Киево-Печерский патерик

Инъ же нѣкто, такоже боленъ, принесенъ бысть в Печеру и постриженъ. Мниси же, на то устроени, болным служити, вземше и сего, несъше ко Пимину, да обѣма купно равно послужат. Небрежение же имуще о таковѣй службѣ, сию в забытие поверьгоша, и изнемогаша болнии безводием. Пиминъ же рече къ болящему: «Брате, понеже гнушаются служащеи намъ, смрада ради бывающаго от нас, то аще въставит тя Господь, можеши ли пребыти въ службе сей?» Болный же обѣщася блаженному до смерти своеа съ усердиемь послужити болнымъ. Пиминъ же рече к нему: «Се Господь отьемлет болѣзнь твою от тебѣ, и к тому здравъ бывъ, исполни обѣт твой и служай ми и подобным мнѣ. На нерадивыа же о службе сей наводит Господь болѣзнь лютую, яко да тѣмь наказани бывше, спасутся». И ту абие въста болный и служа ему, на нерадивыа же и не хотѣвшаа служити болным всѣхъ обиатъ недуг, по словеси блаженнаго.

Некто другой, больной таким же недугом, принесен был в Печерский монастырь и пострижен. Иноки же, приставленные служить больным, взяли его и принесли к Пимену, чтобы служить обоим одновременно. Но, относясь с небрежением к такой службе, они забыли про них, и больные изнемогали от жажды. Наконец Пимен сказал этому больному: «Брат, так как гнушаются нами прислуживающие нам из-за исходящего от нас смрада, то если исцелит тебя Господь, сможешь ли ты на себя возложить службу эту?» Больной же обещался блаженному до смерти своей с усердием служить больным. Тогда Пимен сказал ему: «Вот Господь снимает с тебя болезнь твою, и как только станешь здоров, исполни обет свой и служи мне и подобным мне. На тех же, которые не радеют об этой службе, наведет Господь болезнь лютую, чтобы могли, приняв такое наказание, спастись». И тотчас встал больной и начал служить ему, а на всех нерадивых и не хотевших служить больным напал недуг, по слову блаженного.

Исцѣлѣвый же брат от недуга мало нѣкогда съгнуси въ себѣ и уклонися от Пимина, и сего алчна и жадна остави, смрада ради утробнаго. И леже въ особной храминѣ, и внезапу огнь зажже его, и не могый въстати за три дьни, и не стръпѣ жажи водныа, и нача вопити: «Помяните тя, Господа ради, се бо умираю безъводиемь!» Слышавъ же въ друзѣ кѣлии, приидоша к нему и видѣша его одръжима недугомъ, възвѣстиша о нем Пимину, яко: «Брат, служай ти, умирает». Рече же блаженный: «Еже человѣкъ всѣеть, то и пожнеть: понеже остави мя гладна и жадна, и сам въсприалъ еси, сългавъ Богови и мою худость презрѣвъ. Но обаче учимы есмы не въздаати зла за зло, шедше, рците ему: “Зоветь тя Пиминъ, въставъ, прииде сѣмо”».

Исцелившийся же от недуга брат, спустя немного времени, стал втайне гнушаться Пименом из-за его смрада, пренебрег им и оставил его без пищи и без питья. Брат этот лежал в отдельной горнице, и вдруг огнем стало жечь его, так что он не мог встать три дня, и, не стерпев жажды, начал кричать: «Помогите мне, Господа ради, умираю от жажды!» Услыхали в другой келье, пришли к нему и, видя его в таком недуге, рассказали о нем Пимену: «Брат, прислуживающий тебе, умирает». Блаженный же сказал: «Что человек посеет, то и пожнет: так как он оставил меня голодным и жаждущим, то и сам получил это, солгав Богу и мою немощь презрев. Но так как нас учили не воздавать злом за зло, то подите и скажите ему: “Зовет тебя Пимен, встань и приди сюда”».

И егда, пришедше, изъглаголаше ему, тогда болный здравъ бысть, и въ той час прииде къ блаженному, никимже водим. Преподобный же поноси тому, рекъ: «Маловѣрѣ! Се здравъ еси; к тому не съгрѣшай. Не веси ли, яко равну мзду имѣета боляй и служай? Но тръпѣние убогых не погыбнеть до конца: здѣ убо скорбь, и туга, и недугъ вмалѣ, а тамо радость и веселие, идѣже нѣсть болѣзни, ни печали, ни воздыханиа, но жизнь вѣчнаа. Того бо ради, брате, сиа тръплю. Богъ же, иже тебѣ мною исцелѣвый от недуга твоего, той может и мене въставити от одра сего и немощь мою исцѣлити, но не хощу: “Претръпѣвый бо до конца, — рече Господь, — той спасеться”. Уже ми есть в жизни сей всему изгнити, да тамо плоть моа будет безъ истлѣниа, и смрадное обоняние — таможе благоухание неизреченно. Добро убо, брате, церковное предстоание, въ свѣтле и чистѣ пресвятѣмъ мѣстѣ, и съ аггельскими силами невидимо пѣснь пресвятую всылати велми богоугодно и благоприатно: церкви бо небо земное нарицаеться, и стоащи в той на небеси стояще мнятся. Что же ли, брате, темнаа сии и смраднаа храмина: не преже ли суда суд и преже бесконечныа мукы мука? Иже болѣзнуай достойнѣглаголеть: “Тръпя, потерпѣх Господа, и внят ми”. Сих ради апостолъ глаголет въ плоти болящим: “Аще убо наказаниа тръпите, яко сыновом вам обрѣтается Богъ, аще ли без наказаниа есте, рабичища есте, а не сыновѣ”. О сих бо рече Господь: “Въ тръпѣнии вашем стяжете душа ваша”».