Краткий православный молитвослов с пояснениями

Со святы́ми упоко́й, Христе́, ду́ши раб Твои́х ( или: ду́шу раба́ Твоего́, ду́шу рабы́ Твоея́), иде́же несть [250] боле́знь, ни печа́ль, ни воздыха́ние, но жизнь безконе́чная.

Тропари, глас 4-й

Со ду́хи пра́ведных сконча́вшихся, ду́ши раб Твои́х ( или: ду́шу раба́ Твоего́, ду́шу рабы́ Твоея́), Спа́се, упоко́й, сохраня́я их ( или: ю [251] ) во блаже́нней жи́зни, я́же у Тебе́ [252] , Человеколю́бче.

В поко́ищи Твое́м, Го́споди, иде́же вси святи́и Твои́ упокоева́ются, упоко́й и ду́ши раб Твои́х ( или: ду́шу раба́ Твоего́, ду́шу рабы́ Твоея́), я́ко еди́н еси́ Человеколю́бец.

Сла́ва: Ты еси́ Бог, соше́дый во ад, и у́зы окова́нных разреши́вый, Сам и ду́ши раб Твои́х ( или: ду́шу раба́ Твоего́, ду́шу рабы́ Твоея́) упоко́й.

И ны́не: Еди́на Чи́стая и Непоро́чная, Де́во, Бо́га без се́мене ро́ждшая, моли́ спасти́ся душа́м их ( или: души́ его́, души́ ея́).

Молитва великопостная святого Ефрема Сирина

Го́споди и Влады́ко живота́ моего́ [253] , дух пра́здности, уны́ния, любонача́лия [254] и праздносло́вия не даждь ми. (Земной поклон.)

Дух же целому́дрия, смиренному́дрия, терпе́ния и любве́ да́руй ми, рабу́ Твоему́ . (Земной поклон.)

Ей, Го́споди Царю́, да́руй ми зре́ти [255] моя́ прегреше́ния и не осужда́ти бра́та моего́, я́ко благослове́н еси́ во ве́ки веко́в. Ами́нь. (Земной поклон.)

Бо́же, очи́сти мя гре́шнаго. (12 раз с поясными поклонами.)

И потом всю молитву целиком и один земной поклон по окончании.

Тропарь Пасхи

Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в.

Воскресная песнь по Евангелии

Воскресе́ние Христо́во ви́девше, поклони́мся Свято́му Го́споду Иису́су, еди́ному безгре́шному. Кресту́ Твоему́ покланя́емся, Христе́, и свято́е Воскресе́ние Твое́ пое́м и сла́вим: Ты бо еси́ Бог наш, ра́зве Тебе́ [256] ино́го не зна́ем, и́мя Твое́ имену́ем. Прииди́те, вси ве́рнии, поклони́мся свято́му Христо́ву Воскресе́нию: се бо прии́де [257] Кресто́м ра́дость всему́ ми́ру. Всегда́ благословя́ще Го́спода, пое́м Воскресе́ние Его́: распя́тие бо претерпе́в, сме́ртию смерть разруши́.

Молитва ко Пресвятой Богородице