиди, чадо, въ домъ свой, и еже ти на потребу и на спасение души, да длаеши въ дому си по воли своей, тъкмо же да не отълучайся мене. И егда ти умьру, ты же погребеши тло мое, ти тъгда възвратишися въ пещеру сию, якоже хощеши. Не трьплю бо жива быти не видящи тебе». Блаженый же рече къ ней: «То аще хощеши видти мя по вся дьни, иди въ сий градъ, и въшьдъши въ единъ манастырь женъ и ту остризися. И тако, приходящи смо, видиши мя. Къ симъ же и спасение души приимеши. Аще ли сего не твориши, то — истину ти глаголю — к тому лица моего не имаши видти». Сицми же и инми многыими наказани пребывааше по вся дьни, увщавая матерь свою. Онъй же о томь не хотящи, не пон послушати его. И егда отъхожаше от него, тъгда блаженый, въшедъ въ пещеру, моляшеся Богу прилжно о спасении матере своея и обращении сьрьдьца ея на послушание. Богъ же услыша молитву угодьника своего. О семь бо словеси рече пророкъ: «Близъ Господь призывающиимъ въистину и волю боящимъся его творить, и молитву ихъ услышить, и спасеть я». Въ единъ бо дьнь пришьдъши мати ему глаголя: «Се, чадо, велимая вься тобою сътворю, и къ тому не възвращюся въ градъ свой, нъ яко Богу волящю, да иду въ манастырь женъ, и ту остригьшися прочая пребуду дьни своя. Се бо от твоего учения разумхъ, яко ничтоже есть свтъ сий маловременьный». Си слышавъ, блаженый Феодосий въздрадовася духъмь и въшьдъ съповда великому Антонию, иже, и услышавъ, прослави Бога, обративъшааго сьрьдце ея на такавое покаяние. И шьдъ къ ней и много поучивъ ю, еже на пользу и на спасение души, и възвстивъ о ней княгыни, пусти ю въ манастырь женьскый, именуемъ святааго Николы. И ту пострижен ей быти, и въ мьнишьскую одежю облечен ей быти, и поживъши же ей въ добр исповдании лта многа, съ миръмь усъпе.