Лекарство от скорби и утешение в унынии. Молитвы и обереги

А когда Божия Матерь лежала на одре в ожидании смерти, в Иерусалим по Божией воле стали съезжаться апостолы, до этого времени находившиеся в разных странах. В последний путь не провожал Деву только один апостол – Фома. Когда же и он добрался до Иерусалима, Пресвятую Деву уже погребли, но, видя отчаяние Фомы, погребальную пещеру открыли. Каково же было удивление учеников, когда они обнаружили, что в пещере нет тела Пресвятой Богородицы. Они нашли лишь ее погребальные пелены, источающие дивный аромат. Таким образом, Божия Матерь была взята Господом на Небо в земном естестве.

Молитва Божией Матери

О, Пресвятая Дева, Мати Господа, Царица небесе и земли! Вонми многоболезненному моему воздыханию души нашея, призри с высоты святыя Твоея на нас, с верою и любовию поклоняющихся Пречистому Образу Твоему! Се бо, грехми погружаемии и скорбьми обуреваемии, взирая на Твой Образ, яко живей Ти сущей с нами, приносим смиренныя моления наши. Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных. Помози нам, немощным, утоли скорбь нашу, настави на путь правый нас, заблуждающихся, уврачуй и спаси безнадежных, даруй нам прочее время живота нашего в мире и тишине проводити. Подаждь христианскую кончину и на Страшном суде Сына Твоего явися нам, милосердная Заступница, да всегда поем, величаем и славим Тя, яко благую Заступницу рода христианского со всеми угодившими Богу. Аминь!

Молитва иная 1

О, Пресвятая Госпоже Владычице Богородице, вышши еси всех ангел и архангел, и всея твари честнейши, помощнице еси обидимых, ненадеющихся надеяние, убогих заступнице, печальных утешение, алчущих кормительнице, нагих одеяние, больных исцеление, грешных спасение, христиан всех поможение и заступление. О, Всемилостивая Госпоже, Дево Богородице Владычице, милостию Твоею спаси и помилуй святейшия патриархи православныя, преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше, на невидимыя и видимыя враги наша. О, Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум, и очи сердечнии, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего; яко держава Его благословенна и препрославлена, со Безначальным Его Отцем, и с Пресвятым, и Благим, и Животворящим Его Духом, ныне и присно, и во веки веков. Аминь.

Молитва иная 2

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний и предприятий и от всех действ злых свободи мя. Яко благословенна еси от всех родов, и славится Пречестное имя Твое во веки веков. Аминь.

Песнь Богородице

Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.

«Достойно есть»

Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Молитва о разрешении от бремени